Sex ráð til að þróa viðskiptahugmynd sem hentar þér

Finndu eitthvað sem þú hefur gaman af

Okkur dreymir öll að gera ástríðumál okkar að atvinnu. Ef þú ert að stofna þitt eigið fyrirtæki hefurðu tækifæri til að gera það. Auðvitað gætirðu haft raunhæfa viðskiptahugmynd sem er fyrir utan venjulega tómstundir þínar og áhugamál, en vertu viss um að það sé eitthvað sem þú munt njóta að gera daglega. Ef ekki, þá gætirðu fljótt misst áhugann eða hætt að trúa á hugmyndina þína.

Notaðu færni þína

Hugsaðu um hvað vekur áhuga þinn, en líka hvað þú ert góð(ur) í. Þú gætir elskað að borða mat, til dæmis, en það er ekki góð hugmynd að opna veitingastað ef þú getur ekki eldað. Ekki hafa áhyggjur af færni sem þú hefur ekki. Í staðinn skaltu einblína á styrkleika þína og finna leið til að nýta þá sem best í viðskiptum þínum.

Hugsaðu um gildin þín

Hvað viltu að fyrirtækið þitt standi fyrir? Þegar þú byggir upp fyrirtækið þitt og vörumerkið ættir þú að hugsa um grunngildin þín og halda þig við þau. Gerðu drög að skýrri markmiðsyfirlýsingu og hugsaðu um hvers konar fyrirtæki þú vilt vera. Til dæmis, ef þú hefur brennandi áhuga á að vernda umhverfið, gætirðu viljað setja sjálfbærni í forgang. Það gæti líka hjálpað að skoða önnur fyrirtæki sem veita þér innblástur og draga lærdóm af því hvernig þau vinna.

Ekki vera með þráhyggju á frumleika

Allir frumkvöðlar vilja búa til næstu stóru uppfinninguna. Í raunveruleikanum hins vegar tekst mjög fáum fyrirtækjum að gera það. Mörg farsæl fyrirtæki veita í raun svipaðar vörur eða þjónustu til annarra. Helst ættir þú að stefna að því að finna tómrúm á markaðnum og forðast mettaða geira með fullt af keppinautum, en mikilvægast er að staðsetja þig vel. Getur þú verið fyrirtækið sem leysir vandamál sem núverandi fyrirtæki hafa ekki getað leyst? Ef ekki, kannski geturðu að minnsta kosti veitt betri vöru eða þjónustu fyrir ódýrara verð?

Hafðu hlutina einfalda

Einbeittu þér að því sem þú vilt að fyrirtækið þitt sé og reyndu að gera það ekki of flókið. Hvert fyrirtæki þarf skýrt, einstakan sölu sérstöðu, sérstaklega í upphafi. Ef hlutirnir ganga vel þá geturðu alltaf stækkað fyrirtækið þitt og farið inn á ný svæði síðar, en fyrst þarftu að hafa skýrt vörumerki til að byggja upp viðskiptavinahóp. Ef þú ert óviss varðandi hugmynd þína þá munu viðskiptavinir þínir líka vera það.

Fáðu ráð - og hlustaðu á þau!

Ef þú ert að stofna fyrirtæki á eigin spýtur gætirðu fundið að þetta gerir það auðveldara að hugsa skýrt og einbeita þér að persónulegum markmiðum þínum. Hins vegar skaltu ekki vera hræddur við að fá ráðleggingar. Vertu viss um hugmynd þína, en mundu að hlusta á skoðanir annarra. Kynntu hugmynda þína fyrir fólki, láttu það prófa vöruna þína, sýndu þeim vörumerkið þitt. Því stærra sem úrtakið er, því betra. Þú gætir kannski fengið fagleg ráð, en mundu að tala líka við fólkið sem hefur mestar skoðanir á þér. Nánir vinir eða fjölskyldumeðlimir eru líklega heiðarlegastir við þig, svo vertu viss um að hlusta á þá!

Ef þú hafðir gaman af þessari grein, lestu þá 8 ráð til ungra frumkvöðla.

Í samstarfi við EURES Vefgátt um flæði vinnuafls í Evrópu.

 

Tengdir hlekkir:

8 ráð til ungra frumkvöðla

 

Nánari upplýsingar:

Evrópskir atvinnudagar

Finna EURES ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn