Jiddependi minn dak li trid tagħmel bʼħajtek...
Hemm xi industriji li, bħala standard, jeħtieġu li l-impjegati jkollhom lawrja universitarja. Dawn għandhom tendenza li jkunu tradizzjonalment aktar akkademiċi, bħall-mediċina, il-matematika jew ix-xjenza, fejn huma meħtieġa snin taʼ studju sabiex jiżviluppaw l-għarfien meħtieġ.
Madankollu ħafna industriji – bʼmod partikolari dawk aktar vokazzjonali – jistgħu jivvalutaw l-esperjenza tax-xogħol bl-istess mod bħal lawrja peress li din tipprovdi dik l-esperjenza 'fuq il-postʼ (‘hands-on’) li xi kultant ma teżistix fʼkorsijiet universitarji. Aħseb dwar xʼtip taʼ karriera tixtieq li jkollok u jistaʼ jkun li ssib li din tiddetta liema direzzjoni jeħtieġ li tieħu.
...u jekk fil-fatt għadek ma tafx dan
Iżda nagħmlu mod għadek ma ddeċidejtx xi trid tagħmel? Mela, l-għażla bejn l-università jew impjieg ma jfissirx li ser tibqaʼ fʼdik il-karriera għal ħajtek kollha. Jekk aktar tard trid tbiddel għal industrija differenti, allura iż-żmien li għaddejt l-università jew taħdem ma kienx għalxejn Il-komunikazzjoni u l-ħiliet diġitali jistgħu jiġu ttrasferiti u huma universali. Ser iservuk tajjeb kull fejn tmur.
Barra minn hekk, forsi jkun tajjeb li tagħti ħarsa lejn ir-rwoli tal-ħiliet u tal-impjieg li jeżiġu bʼmod partikolari l-impjegaturi. Jistaʼ jkun hemm xi ħaġa li tinteressak u tistaʼ tagħti spinta lill-opportunitajiet tiegħek taʼ impjieg, immaterjali jekk tmurx dritt fuq il-post tax-xogħol jew l-università.
Hemm implikazzjonijiet finanzjarji
Il-flus huma dejjem suġġett iebes, iżda huwa importanti li jiġu kkunsidrati - bʼmod partikolari fʼpajjiżi fejn iż-żgħażagħ spiss jitilqu l-università bʼammont sinifikant taʼ dejn. Il-biċċa l-kbira tal-korsijiet ser jinvolvu spejjeż mhux ħażin, li jibqgħu miegħek lil hinn mill-università, filwaqt li l-impjiegi jgħinuk biex tfaddal il-flus.
Madankollu, l-investiment jistaʼ jgħinek fil-ġejjieni, peress li lawrja universitarja spiss tiftaħ bibien għal impjiegi li jħallsu aktar. Hemm ukoll opportunitajiet għal boroż taʼ studju disponibbli fʼħafna pajjiżi tal-UE, li jistgħu jgħinu liż-żgħażagħ matul l-università mingħajr ma jkun hemm fl-aħħar il-proċess twil tal-ħlas tad-dejn.
Tistaʼ tagħmilhom it-tnejn
Ħafna studenti universitarji jikkombinaw l-istudji tagħhom maʼ impjieg part-time, kemm għal aktar flus kif ukoll għall-kisba tal-esperjenza. Dan mhux dejjem jistaʼ jkun possibbli, bʼmod partikolari jekk is-suġġett li qed tistudja fih ħafna xogħol, iżda huwa mod tajjeb li jkollok l-aħjar miż-żewġ sitwazzjonijiet.
Min-naħa l-oħra, il-fatt li ddeċidejt li tagħżel il-post tax-xogħol ma jfissirx li l-istudju mʼgħadux għażla. It-tagħlim mill-bogħod sar ħafna aktar disponibbli grazzi għall-avvanz teknoloġiku, filwaqt li l-korsijiet part-time joffru flessibbiltà li jaqdu l-ħtiġijiet tiegħek
Ħafna aktar universitajiet qed jgħinu wkoll biex tissolva din id-dilemma billi joffru korsijiet li jinvolvu kemm l-istudju kif ukoll ix-xogħol. Il-parteċipazzjoni fʼkors bħal dan tippermettilek tibbenefika mill-aħjar taż-żewġ sitwazzjonijiet, allura għaliex ma tarax xʼqegħdin joffru l-universitajiet fʼpajjiżek jew barra pajjiżek?
Hemm it-tielet għażla
Apprendistati, traineeships u internships huma mod ieħor biex timtelaʼ dik id-differenza bejn ix-xogħol u l-istudju. Huma wkoll mod eċċellenti li tagħmel pass żgħir fl-industrija jew fil-karriera li tinteressak u tikseb esperjenza utli. Iċċekkja t-taqsima tal-opportunitajiet għaż-żgħażagħ taʼ Drop’pin@EURES biex tibda t-tiftix tiegħek għall-apprendistat, it-traineeship jew l-internship ideali.
Naturalment, hemm ħafna aktar punti xʼtikkunsidra – din mhix deċiżjoni faċli – iżda nittamaw li dan jgħinek tidentifika xi wħud mill-kunsiderazzjonijiet kbar! Tkun xi tkun id-deċiżjoni, għaliex ma żżidx dimensjoni oħra billi tagħmel hekk fʼpajjiż differenti? L-artiklu tagħna dwar nistudja, nitħarreġ u naħdem barra jinkludi xi pariri essenzjali biex jgħinuk tibda.
Aqra aktar:
Kundizzjonijiet tax-xogħol u l-għajxien fil-pajjiżi tal-EURES
Il-Bażi ta' Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Onlineli ġejjin
L-EURES fuq Facebook
L-EURES fuq Twitter
L-EURES fuq LinkedIn
L-EURES fuq Google+
Dettalji
- Data tal-pubblikazzjoni
- 19 April 2017
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Ideat u Suġġerimenti
- Aħbarijiet/rapporti/statistika
- Żgħażagħ
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles