Ung hjúkrunarkona frá Spáni lætur drauma sína rætast í Þýskalandi

Það var stór ákvörðun fyrir hana og fjöldkyldu hennar að flytjast erlendis, en verkefnið Fyrsta EURES starfið þitt (e. Your first EURES job - YfEj) studdi við hana alla leiðina.

"Faðir minn er iðnaðarmaður, en hann er búinn að vera atvinnulaus lengi," segir Nerea. "Móðir mín starfaði á hóteli þar til fyrir tveimur árum. Henni var sagt upp og hún hefur verið atvinnulaus síðan, þannig að tekjur fjölskyldunnar eru afar lágar."

Eftir menntaskóla fór Nerea að læra umönnun fyrir einstaklinga sem eru öðrum háðir. Jafnvel þótt hún hafi vitað að atvinnumöguleikarnir með þessa starfsmenntun væru ekki sérstaklega góðir, hafði hún gaman af vinnunni sem henni fannst mjög gefandi.

"Ég hef sótt um störf á elliheimilum og á sérhæfðum stofnunum fyrir fólk með fötlun, en mér var ekki einu sinni boðið í starfsviðtal," segir hún. "Flestir af þeim sem útskrifuðust úr skólanum okkar starfa við umönnun einstaklinga eða á heimilum. Tekjurnar hér eru mjög lágar og ég vildi ekki vera þriðji atvinnulausi einstaklingurinn á heimilinu."

Hún frétti af YfEj áætluninni í gegnum skólan sinn. Næsti tungumálaskóli sem starfaði með þýska atvinnurekandanum Arbeiterwohlfahrt (AWO), sem er stofnun sem veitir félagsþjónustu, var staðsettur í Alicante, 170 km frá heimaborg hennar, Valencia. Hún fékk ráðgjöf og fjárhagslegan stuðning frá EURES, og gat þannig tekið þátt í verkefninu.

"Fjölskyldan mín studdi við ákvörðun mína, en þetta var ekki auðvelt," segir hún. "Á meðan á tungumálanámskeiðinu í Alicante stóð, þurfti ég að leiga herbergi og þurfti pening til að lifa. Ég fékk það frá foreldrum mínum. En ég vildi vera fær um að sjá um mig sjálfa. Það var aðalhvatning mín. Samstarfsverkefnið með AWO er einmitt rétti hluturinn fyrir mig. Ég vil byggja upp starfsferil og það get ég gert hér. Og ef maður getur unnið og þénað nægan pening til að lifa á er það ennþá betra."

Og Nerea nýtur nýja lífsins og áskorana sem það færir henni, segir hún. “Ég starfa hjá AWO og ég hef áhuga að læra nýtt tungumál og kynnast nýrri menningu. Það sem mestu máli skiptir er að ég er sjálfstæð og vinn fyrir eigin peningum."

Tengdir hlekkir:

Fyrsta EURES-starfið

Arbeiterwohlfahrt (AWO)

Nánari upplýsingar:

Evrópskir atvinnudagar

Drop’pin@EURES

Finna EURES-ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn