Skip to main content
EURES (EURopean Employment Services)
fréttaskýring27 Júlí 2021European Labour Authority, Directorate-General for Employment, Social Affairs and Inclusion

Af hverju er mjúk færni og tilfinningagreind mikilvægari en áður?

Heimurinn eftir COVID-19 kann að verða fullur af óvissu og áskorunum. Þar af leiðandi þurfa fyrirtæki tilfinningagreint starfsfólk með fjölbreytta mjúka færni til að komast í gegnum þessa erfiðu tíma.

Why soft skills and emotional intelligence are more important than ever
Unsplash

Mjúk færni tengist því hvernig þú átt í samskiptum við samstarfsmenn þína, leysir úr vandamálum og stýrir vinnu þinni á meðan tilfinningagreind er getan til að skilja og vera meðvituð/aður um tilfinningar þínar og annarra. Hér lítum við nánar á slíka færni og af hverju hún sé mikilvægari en nokkru sinni fyrr.

Sjálfstæði og ábyrgð

Fjarvinna hefur aukið sjálfstæði starfsmanna og getur verið að hún eigi eftir að verða fastur þáttur á vinnumarkaði eftir COVID-19. Þó að til lengra tíma litið geti verið að aukin fjarvinna bæti framleiðni og margvíslega aðra efnahagslega og félagslega vísa (t.d. vellíðan, kyn, landfræðilegt jafnræði, húsakynni, útblástur) hafa heildaráhrifin af henni áhættu í för með sér, einkum hvað varðar nýsköpun og ánægju í starfi. Margir starfsmenn segja frá „falinni yfirvinnu“ vegna óljósra lína á milli vinnu og einkalífs. Til að takmarka slíkt þurfa launþegar að vera góðir í að stjórna sér sjálfir. Þeir ættu að geta dregið mörk, hámarkað afköst sín á vinnutíma og tekið ábyrgð þar sem svo á við en sömuleiðis geta tekið réttmæt hlé og orlof til að koma í veg fyrir að þeir brenni út.

Frumkvæði í samskiptum og samvinnu

Takmörkuð líkamleg samskipti í sameiginlegu vinnurými þýðir að tækifæri til að læra af jafningjum sínum eru mun minni. Þar af leiðandi þurfa launþegar treysta sér til að sýna frumkvæði í að leita sér nýrrar færni, þekkingar og endurgjafar.

Svo að slíkt valdi truflunum að lágmarki og stuðli að skilvirku samstarfi verða launþegar að taka tillit til þess hvernig samstarfsmenn þeirra vilja láta hafa samband við sig og þróa með sér einhvers konar „stafræna kurteisi“. Vill það til dæmis við langan og ítarlegan tölvupóst eða vill það frekar símtal? Hversu oft vilja þeir láta upplýsa sig um stöðu mála á meðan á verkefni stendur? Finnst þeim best að nota myndsímtöl, eða vilja þau frekar að haft sé samband við þá með snarskilaboðum?

Fjarvinna krefst einnig nýrrar áherslu á „stafræna líkamstjáningu“. Til að sýna skilvirkni á netfundum ættu launþegar að hafa í huga hvernig þeir koma fram, haga sér með faglegum hætti og vera geðþekkir. Þar á meðal að viðhalda augnsambandi í gegnum myndavélina, brosa og forðast óhóflegt eirðarleysi, taka hljóð af hljóðnema sínum þegar slíkt á við og sitja uppréttir og taka virkan þátt.

Tilfinningagreind og samkennd

COVID-19-kreppan hefur haft gríðarleg áhrif á þá sem hafa lifað hana. Þar af leiðandi getur verið að sumir finni fyrir aukinni streitu í tengslum við mikið vinnuálag, fjárhagslegu álagi, eigin heilbrigðisvandamálum eða ástvina sinna, sorg og skort á barnagæslu svo eitthvað sé nefnt. Þar af leiðandi eru einstaklingar, sem geta sett sig í spor annarra og viðhaldið á sama tíma jafnvægi í ábyrgð á gæðum vinnu sinnar, dýrmætari en nokkru sinni fyrr.

Aðlögunarhæfni og áhugi á símenntun

Til að laga sig að vinnumarkaðinum eftir COVID-19 hafa fyrirtæki brugðið á það ráð að endurhugsa mikilvæga þætti í aðfangakeðjum sínum. Til að bregðast við þessu verða launþegar að hafa áhuga á símenntun til að standa undir nýjum kröfum í störfum sínum og halda áfram að byggja upp færni sem svarar kröfum nýja markaðarins.

Við vonum að þessi grein hafi veitt þér gagnlegar ábendingar um af hverju mjúk færni og tilfinningagreind séu mikilvægari en áður.

Ef þú hefur áhuga á að lesa meira um vinnuheiminn eftir COVID-19 skaltu kíkja á 7 góð ráð til að draga úr kvíða fyrir því að snúa aftur á skrifstofuna.

Í samstarfi við EURES, vefgátt um flæði vinnuafls í Evrópu.

 

Tengdir hlekkir:

7 góð ráð til að draga úr kvíða fyrir því að snúa aftur á skrifstofuna

Leita að Eures ráðgjöfum

 

Nánari upplýsingar:

Evrópskir atvinnudagar

Finna EURES ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn

Viðfangsefni
Vinnumarkaðsfréttir/hreyfanleikafréttirNýliðunarstraumarUngmenni
Tengdir hlutar
Búseta & atvinna
Geirinn
Accomodation and food service activitiesActivities of extraterritorial organisations and bodiesActivities of households as employers, undifferentiated goods- and servicesAdministrative and support service activitiesAgriculture, forestry and fishingArts, entertainment and recreationConstructionEducationElectricity, gas, steam and air conditioning supplyFinancial and insurance activitiesHuman health and social work activitiesInformation and communicationManufacturingMining and quarryingOther service activitiesProfessional, scientific and technical activitiesPublic administration and defence; compulsory social securityReal estate activitiesTransportation and storageWater supply, sewerage, waste management and remediation activitiesWholesale and retail trade; repair of motor vehicles and motorcycles

Fyrirvari

Greinum er ætlað að veita notendum EURES vefgáttarinnar upplýsingar um málefni líðandi stundar og stefnur og örva umræður og umræður. Efni þeirra endurspeglar ekki endilega skoðun Vinnumálastofnunar Evrópu (ELA) eða framkvæmdastjórnar Evrópusambandsins. Ennfremur styðja EURES og ELA ekki vefsíður þriðja aðila sem nefnd eru hér að ofan.