Meta tisma’ l-frażi ETV, tista’ taħseb fi ftit vokazzjonijiet “tradizzjonali”. Il-ħaddiema tal-kostruzzjoni, l-elektrixins, il-mekkaniks, il-plamers u dawk li jiżbgħu u jiddekoraw huma kollha eżempji ta’ impjiegi li spiss nassoċċjaw mal-ETV, u dawn il-karrieri – waqt li huma alternattivi tajbin ħafna – mhumiex adattati għal kulħadd.
Il-verità hi li l-ETV hija kunċett ħafna usa’, b’firxa wiesgħa ta’ karrieri potenzjali. F’dan l-artiklu, niddiskutu wħud mill-karrieri li int tista’ taqbad permezz tal-ETV.
Karrieri tradizzjonali tal-ETV
Il-karrieri vokazzjonali ilhom magħna minn żmien il-qedem, meta bdiewa, kokijiet, bennejja, mastrudaxxi u plamers bikrija kienu diġà qed jipperfezzjonaw u jgħaddu l-ħiliet tagħhom. Vokazzjonijiet tradizzjonali oħra bi storja twila jinkludu tal-laħam, tal-ħobż, l-infermiera, il-care workers, il-ħajjata, l-skarpani, il-ħaddieda, il-barbiera, tal-fjuriu l-forestiera.
Minkejja l-industrijalizzazzjoni u l-produzzjoni tal-massa, il-biċċa l-kbira ta’ dawn il-karrieri baqgħu għaddejjin u għadhom mifruxin mal-UE sal-lum il-ġurnata.
Karrieri tal-ETV moderni
Ir-rivoluzzjoni industrijali u l-iżviluppi teknoloġiċi bikrija rriżultaw f’ħafna vokazzjonijiet ġodda, b’mod partikolari fil-manifattura, fl-inġinerija, fil-mediċina u fit-teknoloġija tal-informatika. Dawn l-industriji kollha jistgħu jiġu aċċessati permezz tal-ETV u saru għażliet popolari għall-apprendisti, b’mod partikolari minħabba li joffru wħud mill-aktar rwoli mħallsa tajjeb.
Filwaqt li ħafna karrieri tal-ETV b’mod tradizzjonali kienu bbażati f’sessjonijiet ta’ ħidma, f’fabbrika jew fil-laboratorju, illum hemm disponibbli diversi programmi bbażati fl-uffiċċju. Jekk int interessat issir kontabilist, avukat,aġent tal-proprjetà immobbli, ħaddiem tal-bejgħ, disinjatur tal-grafika jew żviluppatur tas-softwer – biex insemmu ftit eżempji – wisq probabbli hemm programm tal-ETV għalik.
Ħafna opportunitajiet huma diġà disponibbli fis-setturi tal-bejgħ bl-imnut u tal-ospitalità, fejn l-ETV tista’ twassal għal karriera bħala maniġer ta’ maħżen, maniġer ta’ lukanda, chef, aġent tal-ivvjaġġar jew pjanifikatur tal-avvenimenti.
Il-karrieri ETV tal-futur
Fil-fatt, id-dinja tax-xogħol qed tinbidel, u hekk ukoll qed tagħmel in-natura tal-ETV. Fl-era diġitali u globali, qed jinħolqu ħafna impjiegi – speċjalment fl-industriji tat-teknoloġija avvanzata – li ma kinux jeżistu ħamsin sena ilu.
Ir-riċerka tissuġġerixxi li bħala żagħżugħ/a fis-seklu 21, jenħtieġ li saħansitra tikkunsidra tħejji ruħek għal impjiegi li għadhom ma jeżistux.
Huwa maħsub li jekk it-teknoloġija tiżviluppa kif mistenni, daqt ikollna mekkaniks tal-karozzi apprendisti li jsuqu waħdihom, aġenti tal-ivvjaġġar tal-ispazju u anke konsulenti robotiċi. Tara lilek innifsek f’xi wieħed minn dawn l-irwoli? Jekk iva, kors tal-ETV jista’ jkun l-ewwel pass tiegħek!
Mela, liema karriera hija tajba għalija?
B’firxa wiesgħa ta’ possibbiltajiet eċċitanti f’oqsma differenti, aktarx li hemm karriera tal-ETV għalik, u jekk diġà immirajt għal karriera partikolari, l-ETV tista’ tkun l-għażla ovvja għalik.
Madanakollu, ta’ min jiftakar li l-ETV ma tillimitakx għal impjieg speċifiku. Hemm tendenza li korsijiet moderni jiffukaw fuq ħiliet trasferibbli li jistgħu jiġu applikati għal rwoli differenti, u għalhekk tkun tista’ żżomm bosta alternattivi miftuħa.
Jekk qed tfittex aktar informazzjoni dwar opportunitajiet ta’ apprendistat, Cedefop – iċ-Ċentru Ewropew għall-Iżvilupp ta’ Taħriġ Vokazzjonali – għandu bażi tad-data utli fejn int tista’ ssib informazzjoni dwar skemi fil-pajjiż tiegħek u madwar l-Ewropa.
Il-Kummissjoni Ewropea organizzat it-tielet Ġimgħa annwali għall-Ħiliet Vokazzjonali Ewropej 2018 bejn il-5 u d-9 ta’ Novembru fi Vjenna, u se jiġu organizzati avvenimenti u attivitajiet usa’ sal-aħħar ta’ Diċembru fil-kuntest tal-Ġimgħa għall-Ħiliet. Sir af aktar hawnhekk.
Links relatati:
Inħejju għall-impjiegi tal-futur
Cedefop – il-bażi tad-data Ewropea dwar skemi ta’ apprendistat
Il-Ġimgħa Ewropea għall-Ħiliet Vokazzjonali 2018
Aqra aktar:
Kundizzjonijiet tax-xogħol u l-għajxien fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Onlineli ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 30 Novembru 2018
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Ideat u Suġġerimenti
- Żgħażagħ
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles