Að takast á við og sigrast á fimm tegundum blekkingarheilkennis

Ofurhetjan

Ofurhetjur þrýsta á sig að vinna erfiðara en nokkur annar. Þær hafa tilhneigingu til að trúa því að þær verði að vera duglegasti verkmaðurinn eða ná hæstu afreksstigum. Við lifum í heimi sem leggur stöðugt áherslu á framleiðni og ofurhetjur geta gert þetta til hins ýtrasta.

Ef þú samsamar þig ofurhetjunni gætirðu átt erfitt með að úthluta verkefnum eða biðja um hjálp þegar þú þarft á henni að halda. Gerðu þér grein fyrir því að þú þarft ekki að taka á þig byrðarnar af því að gera allt sjálfur. Þetta mun hjálpa þér að forðast kulnun og draga úr streitu. Reyndu að muna að sjálfsvirðing þín ætti ekki að vera háð framleiðni þinni. Taktu þér hlé og settu andlega líðan þína í forgang þegar þú þarft.

Fullkomnunarsinninn

Fullkomnunarsinnar setja sjálfum sér ótrúlega háar kröfur sem eru oft óraunhæfar. Þegar þeir geta ekki uppfyllt þessa staðla byrja þeir að efast um gildi sitt.

Ef þú samsamar þig við fullkomnunarsinnann skaltu viðurkenna að fullkomnunarárátta þín getur verið bæði styrkur og veikleiki. Reyndu meðvitað að setja þér raunhæf markmið sem eru viðráðanleg og framkvæmanleg. Oft líta fullkomnunarsinnar aðeins á lokaniðurstöðuna sem verðskuldaða viðurkenningu. Þess í stað skaltu fagna öllum árangri og tímamótum, sama hversu lítil þau kunna að virðast þér.

Einstaklingshyggjumaðurinn

Einstaklingshyggjumaðurinn finnst oft að ef þeir geri eitthvað ekki einir, án aðstoðar, þá sé árangurinn ekki þeirra. Þeir telja að hafi þeir fengið aðstoð hljóti færni þeirra og reynsla að vera ófullnægjandi.

Ef þú samsamar þig einstaklingshyggjumanninum, mundu að það að fá hjálp er ekki merki um veikleika. Mörg verkefni krefjast samvinnu og þú getur unnið þína bestu vinnu með aðstoð og sérfræðiþekkingu annarra. Að læra af öðrum mun einnig hjálpa þér að vaxa og bæta eigin færni.

Náttúrulegi snillingurinn

Náttúrulegi snillingurinn er einhver sem hefur átt auðvelt með hlutina frá barnæsku. Þegar þeir lenda í áskorunum og erfiðleikum á fullorðinsárum finnst þeim oft eins og þeir séu svikarar, þar sem þeir hafa ekki byggt upp seiglu til að vita að þeir geta þraukað í gegnum áskoranir.

Ef þú samsamar þig við náttúrulega snillinginn, skaltu gera þér grein fyrir að það er í lagi að skara ekki framúr í öllu, sérstaklega í fyrsta skipti sem þú gerir það. Greind er ekki fastmótuð – þú getur þróað færni þína með áreynslu og æfingu. Ekki vera hræddur þótt þér finnist eitthvað erfitt í fyrsta skiptið. Það er eðlilegur hluti af lífinu, reyndu því að nota það sem tækifæri til að læra og þroskast.

Sérfræðingurinn

Sérfræðingar telja oft að þeir þurfi að verja töluverðum tíma í rannsóknir áður en þeir geta hafið verkefni. Þetta getur haft áhrif á framleiðni, verklok og sjálfstraust við að prófa nýja hluti.

Ef þú samsamar þig við sérfræðinginn skaltu gangast við þeirri færni sem þú hefur nú þegar - það er góð ástæða fyrir því að þú hefur verið beðinn um að taka að þér ákveðið verkefni. Að vera sérfræðingur þýðir ekki að þú þurfir að vita allt, heldur að þú hafir töluverðan skilning á viðfangsefninu. Ekki vera hræddur við einhverjar eyður í þekkingu þinni. Þess í stað skaltu nota þær sem tækifæri til að tengjast öðrum í teyminu þínu og vinna saman til að finna lausn.

Til að fá ráð um hvernig á að takast á við blekkingarheilkennið, skoðaðu grein okkar um "Fjórar gullnar reglur til að takast á við blekkingarheilkennið á vinnustað".

 

Tengdir hlekkir:

Fjórar gullnar reglur til að takast á við blekkingarheilkennið á vinnustað

 

Nánari upplýsingar:

Evrópskir atvinnudagar

Finna Eures ráðgjafa

Atvinnu- og búsetuskilyrði í Eures-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn