Conas is féidir le tréimhse oiliúna thar lear cabhrú leat tús a chur le do ghairm bheatha

Déan do rogha conaire gairme a thástáil

Ní bhíonn a fhios againn go léir cad ba mhaith linn a dhéanamh nuair a bhainimid céim amach. Is cuma cé acu an bhfuil rudaí fós á ndéanamh amach agat nó go raibh do réimse staidéir sách ginearálta, is deis iontach í tréimhse oiliúna thar lear chun fáil amach an oireann bealach gairme áirithe duit. Agus tú i dtír iasachta agus go leor dúshlán romhat, beidh tú in ann díriú níos fearr ar do chuid oibre. Ar an gcaoi sin, is féidir leat tuairim shoiléir a fháil an mian leat leanúint ar aghaidh le do thuras ar an gconair ghairme sin.

Agus tú ag smaoineamh ar thréimhse oiliúna a dhéanamh thar lear, smaoinigh ar do scileanna, ar do chúlra agus ar an gcineál oibre a thaitneodh leat. Ná déan dearmad go bhfuil ár gComhairleoirí EURES ar fáil chun cabhrú leat maidir le haon cheisteanna a d’fhéadfadh a bheith agat maidir le tréimhse oiliúna a dhéanamh thar lear. Is féidir leo comhairle a chur ar fáil maidir le tréimhse oiliúna a aimsiú agus cabhrú leat le d’iarratas, le d’agallamh, agus le maoiniú féideartha a fháil (má tá sé ar fáil).

Foghlaim scileanna nua

Ceann de na buntáistí is dírí a bhaineann le tréimhse oiliúna a dhéanamh thar lear ná roinnt scileanna riachtanacha gairmiúla a fhoghlaim. Tá an deis agat, ní hamháin scileanna a bhaineann go díreach le do réimse oibre a fhoghlaim, ach freisin scileanna gairmiúla ginearálta cosúil le beartú tosaíochta tasc, bainistíocht ama agus béasaíocht ghairmiúil. Má tá tú i dtír ina gcaithfidh tú teanga iasachta a úsáid, féach air sin mar dheis chun do scileanna teanga a fheabhsú. Ar deireadh, agus do CV á thabhairt cothrom le dáta agat, ná déan dearmad aon uirlisí nó cláir ar leith a d’fhoghlaim tú conas iad a úsáid le linn do thréimhse oiliúna a chur san áireamh.

Leathnaigh do chruinneshamhail

Ní dhéanann aon ní do chuid deiseanna a leathnú níos mó ná fanacht mheántéarmach nó fhadtéarmach thar lear. Le tréimhse oiliúna a dhéanamh i dtír eile, foghlaimíonn tú i bhfad níos mó ná scileanna gairmiúla amháin. Bíonn ort a bheith a bheith níos neamhspleáiche agus níos muiníní má bhíonn ort a bheith leat féin i dtír iasachta. Is féidir le heispéireas mar sin duine níos féintuilleamaí agus níos seiftiúla a dhéanamh díot. Trí labhairt le daoine a bhfuil cúlraí éagsúla acu, cuirfear feabhas freisin ar do scileanna cumarsáide idirchultúrtha. Neamhspleáchas, seiftiúlacht, tionscnamh, feasacht chultúrtha agus cumarsáid – is iad sin na scileanna go léir a dhéanfaidh ní hamháin duine níos fearr díot ach fostaí níos fearr díot freisin.

A bheith níos infhostaithe

Trí thréimhse oiliúna a dhéanamh thar lear, beidh tú céim chun tosaigh ar do phiaraí cheana féin. Ní hamháin go gcuireann tréimhse oiliúna taithí ghairmiúil ábhartha agus scileanna úsáideacha ar fáil duit, rud a léiríonn, má dhéantar thar lear í, go bhfuil tiomantas agus teacht aniar breise ionat. Is fachtóirí iad sin a chabhróidh le do CV seasamh amach ón gcuid eile de na hiarratasóirí agus tú ag cur isteach ar do chéad phost lánaimseartha.

Cuir le do líonra gairmiúil

Is dócha go gcuirfidh do thréimhse oiliúna daoine gairmiúla eile i do réimse in aithne duit. Ná caill an deis chun tú féin a chur in aithne agus céad imprisean maith a dhéanamh agus a insint dóibh faoi do phleananna gairme don todhchaí. Ní bheadh a fhios agat cá as a dtiocfadh deis fostaíochta. Agus bí cinnte go nascann tú leo ar LinkedIn ionas gur féidir libh fanacht i dteagmháil fiú lena chéile tar éis duit do thréimhse oiliúna a chríochnú.

Foghlaim faoi dheiseanna éagsúla i dtaca le tréimhsí oiliúna atá ar fáil do dhaoine óga in AE.

I gcomhpháirt le EURES, an Tairseach Eorpach um Shoghluaisteacht ó Phost go Chéile.

Naisc ghaolmhara:

Déan comhrá le Comhairleoirí EURES

Bliain Eorpach na hÓige: Cúrsaí oiliúna

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath

EURES ar Facebook

EURES ar Twitter

EURES ar LinkedIn