Skip to main content
European Commission logo
EURES
fréttaskýring5 Janúar 2022European Labour Authority, Directorate-General for Employment, Social Affairs and Inclusion

5 helstu ráðin okkar fyrir vinnuveitendur sem snúa aftur á vinnustaði

Þó að lög og reglur um COVID-19 séu enn mismunandi á milli landa er mikilvægt að þú sem vinnuveitandi tryggir að þú sért undirbúin undir endurkomu fólks á vinnustaðinn. Hér eru fimm bestu ráðin okkar til að starfsmenn snúi aftur á vinnustaðinn með öruggum hætti.

Our top 5 tips for employers returning to the workplace
EURES

1. Aðlögun vinnustaðarins

Áður en starfsfólki er boðið aftur á vinnustaðinn skaltu fara yfir uppsetningu og skipulag starfa til að draga úr dreifingu á veirum eins og COVID-19. Það getur verið að auka þurfi rými á milli vinnustöðva, móta ítarlega og reglulega áætlun um þrif og búa til skilti með upplýsingum um til hvaða ráðstafana þeir geti gripið til að líða betur og tryggja öryggi sitt.

Mörg fyrirtæki treystu á verkvanga á netinu til að eiga í samskiptum og samstarfi við vinnufélaga svo nú þarf að laga þessa nýju vinnuhætti að vinnustaðnum og gera ráð fyrir þeim. Til dæmis getur verið þörf á heyrnartólum eða lokuðum rýmum fyrir netsímtöl og fundi.

2. Skoðun á leiðum til að koma í veg fyrir smit

Vinnuverndarstofnun Evrópu (EU-OSHA) hvetur til vitundaraukningar um áhættu á smiti og leiðum til að koma í veg fyrir það.

Ef nýir starfshættir hafa verið innleiddir á vinnustaðnum skaltu tryggja að væntingum um öryggi og heilbrigði sé komið skýrt á framfæri fyrir og á meðan fólk snýr aftur á vinnustaðinn til að koma í veg fyrir ringulreið meðal starfsmanna. Ef þú kemur fyrir greinilegum merkingum um reglur um þrif, frátekin skrifborð, grímunotkun og aðrar nýjar stefnur mun starfsmönnum þínum líða betur og öruggari.

3. Framkvæmdu endurkomu á vinnustaðinn í þrepum

Það getur verið að starfsmenn þínir hafi unnið frá mjög mismunandi stöðum síðastliðið eitt og hálft ár og það getur verið högg fyrir þá að snúa aftur á vinnustaðinn. Veltu fyrir þér að biðja starfsmenn um að snúa smám saman aftur á vinnustaðinn til að draga úr þessari stóru breytingu á daglegri rútínu þeirra svo þeir geti lagað sig að nýjum aðstæðum. Það getur falið í sér að byrja á einum degi á viku og fjölga dögunum á nokkurra mánaða fresti.

Það gerir starfsmönnum þínum ekki aðeins kleift að venjast ferðatímanum til og frá vinnu á ný heldur gefur það þeim einnig tíma til að skipuleggja önnur atriði eins og barnagæslu í kring um nýjan veruleika.

4. Gerðu áætlun!

Mikil óvissa hefur ríkt í heimsfaraldrinum en áætlun um faraldra í framtíðinni og aðra heilsuvá getur hjálpað til við að draga úr áhyggjum og kvíða á vinnustaðnum. Áætlunin ætti að innihalda hvernig fyrirtækið muni laga sig að og halda áfram störfum með færri starfsmönnum við veikindi eða ferðatakmarkanir. Hún ætti einnig að innihalda viðmiðunarreglur um veikindaleyfi og upplýsingar og aðstoð sem starfsmenn geta leitað í.

Þegar áætlunin er tilbúin ættir þú að tryggja að allir í fyrirtækinu fái hana í hendurnar. Það eflir traust og trú á fyrirtækinu ásamt því að svara spurningum sem kunna að brenna á starfsmönnum.

5. Kynntu aðstoð í boði

Eftir heimsfaraldurinn getur verið að fyrirtækið starfi ekki með sama hætti og áður en það skilur starfsmenn eftir með margar spurningar. Þegar breytingum á rekstri er komið á framfæri ættir þú að íhuga að gefa starfsmönnum kost á að spyrja spurninga og nálgast áreiðanlegar upplýsingar. Hægt er að beina fyrirspurnum þeirra til yfirmanna eða mannauðsdeildarinnar eða láta þær í ljós augnliti til auglitis.

Önnur leið til að efla starfsandann er að efla vellíðan eftir faraldurinn en hann leiddi til einangrunar og einmanaleika hjá mörgu fólki.

Frekari upplýsingar um endurkomu á vinnustaði eftir heimsfaraldurinn má finna í 5 helstu ráðin okkar fyrir starfsmenn sem snúa aftur á vinnustaði.

 

Tengdir hlekkir:

Vinnuverndarstofnun Evrópu (EU-OSHA)

5 helstu ráðin okkar fyrir starfsmenn sem snúa aftur á vinnustaði

 

Nánari upplýsingar:

Evrópskir atvinnudagar

Finna Eures ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn

Viðfangsefni
Ábendingar og ráð
Geirinn
Accomodation and food service activitiesActivities of extraterritorial organisations and bodiesActivities of households as employers, undifferentiated goods- and servicesAdministrative and support service activitiesAgriculture, forestry and fishingArts, entertainment and recreationConstructionEducationElectricity, gas, steam and air conditioning supplyFinancial and insurance activitiesHuman health and social work activitiesInformation and communicationManufacturingMining and quarryingOther service activitiesProfessional, scientific and technical activitiesPublic administration and defence; compulsory social securityReal estate activitiesTransportation and storageWater supply, sewerage, waste management and remediation activitiesWholesale and retail trade; repair of motor vehicles and motorcycles

Fyrirvari

Greinum er ætlað að veita notendum EURES vefgáttarinnar upplýsingar um málefni líðandi stundar og stefnur og örva umræður og umræður. Efni þeirra endurspeglar ekki endilega skoðun Vinnumálastofnunar Evrópu (ELA) eða framkvæmdastjórnar Evrópusambandsins. Ennfremur styðja EURES og ELA ekki vefsíður þriðja aðila sem nefnd eru hér að ofan.