Fimm lykilspurningar fyrir könnunina þína um endurkomu til starfa eftir COVID-19

1. Hlakkar þú til að mæta aftur í vinnuna?

Þessi spurning hjálpar þér að skilja viðhorf starfsmanna þinna þegar kemur að því að snúa aftur á vinnustaði. Hún hjálpar þér líka að vita hverju þú megir búast við þegar þú biður starfsmenn um að endurnýja áskrift sína að almenningssamgöngum, búa sér til nesti og klæða sig fyrir annað umhverfi. Þó að sumir séu áfjáðir í því að hitta samstarfsmenn sína aftur og fara að heiman á hverjum degi eru aðrir kannski stressaðir yfir því að hitta fólk á ný og þurfa klapp á bakið.

2. Hvaða einkunn gefur þú samskiptum þínum við samstarfsmenn þína í fjarvinnunni á skalanum 1–10?

Ef í ljós kemur að samskiptin voru góð á milli samstarfsmanna á fjarvinnutímanum gerir það fyrirtækinu kleift að taka ákvarðanir um hvort bjóða eigi upp á fjarvinnukosti til langs tíma. En ef starfsmenn segja að samskiptin hafi verið mun verri á fjarvinnutímanum getur verið að endurkoman á vinnustaðinn hafi enn meiri ávinning í för með sér fyrir þá.

3. Hvaða áhrif hafði fjarvinnan á afköstin?

Þó að sumir segist hafa verið afkastameiri í fjarvinnunni getur verið að aðrir hafi átt erfitt með að einbeita sér, það fer allt eftir aðstæðum hvers og eins. Ólíkt því sem var á skrifstofunni þurfti hver og einn starfsmaður nú að takast á við mismunandi hávaða í kring um sig, mismunandi aðstöðu og í sumum tilvikum fjölskyldumeðlimi eða sambýlinga. Það gerir upplifun hvers og eins af fjarvinnunni mismunandi og getur haft jákvæð eða neikvæð áhrif á afköstin. Ef þú færð skilning á afköstum starfsmanna þinna getur það hjálpað þér við ákvarðanir um endurkomu þeirra á vinnustaðinn.

4. Að hvaða marki breyttist jafnvægið á milli vinnu og einkalífs hjá þér í fjarvinnunni, ef það breyttist þá eitthvað?

Upplýsingar um það hvort jafnvægið á milli vinnu og einkalífs hjá teyminu þínu hafi aukist eða minnkað hjálpar þér að skilja hvað meðlimum teymisins finnst um að snúa aftur á vinnustaðinn. Ef þeim fannst þeir hafa meiri tíma fyrir áhugamálin eða fjölskylduna í fjarvinnunni getur verið að áhugi þeirra á að mæta aftur á vinnustaðinn sé ekki jafnmikill því slíkt mun líklega hafa í för með sér aukin ferðalög. Ef svarendur sáu ekki mikinn mun á jafnvæginu á milli vinnu og einkalífs er mun líklegra að þeir hlakki til að snúa aftur .

5. Hefur þú einhverjar áhyggjur af því að ferðast til og frá vinnu?

Ef þú spyrð starfsmenn um ferðalög þeirra til og frá vinnu sýnir þú ekki einungis fram á að þú áttir þig á einum helsta muninum á milli skrifstofuvinnu og heimavinnu heldur hjálpar það þér líka að skilja viðhorf starfsmanna þinna gagnvart endurkomu þeirra á vinnustaðinn. Ef til dæmis samstarfsmenn þínir segja ferðalögin tímafrek og dýr eru þeir síður spenntir fyrir því að mæta aftur á vinnustaðinn. Það gæti verið tækifæri til að bjóða upp á blandaða vinnuhætti, breytilegan vinnutíma til að sneiða hjá háannatímum eða aðra hvata eins og niðurgreidd bílastæði eða verkefni eins og hjólað í vinnuna.

Margir einstaklingar og fyrirtæki hafa upplifað heimsfaraldurinn með mismunandi hætti og kunna að hafa mismunandi skoðanir á því að snúa aftur til daglegra starfa. Fleiri ráð um endurkomu til vinnu eftir COVID-19 heimsfaraldurinn má finna í 7 góð ráð til að draga úr kvíða fyrir því að snúa aftur á skrifstofuna.

Tengdir hlekkir:

7 góð ráð til að draga úr kvíða fyrir því að snúa aftur á skrifstofuna

Nánari upplýsingar:

Evrópskir atvinnudagar

Finna EURES ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn