Jekk qed tqatta’ aktar ħin mis-soltu d-dar minħabba s-sitwazzjoni attwali tal-COVID-19, jista’ jkun li tkun qed tfittex passatempi produttivi u opportunitajiet biex ittejjeb il-ħiliet tiegħek. Jekk dan huwa minnu, tista’ tuża din l-opportunità biex tibda titgħallem lingwa ġdida jew taġġorna l-ħiliet eżistenti tiegħek.
Għalkemm dan mhuwiex iż-żmien ideali biex wieħed jirreġistra għal kors wiċċ imb’wiċċ, hemm ħafna għodod virtwali mingħajr ħlas biex jgħinuk tibda titgħallem. F’dan l-artikolu, ġbarna lista ta’ wħud mill-favoriti tagħna.
Duolingo:
Sakemm ma tkunx ġdid għat-tagħlim tal-lingwa, huwa probabbli li inti diġà ltqajt ma’ Duolingo, li għandha aktar minn 300 miljun utent irreġistrat magħha. Il-korsijiet tagħha huma disponibbli fi 23 lingwa u huma separati f’suġġetti b’firxa wiesgħa mill-ikel għan-negozju.
Duolingo mhijiex daqstant iffokata fuq il-grammatika daqs xi għodod oħra, iżda l-eżerċizzji qosra tagħha, bl-użu ta’ viżwali f'kartuns u logħob li fih jingħatawlek punti, se jgħinuk biex titgħallem vokabolarju u frażijiet utli malajr kemm jista’ jkun. Din tuża perċentwal stmat ta’ fluwenza biex issegwi l-progress tiegħek u t-teknoloġija tagħha tadatta l-eżerċizzji għalik. Iżda l-akbar vantaġġ tagħha huwa, li l-użu tagħha huwa kompletament mingħajr ħlas.
Suġġeriment: Jekk tieħu gost tuża Duolingo, Mindsnacks tieħu l-elementi ewlenin tal-logħob saħansitra lil hinn minn hekk. L-apps tagħha joffru firxa ta' attivitajiet ta' logħob, li ħafna minnhom huma disponibbli mingħajr ħlas.
Memrise:
Memrise tiffoka fuq it-tagħlim ta’ lingwa b’mod realistiku. Il-korsijiet tagħha fihom eluf ta' filmati ta' kelliema nattivi, li jgħinu lill-utenti jifhmu lingwi realistiċi u aċċenti awtentiċi. L-għan tagħha huwa li ddaħħlek f’kultura lokali u ġġiegħlek tħossok bħallikieku inti mdawwar b’kelliema nattivi. Memrise toffri korsijiet mingħajr ħlas f’varjetà ta’ lingwi fuq l-app tagħha, għalkemm abbonament bi ħlas jagħtik aċċess għal korsijiet u għal karatteristiċi addizzjonali.
Busuu:
Busuu toffri għażla ta’ eżerċizzji mingħajr ħlas u kwiżżijiet divertenti, għalkemm se jkollok bżonn ta’ abbonament biex taċċessa karatteristiċi bħal konverżazzjonijiet reali ma’ kelliema nattivi. Bħal Duolgo , Busuu tuża persentaġġ ta' esperjenza inkorporat biex jiġi segwit il-progress, u tista' toffri pjanijiet ta' studju personalizzati u rikonoxximent tad-diskors biex jgħinek tipprattika d-diskors tiegħek u tirċievi rispons. Jekk tixtieq titgħallem lingwa li mhijiex Ewropea, Busuu tista’ tkun l-għażla għalik. Din toffri biss 12-il lingwa, iżda dawn jinkludu l-Għarbi, iċ-Ċiniż u l-Ġappuniż.
Drops u Scripts:
Jekk il-prijorità tiegħek hija li titgħallem vokabularju ġdid, mela pprova Drops. L-app tgħaqqad elementi viżwali u ħsejjes li jgħinuk titgħallem malajr kliem ġdid. Il-limiti tal-verżjoni mingħajr ħlas tagħha huma ta’ ħames minuti ta’ tagħlim kuljum u jeħtieġ li ssib mod ieħor kif titgħallem il-grammatika u l-istrutturi, iżda dawn l-eżerċizzji qosra huma ideali jekk qed tfittex li tespandi l-vokabularju tiegħek malajr. Scripts hija applikazzjoni simili li tiffoka fuq it-tagħlim ta’ lingwa b’alfabett ġdid, bħalma hi l-kitba biċ-Ċirilliku.
Tandem:
Jekk diġà għandek xi għarfien ta' lingwa u qed tfittex li tipprattika it-taħdit, għaliex ma tippruvax issib sieħeb? Tandem hija l-komunità dinjija ta’ skambju ta’ lingwi, b’miljuni ta’ membri. L-idea hija li wieħed jissieħeb ma’ kelliem nattiv ta’ lingwa oħra sabiex tkun tista’ tipprattika u tgħinu lil xulxin jitgħallmu l-lingwi rispettivi tiegħek. Jekk int lest/a li tħallas għal għalliem professjonali, Italki u Verbling joffru lezzjonijiet individwali virtwali, iżda sieħeb jew sieħba fuq Tandem jistgħu joffrulek l-appoġġ kollu li teħtieġ mingħajr ħlas.
Links relatati:
Aqra aktar:
Il-kundizzjonijiet tal-għajxien u tax-xogħol fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li għadhom se jsiru
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 18 Mejju 2020
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Negozju/Intraprenditorija
- Ideat u Suġġerimenti
- Xejriet ta' reklutaġġ
- Żgħażagħ
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles