Svona geta vinnuveitendur búið sig undir nýja blandaða vinnuhætti

Ný könnun Eurofound hefur leitt í ljós að meirihluti launþega í ESB kjósa að vinna heiman frá sér að minnsta kosti af og til (ef engar takmarkanir væru í gildi vegna COVID-19) og kjósa flestir blandaða vinnuhætti (32%). Mörg fyrirtæki eru enn að velta fyrir sér hvað „blandað“ þýðir fyrir þau og hvernig þau geti lagað sig að þessari nýju þróun til að halda stöðu sinni.

Fyrir flest fyrirtæki þýðir innleiðing á blönduðum vinnuháttum verulega breytingu á vinnumenningu og þróun á nýjum stefnum og verklagi. Fyrirtæki sem bjóða ekki upp á sveigjanlega vinnuhætti eiga í hættu á aukinni starfsmannaveltu og minni áhuga starfsmanna. Það getur líka verið að þau verði ekki eins álitleg fyrir umsækjendur og nýja starfsmenn. Svo hvað ættu fyrirtæki að hugsa um þegar þau innleiða þessa blönduðu nálgun?

Framkvæmið áhættumat

Frá upphafi heimsfaraldursins hefur margt verið sagt um að vinnuveitendur þurfi að hlusta á þarfir starfsmanna sinna. En það er jafnmikilvægt fyrir eigendur fyrritækja að hlusta á þarfir fyrirtækisins. Áður en viðeigandi stefnur eru þróaðar ættu vinnuveitendur að velta fyrir sér að framkvæma áhættumat til að skoða hugsanleg áhrif blandaðra vinnuhátta á ekki bara starfsfólk heldur einnig á fyrirtækið. Slíkt mat mun hjálpa eigendum fyrirtækja við að taka upplýstari ákvarðanir um hvaða störf má vinna í fjarvinnu, fjölda fjarvinnudaga á viku/mánuði og frá hvaða stöðum starfsmenn mega sinna vinnu sinni (t.d. ef starfsmaðurinn er í öðru tímabelti getur verið að það þurfi að breyta vinnutíma þeirra til að hann henti kjarnavinnutíma fyrirtækisins).

Tryggið jafna meðferð

Við gerð fyrirtækisstefnunnar um blandaða vinnuhætti skal tryggja að viðmiðunarreglurnar séu sanngjarnar fyrir alla starfsmenn og mismuni ekki vegna aldurs, örorku, kyns, hjúskaparstöðu, þungunar og móðurhlutverks, kynþáttar, trúar og kynhneigðar. Það er mikilvægt að hafa mannauðsdeildina með í ráðum eða utanaðkomandi sérfræðinga til að koma í veg fyrir að nýja stefnan valdi spennu á milli starfsmanna eða auki líkur á að málssókn verðið höfðuð gegn þér. Annað til að hafa í huga er að tryggja að eins sé komið fram við starfsmenn í fjarvinnu og þá sem vinna fulla vinnu frá skrifstofunni.

Skapið traust á milli vinnuveitanda og starfsmanna

Þegar COVID-19 þvingaði fyrirtæki til að loka skrifstofum sínum og fjarvinna varð ráðandi vöktu margir vinnuveitendur máls á vöktun og að tryggja að starfsmenn misnotuðu ekki nýja „frelsi“ sitt. Í viðleitni sinni til að finnast þeir fara með stjórnina komu sumir fyrirtækiseigendur upp vöktunarkerfum sem brutu gegn friðhelgi starfsmanna. Slík tilfinning um að vera sífellt undir eftirliti getur skaðað móral starfsmann og látið þá líða eins og þeir séu ekki traustsins verðir. Vöktun ætti að vera gagnsæ og ná aðeins yfir það sem er nauðsynlegt fyrir fyrirtækið. Það þýðir að öryggi starfsmanna og ljúki vinnu sinni sé mikilvægara en að fylgjast með því hversu mörgum klukkustundum þeir vinni fyrir framan tölvuskjáinn.

Nú þegar takmörkunum fara að létta, fara starfsmenn að búa sig undir að snúa aftur á vinnustaðinn og velta þá líklega fyrir sér hvernig það eigi eftir að líta út. Hér eru fjórar helstu ráðleggingar okkar um hvernig er hægt að bjóða starfsfólk velkomið aftur á vinnustaðinn sinn.

Tengdir hlekkir:

Fjögur ráð til að bjóða starfsfólk velkomið aftur til vinnu eftir COVID-19

Vinna í COVID-19

Nánari upplýsingar:

Evrópskir atvinnudagar

Finna EURES ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn