Għaliex xogħol staġonali?
Ix-xogħol staġonali huwa importanti ħafna għall-ekonomija tal-UE, b’mod partikolari f’setturi bħall-agrikoltura, it-turiżmu, l-ospitalità u l-kostruzzjoni. Kull sena, sa 850 000 ċittadin tal-UE jiċċaqlaq lejn Stat Membru ieħor biex jagħmel xogħol staġonali, iżda ħafna persuni li qed ifittxu impjieg u impjegaturi mhumiex ċerti dwar id-drittijiet u l-obbligi tagħhom.
Dan huwa fejn tidħol il-kampanja tagħna – irridu ngħinuk issib l-informazzjoni li teħtieġ u tifhem kif l-EURES jista’ jappoġġak fit-tfittxijiet tax-xogħol jew fil-proċessi ta’ reklutaġġ staġonali tiegħek, speċjalment fil-kuntest diffiċli tal-COVID-19.
Din il-kampanja hija parti mill-kampanja “Drittijiet għall-istaġuni kollha” usa’ li qed titmexxa mill-Awtorità Ewropea tax-Xogħol (ELA). Ara l-vidjo promozzjonali hawnhekk.
Persuni li qed ifittxu impjieg: Minn xiex għandek toqgħod attent
Jekk inti qiegħed tfittex impjieg, hemm ħafna raġunijiet tajbin biex tikkunsidra x-xogħol staġonali. Dejjem hemm opportunitajiet ta’ impjieg staġonali disponibbli fl-Ewropa kollha u dawn l-impjiegi huma mod flessibbli biex wieħed jitgħallem ħiliet ġodda, jaqla’ l-flus u jqatta’ ħin barra minn pajjiżu, mingħajr impenn fit-tul.
Dak li forsi ma tafx huwa li bħala ħaddiem staġonali, għandek ukoll sett wiesa’ ta’ drittijiet f’dak li jirrigwarda l-paga, is-sigħat tax-xogħol, is-saħħa u s-sikurezza, u aktar. Matul il-kampanja se nkunu qed nikkindividu ħafna aktar informazzjoni utli biex ngħinuk tifhem id-drittijiet tiegħek u kif tagħraf ir-reklami ta’ impjieg foloz, id-diżinformazzjoni u l-frodi.
Ftakar li tista’ wkoll tikkuntattja lill-Konsulent tal-EURES lokali tiegħek biex tikseb gwida u appoġġ biex issib opportunitajiet. Jista’ jkun għad hemm ħin biex issib opportunitajiet staġonali għall-istaġun tas-sajf, għalhekk inħeġġuk tibda tħares illum.
Impjegaturi: Minn xiex għandek toqgħod attent
Bħala impjegatur, ir-reklutaġġ ta’ ħaddiema staġonali minn barra l-pajjiż jista’ jgħinek tiżgura l-persunal li għandek bżonn matul l-istaġuni l-aktar intensivi. Dan huwa partikolarment importanti jekk il-ħtiġijiet tal-persunal tiegħek ivarjaw matul is-sena, jew jekk għandek nuqqas ta’ kandidati xierqa f’pajjiżek stess.
Matul il-kampanja, l-EURES se jkun qed jikkondividi l-informazzjoni biex jgħinek tifhem id-drittijiet u l-obbligi tiegħek bħala impjegatur staġonali. Dan jiżgura li tkun tista’ tieħu vantaġġ sħiħ mir-reklutaġġ staġonali, filwaqt li tifhem ukoll ir-responsabbiltajiet li għandek lejn il-persunal li timpjega, speċjalment fil-kuntest tal-COVID-19.
Jekk int interessat li tirrekluta ħaddiema staġonali, tista’ tikkuntattja Konsulent tal-EURES biex tistaqsi mistoqsijiet u tikseb appoġġ f’aspetti amministrattivi.
Segwi l-kampanja għal aktar aġġornamenti
Matul is-sajf, se nkunu qed nippubblikaw dwar ix-xogħol staġonali fuq il-kanali ċentrali tal-EURES Facebook, Twitter, LinkedIn u Instagram bl-użu tal-hashtags #EURESeasonalWorks u #Rights4AllSeasons. Kun ċert li ssegwi l-kanali tagħna, tinteraġixxi mal-posts tagħna, u aqsamhom ma’ oħrajn li jistgħu jsibuhom interessanti jew ta’ għajnuna.
Il-biċċa l-kbira tas-servizzi fin-network tal-EURES huma attivi wkoll fuq il-mezzi tal-midja soċjali tagħhom stess. Inħeġġuk issegwi l-paġni tas-servizzi nazzjonali jew reġjonali tal-EURES tiegħek li se jikkondividu informazzjoni speċifika dwar ix-xogħol staġonali f’pajjiżek jew fir-reġjun tiegħek.
Se norganizzaw ukoll Ġimgħa ta’ Azzjoni għall-kampanja mill-20 sal-24 ta’ Settembru. Ħafna attivitajiet se jiġu organizzati fl-Ewropa kollha b’mod partikolari matul dan il-perjodu, għalhekk żomm għajnejk miftuħin għal aktar aġġornamenti!
Links relatati:
ELA: Kampanja “Drittijiet għall-istaġuni kollha”
L-EURES fuq Facebook: Vidjo tal-kampanja
8 raġunijiet għaliex għandek tikkunsidra xogħol staġonali
Erba’ affarijiet li għandek tkun taf dwar ix-xogħol staġonali fl-2021
Aqra aktar:
Il-kundizzjonijiet tal-ħajja u x-xogħol fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Kalendarju tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 8 Lulju 2021
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Aħbarijiet esterni tal-EURES
- Aħbarijiet dwar is-suq tax-xogħol/aħbarijiet dwar il-mobilità
- Xejriet ta' reklutaġġ
- Midja soċjali
- Żgħażagħ
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles