Espatrijati kuntenti jaqsmu l-Big Danish Moment (il-Mument Daniż Tagħhom)

Il-filmati huma ppubblikati fuq is-sit web ta’ Workindenmark, parti min-netwerk tal-EURES u mill-Ministeru tal-Impjiegi Daniż.

Hekk kif l-espatrijati fid-Danimarka jitkellmu dwar l-isfidi tax-xogħol tagħhom u l-ħajja tad-dar, joħorġu għadd ta’ fatturi komuni: l-istil ta’ ħajja, is-sens ta’ komunità u n-nuqqas ta’ ġerarkija li tfisser li kulħadd jista’ jikseb dak li jrid.

L-inġiniera Portugiżi Cristina Ferreira u Pedro Santos kellhom impressjoni tajba ta’ dik l-ugwaljanza. Cristina tgħid, “L-organizzazzjoni hi ċatta ħafna. Tista’ titkellem mal-ħaddiema kollha u l-ħaddiema kollha jistgħu jagħtu suġġerimenti u jersqu lejn il-kap u jgħidu, “missna ntejbu dik.” Id-Danimarka hu pajjiż żgħir, bħall-Portugall, iżda għandha wkoll ħafna kumpaniji b’saħħithom, allura naħseb li huwa l-post adattat għal inġinier.”

L-esperjenza tal-ġeoxjenzat Ġermaniż Hannes Koopmann kienet simili: “Jekk trid ir-responsabbiltà, allura se tingħatalek. Impressjoni tajba li ħadt tax-xogħol fid-Danimarka hi l-ġerarkija ċatta... bażikament tista’ tkellem lil kwalunkwe kap wiċċ imb’wiċċ.”

Għall-Ispanjola Maria Perez, tabiba, il-fatt li tista’ tibdel il-vjaġġ ta’ tliet sigħat tagħha ma’ rikba qasira bir-rota għall-post tax-xogħol hu wieħed mill-ħafna sfidi li biddlu l-ħajja tal-familja tagħha minn mindu marru d-Danimarka. Hi qalet, “Jien iddeċidejt li niġi d-Danimarka għaliex kelli bżonn bidla f’ħajti.”

Shoji Igi, mill-Aġenzija Daniża għas-Suq tax-Xogħol u r-Reklutaġġ f’Kopenħagen tgħid li “Kandidati kwalifikati ħafna huma dejjem imfittxija fid-Danimarka, b’mod speċjali, l-ispeċjalisti fl-IT, l-ispeċjalisti fix-xjenzi tal-ħajja u t-tobba.”

Apparti l-filmati li juru t-testimonjanza tal-espatrijati, Workindemark għandu serje ta’ filmati istruttivi li jispjegaw il-proċessi li ħafna drabi, dawk il-persuni internazzjonali li jkunu qed ifittxu impjieg isibuhom diffiċli jew mhux familjari. Dawn joffru appoġġ b’affarijiet bħal pereżempju l-użu tal-bażi ta’ data tal-opportunitajiet tax-xogħol u kif wieħed jipprepara l-ittra ta’ introduzzjoni.

Shoji tispjega li l-proċess ta’ applikazzjoni fid-Danimarka jista’ jkun differenti minn dak li huma mdorrijin bih. “Fit-tfittxija tagħhom għal impjieg, ħafna kandidati internazzjonali jissorprendu ruħhom li l-applikazzjoni u s-CV tagħhom iridu jkunu mfassliin b’mod speċifiku għar-riklami għall-impjiegi li jkunu qed japplikaw għalihom, u li hu komuni li ssir telefonata lill-impjegaturi futuri potenzjali qabel ma tintbagħat applikazzjoni.” 

Links relatati:

Serje ta’ filmati “My Big Danish Moment”

Ministeru tal-Impjiegi Daniż

Aqra aktar:

Sib Konsulent tal-EURES

Kundizzjonijiet ta’ għajxien u xogħol fil-pajjiżi tal-EURES

Il-Bażi ta’ Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avveniment Online li jmiss

EURES fuq Facebook

EURES fuq Twitter

EURES fuq LinkedIn