Fimm áhugahvetjandi sögur úr Reactivate-ljósmyndasamkeppninni

Þátttakendur í samkeppninni voru beðnir um að senda myndir af sér fyrir og eftir þátttöku í þessu Evrópusambandsverkefni og lýsa sögu sinni stuttlega. Að neðan má fá frekari upplýsingar um sigurvegarana fimm og áhugaverða reynslu þeirra.

36-ára José Miguel Spánverji fann starf sem kerfisfræðingur í litlum bæ á Mið-Ítalíu. Auk Reactivate -flutningsstyrks fékk hann einnig styrk til að sækja ítölskunámskeið. José Miguel stóð sig mjög vel í starfi og var sex mánaða ráðningarsamningi hans síðar breytt í ótímabundinn samning. Hann segir að annaðhvort grípi maður svona tækifæri eða þá þau koma ekki aftur.

Þegar Sarata skráði sig fyrst hjá Reactivate hafði hún verið atvinnulaus um langan tíma þrátt fyrir að vera með meistaragráðu. Þessi 43 ára gamla franska móðir hafði áhyggjur af framtíð sinnar og dóttur sinnar. Reactivate-teymið hjálpaði Sarata að finna stöðugleika í Cork á Írlandi þar sem hún fékk vinnu í þjónustu við viðskiptavini hjá fyrirtæki sem þjónustar önnur fyrirtæki.

Þrátt fyrir að hafa aldrei misst vonina þegar hann var atvinnulaus segir Alessandro að hann sé mjög þakklátur Reactivate. Atvinnuverkefnið veitti þessum 62 ára gamla Ítala annað tækifæri í lífinu og fann framkvæmdastjórastöðu fyrir hann hjá gas- og olíufyrirtæki á Kýpur.

Hin 44 ára gamla Maria var hvött til að skrá sig hjá Reactivate af ömmu sinni. Atvinnuverkefnið hjálpaði þessari spænsku konu að flytja til Þýskalands þar sem hún nú býr með fjölskyldu sinni og vinnur við umönnun.

Þegar José Javier, 51, skráði sig hjá Reactivate, var hann á slæmum stað í lífinu, bæði atvinnulaus og með fjölskylduvandamál. Þökk sé atvinnuverkefninu fann Spánverjinn starf í Brussel sem forritari hjá fyrirtæki sem býður stofnunum ESB upp á námskeið á netinu. José Javier segir að ást sín á Evrópu vaxi dag frá degi.

Reactivate er atvinnuverkefni sem auðveldar atvinnuveitendum að finna hæft starfsfólk og hjálpar ríkisborgurum innan ESB að finna störf, starfsþjálfun og námssamninga í öðrum ESB-ríkjum. Verkefnið veitir atvinnuleitendum yfir 35 ára aldri aðgang að lausum störfum, námskeiðum, starfsráðgjöf og fjárhagslegum stuðningi fyrir viðtöl, flutninga og tungumálanámskeið. Frekari upplýsingar um sérhæfð atvinnuverkefni EURES.

Tengdir hlekkir:

Sérhæfð atvinnuverkefni EURES

José Miguel

Sarata

Alessandro

Maria

José Javier

Nánari upplýsingar:

Evrópskir atvinnudagar

Finna Eures ráðgjafa ​

Atvinnu- og búsetuskilyrði í Eures-löndum

Vinnugagnagrunnur Eures

Þjónusta Eures fyrir vinnuveitendur

Viðburðadagatal Eures

Næstu viðburðir á Netinu

Eures á Facebook

Eures á Twitter

Eures á LinkedIn