Il-programm tal-mobbiltà fix-xogħol staġjonali huwa ffaċilitat mill-EURES Bulgarija f’kooperazzjoni mill-qrib mal-EURES Portugall. L-inizjattiva tgħin lill-impjegaturi Portugiżi jimpjegaw ħaddiema temporanji fl-agrikoltura matul l-istaġun ta’ ħafna xogħol, li fih huma jġarrbu nuqqas kbir ta’ persunal.
Il-bdiewa Bulgari qegħdin jagħtu daqqa t’id lill-ħaddiema sħabhom fl-ambjent sabiħ tal-Algarve, ir-reġjun li jinsab fl-aktar parti t’isfel tal-Portugall u wieħed mill-aktar destinazzjonijiet turistiċi famużi fl-Ewropa. L-Algarve toffri varjetà kbira ta’ opportunitajiet ta’ xogħol staġjonali fl-agrikoltura u fit-turiżmu, fl-isfond ta’ kosti pittoreski u klima meraviljuża.
Is-Servizzi Pubbliċi tal-Impjiegi tal-Bulgarija huma responsabbli biex jorganizzaw il-proċess sħiħ, fejn jagħtu servizzi sħaħ ta’ reklutaġġ kemm għall-persuni li jkunu qed ifittxu impjieg kif ukoll għall-impjegaturi.
Huma jipprovdu informazzjoni lill-applikanti potenzjali, huma involuti fl-għażla minn qabel tal-kandidati, jgħinu jorganizzaw intervisti fil-pajjiżi u jagħtu informazzjoni estensiva dwar il-kundizzjonijiet tal-għajxien u tax-xogħol lill-applikanti approvati. Il-bdiewa jingħataw għajnuna mill-Konsulenti tal-EURES f’kull pass matul it-triq – mill-proċess tal-applikazzjoni għall-intervisti, matul il-vjaġġ lejn il-Portugall, u anki meta jirritornaw.
Iżda naturalment, it-tim tal-EURES Bulgarija ma jistax jagħmel dan kollu waħdu. Huwa għandu l-għajnuna u l-appoġġ tal-kollegi tiegħu fil-Portugall.
“Huwa importanti li nsemmu l-kooperazzjoni ferm mill-qrib mat-tim tal-EURES fil-Portugall, li jgħinu ħafna fil-komunikazzjoni mal-impjegaturi,” tikkummenta Daniela Piryankova, Konsulenta tal-EURES u koordinatur tat-taħriġ fis-Servizzi Pubbliċi tal-Impjiegi tal-Bulgarija.
Huma mhux biss jgħinu fil-loġistika u fil-komunikazzjoni mal-impjegaturi, iżda jagħmlu wkoll żjarat fuq il-post għall-irziezet sabiex jiżguraw li l-ħaddiema Bulgari jkollhom dak kollu li għandhom bżonn.
Bis-saħħa ta’ din ir-relazzjoni qawwija u tal-attenzjoni mill-qrib għad-dettall, il-proġett tal-ħaddiema staġjonali bejn il-Bulgarija u l-Portugall kiseb suċċess kbir f'dawn l-aħħar tliet snin.
Ix-xogħol fil-Portugall għandu diversi benefiċċji: bajjiet sbieħ, il-pajsaġġ meraviljuż tal-Peniżola Iberika, l-ikel tal-baħar frisk u l-inbid. Huwa l-ambjent ideali għal dawk li qegħdin ifittxu għal dak il-bilanċ perfett bejn ix-xogħol u l-ħajja.
Jekk qed tfittex impjieg staġjonali perfett, għaliex ma tippruvax il-Portugall? Ikkuntattja lill-eqreb Konsulent tal-EURES tiegħek illum biex issir taf aktar.
Links relatati:
Servizzi Pubbliċi tal-Impjiegi - il-Bulgarija
Aqra aktar:
Il-kundizzjonijiet tax-xogħol u tal-għajxien fil-pajjiżi tal-EURES
Il-Bażi ta’ Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq Twitter
L-EURES fuq LinkedIn
L-EURES fuq Google+
Dettalji
- Data tal-pubblikazzjoni
- 8 Jannar 2018
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- L-aħjar prattika tal-EURES
- Ideat u Suġġerimenti
- Aħbarijiet dwar is-suq tax-xogħol/aħbarijiet dwar il-mobilità
- Xejriet ta' reklutaġġ
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles