X’jista’ jagħmel l-Europass il-ġdid għalik?
L-Europass huwa s-sett tiegħek bla ħlas ta’ għodod u informazzjoni online biex jgħinek tiġġestixxi kull pass tat-tagħlim u l-iżvilupp tiegħek.
Tista’ tuża l-Europass bħala sett personali ta’ għodod biex tirreġistra t-tagħlim, ix-xogħol jew l-esperjenzi u l-kisbiet personali kollha tiegħek f’post wieħed. Tista’ toħloq CVs u ittri ta’ akkumpanjament differenti, tifhem kif għandek tippreżenta l-ħiliet u l-kwalifiki tiegħek u kif tiġġestixxi d-dokumenti relatati.
Skopri l-għodod kollha li joffri l-Europass bħal:
- Profil tal-Europass: fejn tista’ tiddeskrivi l-ħiliet tiegħek, issib opportunitajiet ta’ żvilupp u tagħlim interessanti, tiġġestixxi l-applikazzjonijiet tiegħek u toħloq CVs u ittri ta’ akkumpanjament differenti;
- Kredenzjali Diġitali tal-Europass: tippermettilek tirċievi u tikkondividi lawrji, diplomi u ċertifikati diġitali mill-istituzzjonijiet tal-edukazzjoni u tat-taħriġ. Din hija sistema online bla ħlas u sikura;
- Trasferiment faċli tal-informazzjoni tiegħek mill-EURES biex toħloq il-profil tal-Europass tiegħek jew bil-maqlub, biex tesplora l-impjiegi disponibbli fl-EURES;
- Informazzjoni utli u links għal servizzi tal-UE kif ukoll dawk nazzjonali li se jgħinu biex jappoġġaw l-iżvilupp tiegħek jew it-triq tat-tagħlim tiegħek.
Il-fornituri tal-edukazzjoni, il-ħaddiema fil-qasam taż-żgħażagħ, dawk li jfasslu l-politika, il-professjonisti tal-gwida għall-karriera u l-impjegaturi jistgħu jsibu wkoll servizzi tal-Europass rilevanti li jistgħu jibbenefikaw minnhom.
Skopri l-Europass u ibda t-triq tal-karriera tiegħek issa!
Ħu l-pass li jmiss u oħloq il-profil tal-Europass tiegħek biex tisfrutta bl-aħjar mod l-Europass tiegħek.