Möguleikar opnast fyrir finnska kennara í Svíþjóð

Fjöldi kennara er að fara á eftirlaun, á meðan aðrir eru að skipta um starfsvettvang, en slíkt þýðir að kennaraskortur fer að gera vart við sig í Svíþjóð. Hinum megin við landamærin, í Finnlandi, eru nýútskrifaðir kennarar að leita að starfi.

Svo þegar Eures ráðgjafinn, Catarina Haglund frá Eskilstuna í Svíþjóð hafði samband við finnska Eures ráðgjafann Tomi Puranen í september á þessu ári, fagnaði hann tækifærinu að vinna saman að lausn kennaravandans í báðum löndunum.

"Catarina kom ásamt nokkrum fulltrúum úr sveitafélagi hennar til að halda upp á Evrópska tungumáladagurinn þar sem samankomin voru skólabörn, kennarar og yfirkennarar," segir Tomi, sem staðsettur er í Turku. Á samkomunni höfðu gestirnir tækifæri til að tala óformlega við fjölda fólks til þess að kanna stöðuna.

Samkomunni var fylgt eftir næsta dag með námsferð í tvo fjölbrautaskóla á staðnum. "Sænsku fulltrúarnir fóru heim með skíra hugmynd varðandi möguleikana," útskýrir Tomi.

Þessi fyrsta heimsókn varð kveikjan að upplýsinga- og ráðningarsamkomu sem Eures Finnland stóð fyrir og sem var haldin í Turku dagana 15-16 nóvember. "Svíþjóð þarfnast alls konar kennara: náttúrufræði, sagnfræði, landafræði og svo framvegis. Þannig að við buðum finnskum kennurum sem voru skráðir hjá atvinnuleysisskrifstofunni í Suð-vestur Finnlandi og sem töluðu góða sænsku."  Tölvupóstur var sendur til 1200 manns í heildina, þar af 600 sem skráðir voru atvinnulausir.

Einn af þeim sem mættu á ráðningardaginn var kennarinn Hanna Lehtonen. Hún útskýrir af hverju hún hefur áhuga að vinna í Svíþjóð, "Það er mjög erfitt að finna vinnu í Finnlandi fyrir tungumálakennara sem kenna ekki ensku. Ríkisstjórnin í landinu hefur skorið niður framlög til menntamála og niðurskurðurinn kemur niður á valfögum."

Hún vonast eftir því að finna nýja starfsmöguleika í Svíþjóð, "Það væri gaman að kynnast nýrri menningu, að læra nýjar aðferðir við kennslu í fjölmenningarumhverfi og að bæta sænskukunnáttuna mína," segir hún.

Tomi er áhugasamur um samstarfið sem hann hefur komið á við Eures í Eskilstuna, "Ráðningardagurinn vakti mikinn áhuga hjá fjölmiðlum langt út fyrir svæðið bæði í Finnlandi og Svíþjóð, svo að vonandi mun þetta opna möguleikana fyrir menntaða kennara sem eru að leita að nýjum tækifærum."

Tengdir hlekkir:

Búseta og störf í Svíþjóð

Búseta og störf í Finnlandi

Nánari upplýsingar:

Finna Eures-ráðgjafa

Atvinnu- og búsetuskilyrði í Eures löndum

Vinnugagnagrunnur Eures

Þjónusta Eures fyrir atvinnurekendur

Viðburðadagatal Eures

Næstu viðburðir á Netinu

Eures á Facebook

Eures á Twitter

Eures á LinkedIn

Eures á Google+