Skip to main content
Logo tal-Kummissjoni Ewropea
EURES
Artiklu tal-aħbarijiet2 Ottubru 2020L-Awtorità Ewropea tax-Xogħol, Id-Direttorat Ġenerali tal-Impjiegi, l-Affarijiet Soċjali u l-Inklużjoni

“L-aħjar għażla”: Giorgio jirrifletti fuq l-esperjenza tal-EURES tiegħu

Fl-2014, l-inġinier tal-elettriku Giorgio Cover telaq mill-Italja lejn in-Netherlands, wara li sab impjieg fuq il-portal tal-EURES. Diversi snin wara, Giorgio għadu qed igawdi minn xogħol fin-Netherlands. Għamilna kuntatt ma’ Giorgio biex nitolbuh jagħtina r-riflessjonijiet tiegħu dwar l-esperjenza tiegħu.

“The best choice”: Giorgio reflects on his EURES experience
Stefania Garofalo, 2018/Egin Erdal

Inizjalment inġbidna lejn l-istorja ta’ Giorgio meta l-Konsulenta Taljana tal-EURES tiegħu, Stefania Garofalo, ikkondivied magħna intervista bil-vidjo (bit-Taljan) li ffilmjaw flimkien meta Stefania żaret in-Netherlands fl-2018. F’dan il-vidjo, Giorgio jirrifletti fuq il-proċess rapidu li wasslu biex jitlaq mill-Italja xi ftit tas-snin qabel.

“It-titjira tiegħi kienet filgħaxija u l-għada filgħodu kont fl-uffiċċju!”

Giorgio kien mehdi jaħsad fil-vinja ta’ zijuh meta rċieva telefonata b’offerta ta’ impjieg fin-Netherlands. Minn hemm, kollox seħħ malajr ħafna – fi żmien 20 jum, Giorgio qabad titjira “It-titjira tiegħi kienet filgħaxija u l-jum ta’ wara, fid-9 ta’ filgħodu, kont fl-uffiċċju!” ftakar Giorgio fil-vidjo.

Permezz tal-appoġġ ta’ Stefania, Giorgio sab impjieg ma’ Aqua Vision BV, kumpanija ta’ konsulenza idrografika bbażata f’Utrecht, wara li applika għal pożizzjoni vakanti ppowstjata minn wieħed mill-kollegi Netherlandiżi ta’ Stefania.

“Giorgio sab l-offerta fuq il-portal tal-EURES,” spjegat Stefania fil-vidjo. Minn hemm, il-proċess kien faċli ħafna: “Dak li qara kkonvinċih, u għalhekk iddeċieda li japplika. Il-kumpanija għażlitu bħala l-kandidat magħżul tagħhom u sejħitlu.”

Waqt li jiddiskutu l-ħajja u x-xogħol, Giorgio jgħid li jħossu tajjeb fin-Netherlands, għalkemm jammetti li, minħabba li ġej mill-Italja, it-temp Netherlandiż mhuwiex wieħed mill-benefiċċji. Stefania tiċċajta wkoll li jidher biċ-ċar li fuq il-post tax-xogħol qed jipprattika l-ħiliet lingwistiċi tiegħu – tant li jibqa’ jeqleb mit-Taljan għall-Ingliż fit-taħdita tagħhom!

“Iġġiegħlek tikber”

Wara li Stefania kkondivied l-vidjo, ikkuntattjajna lil Giorgio biex insiru nafu aktar dwar l-isfond tiegħu u x’seħħ matul is-sentejn li għaddew minn mindu ġie ffilmjat il-vidjo.

Issa li għandu 31 sena, Giorgio għadu jgħix fin-Netherlands, għalkemm dan l-aħħar beda impjieg ġdid bħala inġinier elettroniku fl-Istitut għar-Riċerka Marittima u Atmosferika tal-Università ta’ Utrecht. Waqt li jirrifletti fuq iċ-ċaqliqa tiegħu, aktar minn ħames snin ilu, Giorgio qal li “id-deċiżjoni li nitlaq kienet l-aħjar għażla li stajt nagħmel”.

Għalkemm Giorgio diġà kien jaf in-Netherlands sew – kien mar hemm bħala parti minn skambju kulturali fl-età ta’ 19-il sena u reġa’ żar il-pajjiż ħafna drabi – it-trasferiment għalih kien pass kbir.

Huwa kiber f’raħal rurali fil-provinċja ta’ Treviso tal-Italja ta’ Fuq, fejn il-familja tiegħu għandha farm żgħir u vinja żgħira. Minkejja li studja l-inġinerija elettronika fl-Università ta’ Udine, l-unika esperjenza ta’ xogħol tiegħu qabel ma mar jgħix in-Netherlands kienet fuq il-farm tal-familja. “Kbirt naf xi jfisser ix-xogħol iebes tal-art,” hu qal.

“Li tkun ’il bogħod mill-familja tiegħek u miż-żona ta’ kumdità tiegħek, waħdek f’pajjiż differenti, jgħinek toħroġ aspetti minnek innifsek li jista’ jkun li qatt ma tkun stennejt li għandek,” irrifletta Giorgio. “Iġġiegħlek tikber, minħabba li tagħtik perspettiva ġdida. Jekk inqabbel lili nnifsi mal-persuna li kont, nara li nbdilt ħafna.”

Filwaqt li jinsab ħerqan li xi darba jerġa’ jmur lura d-dar fil-kampanja Taljana, Giorgio jgħid li bħalissa jinsab kuntent u qed jiffoka fuq il-ksib ta’ esperjenza ta’ valur. “Għalissa, qed nippjana li nibqa’ hawn fin-Netherlands biex kemm nista’ nikber, nitgħallem u nibni sett tajjeb ta’ għarfien fis-setturi differenti.”

 

Links relatati:

Il-portal EURES

Intervista bil-vidjo (bit-Taljan)

 

Aqra aktar:

Il-Jiem Ewropej tal-Impjiegi

Drop’pin@EURES

Sib Il-Konsulenti tal-EURES

Il-Kondizzjonijiet tal-ħajja u tax-xogħol fil-pajjiżi tal-EURES

Il-Bażi ta’ Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avvenimenti Online li se ġejjin

L-EURES fuq Facebook

L-EURES fuq Twitter

L-EURES fuq LinkedIn

Temi
Stejjer ta' suċċessŻgħażagħ
Sezzjoni(jiet) relatati
L-Għajxien u x-Xogħol
Settur
Accomodation and food service activitiesActivities of extraterritorial organisations and bodiesActivities of households as employers, undifferentiated goods- and servicesAdministrative and support service activitiesAgriculture, forestry and fishingArts, entertainment and recreationConstructionEducationElectricity, gas, steam and air conditioning supplyFinancial and insurance activitiesHuman health and social work activitiesInformation and communicationManufacturingMining and quarryingOther service activitiesProfessional, scientific and technical activitiesPublic administration and defence; compulsory social securityReal estate activitiesTransportation and storageWater supply, sewerage, waste management and remediation activitiesWholesale and retail trade; repair of motor vehicles and motorcycles

Ċaħda

L-artikoli huma maħsuba biex jipprovdu lill-utenti tal-portal tal-EURES b'informazzjoni dwar suġġetti u xejriet kurrenti u biex jistimulaw id-diskussjoni u d-dibattitu. Il-kontenut tagħhom mhux bilfors jirrifletti l-opinjoni tal-Awtorità Ewropea tax-Xogħol (ELA) jew tal-Kummissjoni Ewropea. Barra minn hekk, EURES u ELA ma japprovawx websajts ta' partijiet terzi msemmija hawn fuq.