Skip to main content
Logo tal-Kummissjoni Ewropea
EURES
Artiklu tal-aħbarijiet8 Lulju 2018L-Awtorità Ewropea tax-Xogħol, Id-Direttorat Ġenerali tal-Impjiegi, l-Affarijiet Soċjali u l-Inklużjoni

Infermiera Żagħżugħa Spanjola ssegwi l-ħolma tagħha fil-Ġermanja

Nerea Gomis Sanchez, tfajla ta’ dsatax-il sena minn Spanja, tesprimi l-ferħ tagħha għall-isfida li taħdem fis-settur tal-kura f’Kassel, fil-Ġermanja ċentrali.

Young Spanish nurse pursues her dream in Germany
EURES

Kienet deċiżjoni kbira biex hi u l-familja tagħha jmorru jgħixu barra mill-pajjiż, iżda l-proġett L-ewwel impjieg tal-EURES tiegħek (YfEj) offrielha appoġġ matul it-triq kollha.

"Missieri huwa bniedem tas-sengħa, iżda ilu bla xogħol għal żmien twil", tgħid Nerea. "Ommi kienet taħdem f’lukanda sa sentejn ilu. Hija ngħatat is-sensja u ilha bla xogħol minn dak iż-żmien, għalhekk id-dħul tal-familja huwa tassew baxx ħafna."

Wara l-iskola sekondarja, Nerea tħarrġet bħala Speċjalista għall-Kura ta’ Persuni Dipendenti. Għalkemm hija kienet taf li l-opportunitajiet ta’ xogħol b’din il-kwalifika vokazzjonali ma kinux wisq tajbin, hija kienet tieħu gost tagħmel ix-xogħol u sabitu sodisfaċenti.

"Jiena applikajt fi djar tal-anzjani u f’istituzzjonijiet għal persuni b’diżabilità, iżda lanqas biss għajtuli darba għal intervista għax-xogħol," qalet. "Ħafna mill-gradwati mill-iskola tagħna jaħdmu fil-kura privata jew fid-djar. Ftit taqla’ flus hemmhekk, u ma ridtx li nkun it-tielet persuna qiegħda fil-familja. "

Hi saret taf dwar l-iskema YfEj permezz tal-iskola tagħha. L-eqreb skola tal-lingwi li kkollaborat mal-impjegatur Ġermaniż Arbeiterwohlfahrt (AWO), fornitur ta’ servizzi soċjali, kienet f’Alicante, 170km ‘il bogħod mill-belt ta’ Valencia fejn tgħix. B’parir prattiku u bi ftit appoġġ finanzjarju mill-EURES, hija rnexxielha ssib post fil-proġett.

"Il-familja tiegħi appoġġat id-deċiżjoni tiegħi, iżda ma kinetx faċli", hi tgħid. "Matul il-kors tal-lingwa f’Alicante kelli nikri kamra u kelli bżonn xi ftit tal-flus biex ngħix. Dawk ġibthom mingħand il-ġenituri tiegħi. Issa, nixtieq nieħu ħsieb tiegħi nnifsi. Dak huwa l-motiv ewlieni tiegħi. Il-proġett mal-AWO huwa eżattament l-aqwa ħaġa għalija. Irrid niżviluppa l-karriera tiegħi u dan nista’ nagħmlu hawn. U jekk tista’ taħdem u taqla’ biżżejjed flus biex tgħix, tant l-aħjar."

U Nerea qed tgawdi l-ħajja ġdida tagħha u l-isfidi li ġġib magħha, tgħid hi. "Nieħu gost naħdem fl-AWO u ninsab interessata fil-lingwa l-ġdida u l-kultura l-ġdida. L-aktar ħaġa importanti hija li jiena indipendenti u naqla’ l-flus għalija stess."

 

Links relatati:

L-ewwel impjieg EURES tiegħek

Arbeiterwohlfahrt (AWO)

 

Aqra aktar:

Jiem l-Impjiegi Ewropej

Drop’pin@EURES

Sib Konsulent tal-EURES

Kundizzjonijiet tax-xogħol u l-għajxien fil-pajjiżi tal-EURES

Il-Bażi ta’ Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avvenimenti Online li ġejjin

L-EURES fuq Facebook

L-EURES fuq Twitter

L-EURES fuq LinkedIn

Temi
Aħbarijiet esterni tal-EURESStejjer ta' suċċessŻgħażagħ
Sezzjoni(jiet) relatati
L-Għajxien u x-Xogħol
Settur
Accomodation and food service activitiesActivities of extraterritorial organisations and bodiesActivities of households as employers, undifferentiated goods- and servicesAdministrative and support service activitiesAgriculture, forestry and fishingArts, entertainment and recreationConstructionEducationElectricity, gas, steam and air conditioning supplyFinancial and insurance activitiesHuman health and social work activitiesInformation and communicationManufacturingMining and quarryingOther service activitiesProfessional, scientific and technical activitiesPublic administration and defence; compulsory social securityReal estate activitiesTransportation and storageWater supply, sewerage, waste management and remediation activitiesWholesale and retail trade; repair of motor vehicles and motorcycles

Ċaħda

L-artikoli huma maħsuba biex jipprovdu lill-utenti tal-portal tal-EURES b'informazzjoni dwar suġġetti u xejriet kurrenti u biex jistimulaw id-diskussjoni u d-dibattitu. Il-kontenut tagħhom mhux bilfors jirrifletti l-opinjoni tal-Awtorità Ewropea tax-Xogħol (ELA) jew tal-Kummissjoni Ewropea. Barra minn hekk, EURES u ELA ma japprovawx websajts ta' partijiet terzi msemmija hawn fuq.