Teymisvinna er lykillinn: Svona stuðlar þú að trausti meðal starfsmanna þinna

Hvettu til persónulegra sambanda

Það getur verið erfitt að treysta fólki sem þú þekkir lítið. Hvettu fólk í teyminu þínu til að kynnast utan vinnunnar en það auðveldar samstarf þess á milli. Það þýðir ekki að þið þurfið að verja tíma saman utan vinnutímans (sérstaklega þar sem mörg teymi eru nú í fjarvinnu sem getur gert þetta erfitt eða ómögulegt). Þess í stað getur það falist í einföldum hlutum eins og að stuðla að og taka þátt í spjalli á teymisfundum og spyrja um og muna hvað sé í gangi í lífi samstarfsmanna þinna.

Hlustaðu með virkum hætti

Virk hlustun á hugmyndir og sjónarmið starfsmanna þinna er grunnurinn að góðu vinnusambandi við þá. Vertu móttækileg/ur fyrir nýjum leiðum til að gera hlutina og gakktu úr skugga um að fólk í teyminu þínu eigi ekki í erfiðleikum með að deila bæði jákvæðum og neikvæðum athugasemdum með þér án þess að þú fellir á það dóma eða setjir ofan í við það. Taktu frá sérstakan tíma fyrir slíkt, þar á meðal á reglulegum einstaklings- og hópafundum.

Bregstu við tillögum

Það er ekki nóg að hlusta á hugmyndir og sjónarmið starfsmanna – þú þarft líka að bregðast við þeim. Þegar samstarfsmaður kemur með gagnlega tillögu eða athugasemd ættir þú að leyfa honum að fylgjast með hvernig þú bregst við henni. Ef, hins vegar, starfsmaður gerir tillögu sem þú ert ekki sammála, ættir þú ekki að vísa henni kaldranalega frá þér. Þess ættir þú að útskýra með uppbyggilegum hætti af hverju þú telur að fylgja ætti annarri nálgun og vera opin/n fyrir öðrum hugmyndum eða útskýringum.

Veittu reglulega endurgjöf

Ekki bíða eftir formlegu mati til að veita teyminu þínu endurgjöf. Þess í stað ættir þú að veita hana tímanlega, á viðeigandi tíma og í einrúmi ef þörf krefur. Það þýðir að starfsmaðurinn getur brugðist strax við og breytt nálgun sinni. Ef þú bíður of lengi getur það dregið úr áhrifum athugasemda þinna. Það á sérstaklega við ef þær eru neikvæðar því starfsfólkinu kann að finnast vegið að því með ósanngjörnum hætti og slíkt dregið athygli þeirra frá núverandi verkum þess.

Vertu gagnsæ/r

Stundum getur verið óþægilegt að ræða viðkvæm mál við fólk í teyminu þínu – ef hætt er við kaupauka, sem beðið hefur verið eftir, til dæmis eða verulegar breytingar á starfsháttum. En ef þú tefur eða forðast að gera slíkt mun það aðeins skaða samband ykkar og dregur úr tilfinningu starfsmanna um að vera hluti af fyrirtækinu. Þess í stað ættir þú að vera opin/n um horfur fyrirtækisins, hvort sem þær eru góðar eða slæmar og halda starfsmönnum þínum upplýstum um væntanlegar breytingar sem gætu haft áhrif á þá.

Sýndu fordæmi

Engum líkar við hræsnara. Ef þú trúir ekki á eigin fyrirmæli og ráð hvernig getur þú búist við því að teymið þitt geri það? Til að hvetja til tiltekinnar hegðunar meðal starfsmanna ættir þú að gera sömu kröfur til þín og fylgja henni í allri vinnu þinni.

Sýndu þakklæti

Ólíklegt er að starfsmaður, sem aldrei fær þakklæti fyrir störf sín, sýni mikinn áhuga á því að leggja áfram hart að sér. Þess í stað ættir þú að sýna að þú kunnir að meta hann með því að undirstrika og hæla tilteknum árangri meðal annarra starfsmanna og hrósa viðkomandi fyrir vel unnin störf. Auk þess ættir þú að bjóða upp á gagnsæja fjárhagslega og atvinnutengda hvata sem umbun.

Þörfin á endurgjöf getur valdið því að erfitt er að mynda jákvætt samband við starfsmenn. Lærðu hvernig eigi að veita neikvæða endurgjöf á hugulsaman hátt til að vinna með uppbyggilegri hætti með teyminu þínu.

 

Tengdir hlekkir:

EURES-vefgáttin

Svona á að gefa starfsmönnum neikvæða endurgjöf á hugulsaman hátt

 

Nánari upplýsingar:

Evrópskir atvinnudagar

Finna Eures ráðgjafa

Atvinnu- og búsetuskilyrði í löndum EURES

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn