L-ewwel impressjonijiet jgħoddu
Meta tibda impjieg ġdid, tajjeb li tieħu l-ħin biex issir taf lin-nies li se tkun qed taħdem magħhom mill-ewwel ġurnata. Li titgħallem malajr l-ismijiet, l-uċuħ, il-ħiliet, l-esperjenza u l-interessi jgħinek tiżviluppa relazzjonijiet ta’ ħidma tajbin u jagħmel ix-xogħol kollaborattiv ħafna aktar faċli fil-futur.
Toqgħodx lura milli titlob l-għajnuna
Ta’ spiss inkunu wisq stinati biex nammettu meta jkollna bżonn xi ftit għajnuna, minħabba l-biża’ li forsi nidhru dgħajfa jew xi ftit stupidi. Iżda ftakar, kulħadd irid jibda minn xi mkien, u li titlob l-għajnuna lill-kollegi tiegħek huwa parti essenzjali mill-proċess ta’ tagħlim. Fi kwalunkwe punt fil-karriera tiegħek - u b’mod partikolari meta tkun għadek tibda - kun ċert li turihom lill-oħrajn meta jkollok bżonn l-għajnuna.
Kun persuna li tieħu r-riskji
Mill-mument li l-karriera tiegħek tibda, oqgħod attent(a) li ma tħallix lilek innifsek issir komdu/komda wisq f’impjieg. Huwa faċli li ssib ruħek f’rutina monotona, fejn tieqaf titgħallem ħiliet ġodda u tispiċċa xi ftit imdejjaq/imdejqa. Jekk tirrealizza li dan qed jiġri lilek, agħmel sforz biex toħroġ barra miż-żona ta’ konfort tiegħek u tiffaċċja sfidi ġodda li jagħtuk l-opportunità li tikber. Stabbilixxi għanijiet ġodda għalik innifsek, ħu inizjattivi, u tibżax tipprova affarijiet ġodda - hu b'dan il-mod li titgħallem u tiżviluppa professjonalment.
Emmen fl-abbiltà tiegħek
Din forsi tinstema’ bħala waħda minn dawk l-affarijiet li huma ovvji, iżda biex ikollok karriera ta’ suċċess teħtieġ temmen fik innifsek. Tgħallem kif tbigħ lilek innifsek u tibżax tippromwovi lilek innifsek - kun af x’tagħmel tajjeb, u jekk tikseb xi ħaġa li tkun kburi(ja) biha, aqsamha mat-tim tiegħek. Iċċelebra s-suċċessi tiegħek u żomm nota tagħhom għal referenza fil-futur. B’mod partikolari, dawn jiġu utli jekk tixtieq promozzjoni jew tiddeċiedi li tfittex impjieg ġdid.
Innetwerkja, innetwerkja, innetwerkja!
In-netwerking huwa ta’ spiss kruċjali biex tistabbilixxi karriera ta’ suċċess. Forsi għall-bidu jaf ikun imbarazzanti, iżda netwerking effettiv jippermettilek tagħmel konnessjonijiet li jistgħu jgħinuk tipprogressa fil-karriera magħżula tiegħek. Hemm kull tip ta’ post fejn tista’ ssib persuni interessanti li jaħdmu fil-qasam tiegħek. Dawn jinkludu avvenimenti ta’ netwerking, il-post tal-impjieg tiegħek, jew saħansitra s-siti tal-midja soċjali professjonali bħal LinkedIn - għalhekk kun ċert(a) li tagħti daqqa t’għajn lil kemm jista’ jkun minnhom sabiex tagħti lilek innifsek l-aħjar ċans.
Nittamaw li dan il-parir jgħinek tirnexxi fil-karriera l-ġdida tiegħek. Nawgurawlek!
L-artiklu ġie prodott fi sħubija mal-EURES, il-Portal Ewropew dwar il-Mobilità fix-Xogħol.
Aqra aktar:
Kundizzjonijiet tax-xogħol u l-għajxien fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Onlineli ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 20 Ġunju 2019
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Ideat u Suġġerimenti
- Żgħażagħ
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles