Faigheann speisialtóir TF Spáinneach tús nua sa Ghearmáin

Nuair a d'fhág sé an Andalúis, d'aistrigh Jose, 27 bliain d'aois, go Bottrop in iarthar na Gearmáine, áit a bhfuair sé post go tapa a bhuíochas do thacaíocht a fuair sé ó EURES na Gearmáine.

Tar éis dó a fháil amach anuraidh nach mbeadh síniú ama ar a chonradh fostaíochta in Sevilla, bhí na roghanna a bhí roimhe á bhfiosrú ag Jose. Bhí seimeastar caite aige in Ollscoil Teicneolaíochta Graz san Ostair tríd an gclár Erasmus agus bhí sé ag déanamh staidéir ar Ghearmáinis ag Institiúid Goethe in Sevilla.  Mar gheall ar ardleibhéal leanúnach dífhostaíochta sa Spáinn, bhí aistriú chun na Gearmáine ar intinn aige le tamall.

Tá seirbhísí EURES sa Ghearmáin á seachadadh ag Seirbhísí Socrúcháin Idirnáisiúnta agus Speisialaithe na Gearmáine (ZAV). Níorbh fhada go raibh coinne ag Jose le Markus Skrbina ag ZAV, ar comhairleoir ar iasacht chuig foireann Dortmund na gníomhaireachta é, duine a mhínigh na féidearthachtaí. 'Bhíomar in ann gach ceist a bhí aige faoi mhaireachtáil agus obair sa Ghearmáin a fhreagairt, agus mholamar roinnt folúntas sa ghairm scroige seo, a deir Markus.

Tá Bottrop sa réigiún Ruhr, cuid den Ghearmáin a raibh cáil air tráth mar gheall ar thionscal trom agus atá á oscailt anois do thionscail nua, agus áit, amhail an chuid eile den tír, a bhfuil an-éileamh ar speisialtóirí TF. Bhí an chuideachta bhogearraí áitiúil Celano ag iarraidh cur lena fhoireann le tamall anuas, agus mhol an ghníomhaireacht fhostaíochta di cuardach níos faide ná teorainneacha na Gearmáine.

Foireann idirnáisiúnta le haghaidh réiteach idirnáisiúnta

Mar sin, i mí Iúil anuraidh, bhuail ionadaithe ó Celano, an Ghníomhaireacht Fhostaíochta Bottrop, agus Markus Skrbina le chéile chun na ceanglais maidir le speisialtóirí eachtracha a phlé.  Dhá sheachtain ina dhiaidh, labhair Jose agus ionadaí Celano ar an nguthán, agus agallamh duine le duine seachtain ina dhiaidh sin.  I nDeireadh Fómhair, thosaigh Jose ina phost nua.

'Bhí an chomhairle a thug ZAV dúinn mar chabhair iontach linn, de thairbhe go raibh duine teagmhála againn i gcónaí le ceisteanna a fhreagairt,' a deir urlabhraí Celano Maria Niehoff. 'Agus is maith lenár bhfostaithe go bhfuil foireann idirnáisiúnta againn anois.'

Tá Jose ag baint suilt as an eispéireas, fiú má tá gach rud nua. 'Ba í an fhadhb is mó áit chónaithe a aimsiú,' a deir sé. Agus ní hé Jose an t-aon duine amháin sa chuideachta a bhfuil saol nua i dtír eachtrach acu: Tá a chomhghleacaí Iodálach Michele Geri ina comhdhuine nua, agus fuair sise comhairle ó ZAV freisin. 

Maidir le Markus Skrbina, ba é eispéireas luachmhar dó dul ar iasacht chuig an bhfoireann ZAV in Dortmund. Mar ghníomhaire sa tseirbhís fhostóirí in Mülheim, is féidir leis labhairt anois le tairbhe na taithí nuair a chuireann sé in iúl an fhéidearthacht le speisialtóirí a earcú ó thar lear chuig cuideachtaí áitiúla.

Naisc ghaolmhara:

Seirbhísí Socrúcháin Idirnáisiúnta agus Speisialaithe na Gearmáine (ZAV)

Celano

Maireachtáil agus Obair sa Ghearmáin

Léigh tuilleadh:

Aimsigh ComhairleoirEURES

Dálaí oibre agus maireachtála i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath

EURES ar Facebook

EURES ar Twitter

EURES ar LinkedIn

EURES ar Google+