Għadd ta' għalliema li qegħdin jirtiraw, oħrajn li qegħdin jibdlu l-professjonijiet tagħhom, ifisser li d-domanda għall-għalliema disponibbli għall-iskejjel Żvediżi hija ikbar mill-provvista. Mal-fruntiera fil-Finlandja, il-gradwati qed ifittxu post tax-xogħol.
Għalhekk, meta l-Konsultenta tal-EURES, Catarina Haglund, minn Eskilstuna, l-Iżvezja, ikkuntattjat lill-Konsulent tal-EURES Finlandiż, Tomi Puranen, f'Settembru li għadda, huwa laqa' ċ-ċans li jara kif huma jistgħu possibbilment jaħdmu flimkien fuq proġett ta' reklutaġġ tal-għalliema.
"Catarina, u xi rappreżentanti mill-muniċipalità tagħha, ġiet għaċ-ċelebrazzjoni tagħna tal-Jum Ewropew tal-Lingwi, li għalih konna laqqajna xi studenti tal-iskola, għalliema u kapijiet ta' skejjel," qal Tomi, li huwa bbażat f'Turku. L-avveniment ta lill-viżitaturi ċ-ċans li jitkellmu ma' nies varji b'mod informali u li jaraw f'hiex jinsabu.
Segwew dan fil-jum ta' wara bi vjaġġ ta' studju għal żewġ skejjel komprensivi lokali. "Ir-rappreżentanti Żvediżi ħarġu b'idea ċara ta' dak li jista' jintlaħaq," spjega Tom.
Dan, l-ewwel wassal għal avveniment ta' informazzjoni u reklutaġġ organizzat minn EURES Finlandja u li sar f'Turku matul il-15-16 ta' Novembru. "L-Iżvezja għandha bżonn ta' kull tip ta' għalliema: tax-xjenza, tal-istorja, tal-ġeografija eċċ. Għalhekk, stedinna lill-għalliema li kienu qed ifittxu xogħol irreġistrati fl-uffiċċji tal-PES fil-Lbiċ tal-Finlandja li għandhom għarfien tajjeb tal-Iżvediż." Intbagħtet email lil 1 200 persuna b'kollox, li 600 minnhom kienu bla xogħol."
Waħda mill-għalliema li marret għall-jum tar-reklutaġġ kienet Hanna Lehtonen. Hija tispjega għalfejn hija interessata li taħdem fl-Iżvezja, "Huwa tassew diffiċli li ssib xogħol fil-Finlandja meta inti tkun għalliem ta' xi lingwa u l-lingwa li tgħallem ma tkunx l-Ingliż. Il-gvern tagħna għamel xi tnaqqis fl-edukazzjoni, għalhekk, filwaqt li xi skejjel xorta għadhom joffru s-suġġetti prinċipali, is-suġġetti li mhumiex parti mill-kurrikulu qegħdin jitnaqqsu."
Qed tittama li ssib opportunitajiet ġodda fl-Iżvezja, "Tkun xi ħaġa sabiħa li nsir naf kultura ġdida, li nitgħallem approċċi ġodda fit-tagħlim fi klassi multikulturali u li ntejjeb il-ħiliet lingwistiċi tiegħi fl-Iżvediż," qalet.
Tomi huwa entużjast dwar il-kooperazzjoni li ġiet stabbilita mal-EURES f'Eskilstuna, "Jum ir-reklutaġġ iġġenera ħafna interess mill-midja lil hinn miż-żewġ reġjuni tagħna kemm fil-Finlandja kif ukoll fl-Iżvezja, għaldaqstant dan sejjer jiftaħ il-bibien għal aktar għalliema professjonali mħarrġa ħafna minn tagħna li jkunu qegħdin ifittxu opportunitajiet ġodda."
Links relatati:
Il-ħajja u x-xogħol fl-Iżvezja
Il-Ħajja u x-Xogħol fil-Finlandja
Aqra aktar:
Kundizzjonijiet ta' għajxien u xogħol fil-pajjiżi tal-EURES
Il-Bażi ta' Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avveniment Online li jmiss
EURES fuq Facebook
EURES fuq Twitter
EURES fuq LinkedIn
EURES fuq Google+
Dettalji
- Data tal-pubblikazzjoni
- 9 Frar 2017
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Stejjer ta' suċċess
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles