Teacht chun cinn foirne ilchultúrtha: conas a chinntiú go n éireoidh leo

Cibé an bhfuil tú i mbun maoirseacht ar cheann díobh nó mar chuid d’fhoireann idirnáisiúnta, gabhann buntáistí móra le húsáid a bhaint as na buntáistí a bhaineann le timpeallacht den sórt sin a chruthú, ní hamháin don fhiontar, ach do bhaill aonair na foirne fosta. Tugtar le chéile i bhfoirne ilchultúrtha tacair scileanna uathúla agus cruthaítear ar an dóigh sin raon leathan eolais agus saineolais. De réir thuarascáil McKinsey, tá cuideachtaí a bhfuil éagsúlacht chultúrtha ard i gceist leo 36 % níos brabúsaí ná cuideachtaí nach bhfuil an éagsúlacht chéanna i gceist leo. Thairis sin, chinn Deloitte go gcuireann obair i dtimpeallacht éagsúil go mór le cruthaitheacht an oibrí aonair.

Cad is féidir a dhéanamh chun a chinntiú go mbeidh rath ar d’fhoireann ilchultúrtha?

Glac leis an éagsúlacht…

Tugann gach ball foirne gnéithe sainiúla dá bpearsantacht, dá dtaithí, dá ndearcthaí agus dá n‑iompraíochtaí foghlamtha leo don bhfoireann. Éiríonn sé sin níos feiceálaí fós i dtimpeallachtaí atá éagsúil ó thaobh cultúir de. Tá sé ríthábhachtach na difríochtaí idir baill foirne a aithint agus a urramú chun comhoibriú rathúil traschultúrtha a bhaint amach.

Ina theannta sin, is é an chéad chéim i dtreo foireann rathúil éagsúil a thógáil ná glacadh leis na comhaltaí eile chomh maith le fanacht oscailte agus fiosrach.

…ach cuir creat corparáideach soiléir ar bun freisin

D’fhéadfadh tuairimí éagsúla a bheith ag fostaithe ó chúlraí éagsúla maidir le gnéithe éagsúla den obair nó den eagraíocht, mar shampla coincheap an ordlathais, ról nó rannpháirtíocht na bainistíochta, nó an chothromaíocht ó thaobh na caoi a gcaitear le gnéithe foirmiúla agus neamhfhoirmiúla den obair de sa spás oibre.

Chun tairbhe iomlán a bhaint as timpeallacht oibre ilchultúrtha, ní mór roinnt bunrialacha a bhunú ó thaobh ghnéithe bunúsacha na heagraíochta de. Agus córas tagartha den sórt sin i bhfeidhm go daingean, beidh an fhoireann in ann díriú ar obair níos cruthaithí gan a gcuid fuinnimh a chaitheamh le mionphointí nós imeachta ná ar mhíthuiscintí féideartha a eascraíonn as bearnaí cultúrtha.

Comhthuiscint a bhaint amach, go háirithe sa domhan fíorúil

Ba cheart d’fhoirne éagsúla a thugtar le chéile go cianda trí ardáin dhigiteacha amhail Skype nó Zoom a bheith ar an eolas go gcaithfidh siad leibhéal ní b’airde solúbthachta a thaispeáint ná foirne aonchineálacha a thagann le chéile ar bhonn aghaidh ar aghaidh. Is é is cúis leis sin ná nach mór dóibh cinneadh conas plé le saincheisteanna amhail cé mhéad uaireanta a thiocfaidh an fhoireann le chéile agus na cúraimí a dtabharfar tosaíocht dóibh, agus tosca amhail amchriosanna éagsúla, srianta cultúrtha, maille lena thromchúisí atá cásanna ar leith ar an leibhéal áitiúil á gcur san áireamh.

Glac cur chuige éadrom ar deireadh

Ag obair á cur i gcrích ag daoine a bhfuil cúlraí agus cultúir éagsúla acu, is cinnte go mbeidh ciotacht éigin ann ó am go chéile. Má ‘chailltear rud san aistriú’ nó má thuigeann tú go ndearna tú faux pas cultúrtha de thaisme, ná bí do do lochtadh féin mar gheall air. Ina ionad sin, bí oscailte faoi ligean duit féin foghlaim ón duine nó ó na daoine lena mbaineann agus é a bheith mar cheacht luachmhar agat as sin amach.

An bhfuil tú ag smaoineamh ar thaithí oibre ilchultúrtha a fháil? Léigh ár n‑alt Buntáistí luachmhara clár malartaithe oibre idirnáisiúnta.

 

 

Naisc ghaolmhara:

Ligean le cumhacht an lucht saothair ilteangaigh

Cian-treoir a thabhairt? Seo a leanas conas d’fhoireann idirnáisiúnta a bhainistiú go héifeachtach

Na leideanna is fearr le haghaidh fostaithe idirnáisiúnta nua a thabhairt ar bord

 

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath

EURES ar Facebook

EURES ar X

EURES ar LinkedIn

EURES ar Instagram