X’jagħmel maniġer intermedju tajjeb ħafna?

Komunikazzjoni eċċellenti

Il-ħiliet ta’ komunikazzjoni huma essenzjali għall-maniġers intermedji, peress li jkollhom kuntatt regolari mal-impjegati mill-ġerarkija tal-kumpanija tiegħek, jissorveljaw l-operat ta’ kuljum u jinteraġixxu ma’ persuni minn dipartimenti differenti. Dan ifisser li jridu jkunu eċċellenti fil-komunikazzjoni kemm permezz ta’ formoli verbali kif ukoll miktuba, inkluż li jkollhom l-għarfien biex jadottaw l-istil ta’ komunikazzjoni xieraq fil-ħin xieraq sabiex jinkiseb l-aħjar riżultat.

Empatija lejn il-kollegi

Maniġers intermedji tajbin jistgħu jkunu influwenti fit-tiswir tal-kultura tal-kumpanija tiegħek, b’mod partikolari billi jgħinu biex jinħoloq ambjent tax-xogħol fejn l-impjegati tiegħek iħossuhom komdi jesprimu t-tħassib u l-opinjonijiet tagħhom, u jikkomunikaw it-tħassib jew ir-rakkomandazzjonijiet rilevanti lill-maniġment superjuri b’mod produttiv. Huma għandhom ir-rwol ta’ faċilitatur, medjatur u kowċ, u jridu jkunu kapaċi juru empatija, fehim u appoġġ lill-impjegati li jimmaniġġjaw – speċjalment lil dawk li għadhom jibdew u lil dawk li qed jiffaċċjaw ammont akbar ta’ xogħol. Il-maniġers intermedji jistgħu juru empatija billi joffru appoġġ għall-iżvilupp professjonali, u fehim meta ċirkostanzi personali mhux mistennija jistgħu jaffettwaw il-prestazzjoni tal-impjegati. Il-fatt li sempliċiment isibu ħin fil-ġurnata biex jisimgħu b’empatija jista’ jtejjeb il-moral u r-relazzjonijiet tal-impjegati, u b’dan jista’ jitrawwem ambjent tax-xogħol b’saħħtu mibni fuq il-fiduċja.

Tmexxija minn fuq quddiem

Maniġer intermedju li juri kwalitajiet ta’ tmexxija b’saħħithom jista’ jgħin biex jimmotiva lill-impjegati biex jirnexxu. Dan jinkludi l-inkoraġġiment u t-trawwim tal-iżvilupp professjonali individwali tagħhom, kif ukoll tingħata l-għajnuna  biex jikkontribwixxu għall-kisba tal-għanijiet strateġiċi ġenerali tal-kumpanija. Il-maniġers intermedji spiss ikollhom bosta responsabbiltajiet u jkollhom diversi pożizzjonijiet ta’ tmexxija, li jfisser li biex ikunu mexxejja effettivi jirrikjedu wkoll ħiliet tajbin ta’ teħid ta’ deċiżjonijiet u ta’ delega.

Approċċ innovattiv

Ix-xogħol f’dinja li dejjem tinbidel tfisser li l-maniġers intermedji jridu jżommu fokus estern u innovattiv biex jiżguraw is-suċċess futur ta’ kumpanija. Il-maniġers intermedji huma involuti f’diversi aspetti ta’ kumpanija, u jifhmu aktar it-tmexxija ta’ kuljum tal-operat. Perspettiva innovattiva hija essenzjali sabiex ikunu jistgħu jikkonċettwalizzaw, jissuġġerixxu u jagħtu bidu għal ideat ġodda li l-maniġment superjuri jista’ ma jkunx ippreveda. B’mod partikolari, il-maniġers intermedji li jippermettu lill-impjegati jieħdu riskji u jinkoraġġixxu kisbiet orjentati lejn l-għanijiet jistgħu jimmotivaw u jispiraw lill-impjegati biex jieħdu kumpanija f’livelli ġodda u lil hinn.

Ikkondividi l-artiklu tagħna dwar it-tisħiħ tal-ħiliet personali tiegħek biex tgħin lill-maniġers intermedji tiegħek jaħdmu b’mod aktar effettiv.

Links relatati:

M’għandux ikun diffiċli biex issaħħaħ il-ħiliet personali tiegħek

Aqra aktar:

Il-Jiem tal-Impjiegi Ewropej

Sib Konsulenti tal-EURES ​

Kundizzjonijiet tal-ħajja u tax-xogħol fil-pajjiżi tal-EURES

Il-Bażi tad-Data tal-Impjiegi  tal-EURES

Is-servizzi tal-EURES għall-impjegaturi

Kalendarju tal-Avvenimenti tal-EURES

Avvenimenti Online li ġejjin

EURES fuq Facebook

L-EURES fuq Twitter

L-EURES fuq LinkedIn