Agħżel is-softwer tiegħek bʼmod għaqli
Il-punt tat-tluq għal kwalunkwe sit web hu s-softwer u WordPress, Drupal u Joomla huma regolarment ikklassifikati bħala tlieta mill-aqwa softwer tal-ġestjoni tas-siti web/tal-kontenut fis-suq. It-tliet sistemi, li huma kollha bʼsors miftuħ, joffru livell għoli ta' personalizzazzjoni u jibbenefikaw minn titjib regolari fil-forma taʼ plugins u temi pprovduti mill-komunità onlajn.
Żviluppa arkitettura tas-sit loġika
Viżitaturi għas-sit web tan-negozju jew tal-organizzazzjoni tiegħek jixtiequ jsibu l-affarijiet malajr u faċilment, għalhekk hu importanti li tippjana l-arkitettura tas-sit tiegħek qabel tibda. Xʼse jkunu qegħdin ifittxu l-viżitaturi tiegħek u minn kemm il-menu u submenu se jkunu lesti jgħaddu biex isibuh? Xʼpaġni għandek bżonn u liema minnhom se tbati biex timla b'kontenut utli. Il-konsiderazzjoni taʼ dawn it-tipi taʼ mistoqsijiet se tgħinek tistabbilixxi l-arkitettura l-aktar effiċjenti possibbli tas-sit.
Agħżel il-kontenut it-tajjeb
Immaġinak fil-pożizzjoni tal-viżitaturi tiegħek meta tiddeċiedi xʼinformazzjoni għandek tinkludi dwar in-negozju jew l-organizzazzjoni tiegħek u xʼtoffri. Ftakar: dak li int tara bħala essenzjali jistaʼ ma jkunx l-istess għalihom. Dan l-eżerċizzju jistaʼ jgħin ukoll biex inaqqas u jissimplifika l-kontenut tiegħek, li jagħmlu aktar faċli biex jinżamm fit-tul.
L-immaġnijiet huma importanti wkoll, bħala mod kif tattira l-attenzjoni u anki biex tifred blokok taʼ test. Filwaqt li l-użu ta' immaġnijiet stokk ħafna drabi hu l-għażla l-faċli - jew xi drabi l-unika għażla - immaġnijiet personali jagħtu wiċċ u identità lin-negozju jew lill-organizzazzjoni tiegħek.
Żommu konverżazzjonali
Il-lingwaġġ normalment ikun pjuttost formali fi ħdan id-dinja tan-negozju, u spiss ikun mimli bi kliem tekniku u bʼakronimi speċifiċi għall-industrija partikolari. Filwaqt li dan żgur għandu postu, jistaʼ ma jkunx l-aħjar approċċ li tieħu fejn jirrigwarda l-kontenut taʼ sit web. Jekk iżżomm il-lingwaġġ konverżazzjonali u tevita kliem tekniku tistaʼ tispiċċa bʼtest aktar faċli għall-viżitatur li jagħmel is-servizzi li qiegħed joffri n-negozju jew l-organizzazzjoni tiegħek aktar ċari lill-viżitatur.
Ottimizza l-kontenut tiegħek
Hu importanti li tikkunsidra wkoll li jkollok kontenut “SEO friendly”, għaliex dan jiddetermina fejn is-sit web tiegħek se jidher f’riżultati tal-magni tat-tiftix. Identifika l-kliem ewlieni xieraq għan-negozju jew għall-organizzazzjoni tiegħek u tgħallem kif tużah b’mod effettiv sabiex timmassimizza l-kapaċità tat-tiftix tiegħek. L-organizzazzjoni tal-kontenut tiegħek b’mod loġiku u l-bini ta’ rabtiet bejn taqsimiet tas-sit web tiegħek ukoll jistgħu jagħtu spinta lill-preżenza onlajn tiegħek.
Sfrutta kemm tistaʼ l-midja soċjali
Tkellimna qabel dwar kif il-midja soċjali tista’ tkun għodda eċċellenti għal negozji u organizzazzjonijiet. Iżda jekk il-viżitaturi ma jkunux jistgħu jsibu l-kanali tal-midja soċjali tiegħek, mela l-potenzjal tagħhom ikun qiegħed jiġi mxekkel sa mill-bidu. Kun ċert li tqiegħed il-kanali tal-midja soċjali tiegħek f’post fejn jidhru ħafna fuq is-sit web tiegħek u li tieħu l-opportunità li tiggwida lil viżitaturi lejn dawn il-kanali kull meta jkun possibbli.
Il-kanali tal-midja soċjali huma wkoll wieħed mill-aqwa modi kif tikkomunika dwar il-benefiċċji tan-negozju jew tal-organizzazzjoni tiegħek u huma mod effettiv kif tippromwovi s-sit web tiegħek u tattira lill-viżitaturi.
Tgħaġġilx
Il-bini ta’ sit web eċċellenti hu impenn fit-tul – mhuwiex ħaġa li tista’ ssir matul il-lejl. Ħu l-ħin tiegħek, ippjana l-istadji tiegħek u agħmel ċert li tittestja kull karatteristika bir-reqqa. Tista’ tkun tentazzjoni li tħaffef it-tnedija ta’ sit web ġdid, b’mod partikolari jekk tkun xi ħaġa li n-negozju jew l-organizzazzjoni tiegħek tkun diġà ħabbret lill-udjenza fil-mira tiegħek, iżda jekk tilħaq skadenza bi prodott mhux komplut tista’ toħloqlok iktar problemi fit-tul.
Suġġeriment għall-futur: żomm is-sit web tiegħek aġġornat
Jista’ jkun li żviluppajt u nedejt sit web eċċellenti, iżda dak hu biss il-bidu tal-vjaġġ. Jekk ma taġġornax is-sit web tiegħek fuq bażi regolari, tkun qed tieħu r-riskju li toħloq l-impressjoni li n-negozju jew l-organizzazzjoni tiegħek mhijiex impenjata u attwali kif inevitabbilment int. Żomm ruħek aġġornat, waqt li b’mod regolari ġġib kontenut ġdid u li jolqot l-għajn lill-viżitaturi tiegħek u b’hekk tagħtihom raġuni biex jerġgħu jiġu.
Tixtieq tiskopri aktar dwar kif tisfrutta l-aħjar il-midja soċjali? Għala ma tiċċekkjax 5 suġġerimenti biex il-midja soċjali taħdem għall-organizzazzjoni tiegħek.
Links relatati:
5 suġġerimenti biex il-midja soċjali taħdem għall-organizzazzjoni tiegħek
Aqra aktar:
Il-kundizzjonijiet tax-xogħol u tal-għajxien fil-pajjiżi tal-EURES
Il-Bażi ta' Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq Twitter
L-EURES fuq LinkedIn
L-EURES fuq Google+
Dettalji
- Data tal-pubblikazzjoni
- 4 April 2017
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Negozju/Intraprenditorija
- Ideat u Suġġerimenti
- Aħbarijiet dwar is-suq tax-xogħol/aħbarijiet dwar il-mobilità
- Midja soċjali
- Żgħażagħ
- Sezzjoni(jiet) relatati
- Għajnuna u appoġġ
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles