Mur għall-kontenut ewlieni
EURES (EURopean Employment Services)
Artiklu tal-aħbarijiet28 Marzu 2018L-Awtorità Ewropea tax-Xogħol, Id-Direttorat Ġenerali tal-Impjiegi, l-Affarijiet Soċjali u l-Inklużjoni

L-EURES Żvezja jgħin lil min qed ifittex xogħol joħloq CVs speċifiċi għas-suq tax-xogħol Żvediż

Qatt ħsibt dwar il-ħajja u x-xogħol fl-Iżvezja? Il-pajjiż jista' jiftaħar b'uħud mid-drittijiet tal-ħaddiema l-aktar progressivi, għandu ħafna politiki li huma ffukati fuq il-familja, industrija innovattiva u bilanċ b'saħħtu bejn ix-xogħol u l-ħajja.

EURES Sweden helps jobseekers craft CVs specific to Swedish job market
Arbetsformedlingen

Barra minn hekk, dan il-pajjiż joffri wkoll sbuħija naturali l-ġmiel tagħha. Jekk qatt ma ħsibt dwar dan qabel, naħseb li issa tħajjart tagħmel dan!

L-ewwel pass biex issib impjieg xieraq fi kwalunkwe pajjiż huwa li toħloq CV u ittra ta' akkumpanjament li juru li inti l-aħjar kandidat għal dak ir-rwol.

Kull impjieg għandu kriterji speċifiċi li fuqhom inti għandek tipprova tfassal is-CV tiegħek. Bl-istess mod, dak li l-impjegaturi jqisu bħala karatteristiċi siewja mill-impjegat potenzjali jista' jkun differenti minn pajjiż għal pajjiż.

B'dan il-ħsieb, l-EURES Żvezja, bi sħab mas-Servizz ta' Impjieg Pubbliku Żvediż, Arbetsformedlingen, ipproduċa webinar utli bl-isem ta' "Kif tikteb ittra ta' akkumpanjament u CV".

Il-vidjow ta' siegħa bl-Ingliż jipprovdi suġġerimenti prattiċi dwar kif tista' tippreżenta l-applikazzjoni tiegħek bl-iktar mod professjonali sabiex tolqot ir-reklutatur - b'mod iktar speċifiku, reklutatur Żvediż.

Il-vidjow ixxandar b'mod dirett nhar il-Ħamis, 12 ta' Ottubru, u kien hemm kważi 350 persuna mill-UE kollha li rreġistraw għalih u rawh. Iżda tinkwieta xejn jekk tliftu, għaliex il-webinar issa huwa disponibbli fuq YouTube.

Webinars oħra disponibbli

"Il-Ħajja u x-Xogħol fl-Iżvezja" huwa biss wieħed minn serje ta' webinars. Kull wieħed jiffoka fuq suġġett differenti, bħal "Kif tmur tajjeb ħafna fl-intervista tax-xogħol", "Kif tikteb ittra ta' akkumpanjament", "Kif tikteb CV" u "Netwerking".

Għaliex għandek tirreġistra?

Il-webinars se jgħinuk tifhem aħjar l-approċċ li għandek tieħu biex tapplika għal xogħlijiet fl-Iżvezja u l-proċessi involuti. Barra minn hekk, billi tirreġistra u tara l-webinars b'mod dirett, għandek ukoll l-opportunità li tistaqsi mistoqsijiet u tirċievi tweġibiet b'mod immedjat.

Il-webinars huma mod tajjeb ħafna biex ikollok għarfien tas-suq tax-xogħol, il-mentalità tal-impjegaturi u x'inhu l-aħjar mod kif tipprepara ruħek u s-CV tiegħek.  

"Is-suċċess jinsab fil-fatt li tista' ssegwi l-informazzjoni minn kwalunkwe post fl-Ewropa u fl-istess ħin tikkomunika online u tistaqsi l-mistoqsijiet speċifiċi tiegħek f'ħin reali," qal l-Assistent tal-Koordinatur Nazzjonali tal-EURES Żvezja, Mikael Lindbom.

Li tkun ippreparat/a aħjar mill-bidu jfisser illi t-tiftix għax-xogħol u l-proċess tal-intervista jista' jsir b'rata iżjed mgħaġġla, ħaġa li hija ta' benefiċċju kemm għal min qed ifittex xogħol, kif ukoll għall-impjegaturi.

Sabiex tirċievi aġġornamenti dwar il-webinars li jmiss, tista' ssegwi Arbetsformedlingen fuq il-midja soċjali fuq Facebook, Instagram u Linkedin, jew tagħti ħarsa lejn il-paġna ta' avvenimenti tal-EURES għal iktar dettalji dwar avvenimenti varji.

 

Links relatati:

EURES: L-għajxien u x-xogħol fl-Iżvezja

Is-servizz ta' impjieg pubbliku Żvediż Arbetsformedlingen

"Kif tikteb ittra ta' introduzzjoni u CV" - webinar

Il-paġna ta' Facebook tal-EURES Żvezja

Instagram tal-EURES Żvezja

LinkedIn tal-EURES Żvezja

Il-paġna tal-avvenimenti EURES

 

Aqra iktar:

Sib Konsulent tal-EURES

Kundizzjonijiet tax-xogħol u l-għajxien fil-pajjiżi tal-EURES

Il-Bażi ta' Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avvenimenti Onlineli ġejjin

L-EURES fuq Facebook

L-EURES fuq Twitter

L-EURES fuq LinkedIn

Temi
Negozju/IntraprenditorijaL-aħjar prattika tal-EURESTaħriġ EURESIdeat u SuġġerimentiAħbarijiet dwar is-suq tax-xogħol/aħbarijiet dwar il-mobilitàXejriet ta' reklutaġġMidja soċjaliŻgħażagħ
Sezzjoni(jiet) relatati
L-Għajxien u x-Xogħol
Settur
Accomodation and food service activitiesActivities of extraterritorial organisations and bodiesActivities of households as employers, undifferentiated goods- and servicesAdministrative and support service activitiesAgriculture, forestry and fishingArts, entertainment and recreationConstructionEducationElectricity, gas, steam and air conditioning supplyFinancial and insurance activitiesHuman health and social work activitiesInformation and communicationManufacturingMining and quarryingOther service activitiesProfessional, scientific and technical activitiesPublic administration and defence; compulsory social securityReal estate activitiesTransportation and storageWater supply, sewerage, waste management and remediation activitiesWholesale and retail trade; repair of motor vehicles and motorcycles

Ċaħda

L-artikoli huma maħsuba biex jipprovdu lill-utenti tal-portal tal-EURES b'informazzjoni dwar suġġetti u xejriet kurrenti u biex jistimulaw id-diskussjoni u d-dibattitu. Il-kontenut tagħhom mhux bilfors jirrifletti l-opinjoni tal-Awtorità Ewropea tax-Xogħol (ELA) jew tal-Kummissjoni Ewropea. Barra minn hekk, EURES u ELA ma japprovawx websajts ta' partijiet terzi msemmija hawn fuq.