L-aqwa 8 impjiegi vokazzjonali li ma jeħtiġux grad ta’ baċellerat

1. Plumber

Xogħlijiet tal-idejn bħall-plumbing jistgħu jkunu profittabbli ħafna b’domanda li ma tispiċċa qatt mill-konsumaturi. Il-plumbers jinstallaw u jagħmlu manutenzjoni ta’ firxa ta’ tagħmir essenzjali għall-ħajja ta’ kuljum, u dan jagħmlu tip ta’ impjieg sigur. Jaf jinvolvi sigħat imprevedibbli u xogħol fi tmiem il-ġimgħa, iżda joffri flessibbiltà f’termini ta’ post u vvjaġġar matul il-ġurnata tax-xogħol.

2. Iġjenista dentali

Kull dentist jeħtieġ iġjenista X’aktarx li aktar rajt iġjenista milli rajt dentist meta tmur tiċċekkja snienek. L-iġjenisti huma mħarrġa fil-kura orali preventiva - inaddfu s-snien, jieħdu x-rays, jiċċekkjaw għal mard u jedukaw lill-pazjenti dwar saħħa orali tajba. B'sigħat tax-xogħol tajbin u domanda stabbli għall-kura tas-saħħa, li tqatta’ l-ħin tiegħek fil-klinika tista’ tkun għażla tajba.

3. Speċjalist tas-Sostenn għall-IT

Peress li l-IT sar essenzjali għall-biċċa l-kbira tan-negozji fid-dinja kollha, il-bżonn ta’ speċjalisti tal-IT żdied. Minkejja l-użu tat-teknoloġija kuljum għall-impjiegi tagħna, bosta persuni ma jafux x’għandhom jagħmlu meta xi ħaġa tmur ħażin bit-tagħmir tagħhom. L-ispeċjalisti tekniċi jgħinu b’kollox minn kwistjonijiet ta’ hardware għal sostenn għan-network. Jekk inti paċenzjuż(a), taf tmur man-nies u tħossok komdu/a tinnaviga t-teknoloġija, din tista’ tkun għażla ta’ karriera tajba.

4. Elettriċista

L-elettriċisti huma persuni li jagħmlu xogħol tal-idejn imfittxija ħafna. Dan l-impjieg jinvolvi l-installazzjoni ta’ wajers, l-ispezzjoni u l-manutenzjoni ta’ sistemi elettriċi fi djar residenzjali u f’uffiċċji u ta’ spiss jista’ joffri taħriġ imħallas fuq il-post tax-xogħol. L-elettriċisti jsegwu standards u regolamenti stretti biex jiżguraw li sistemi bħad-dawl u l-komunikazzjoni jkunu sikuri. L-apprendistati jistgħu jdumu sa ħames snin, iżda jipprovdu l-ħiliet li teħtieġ għal karriera twila.

5. Disinjatur tal-grafika

Għandek karatteristika kreattiva? Id-disinjaturi tal-grafika huma artisti li ta’ spiss jaħdmu biex joħolqu fuljetti, rivisti, imballaġġ u materjali oħra tal-kummerċjalizzazzjoni. Normalment jaħdmu bi programmi bħal Adobe Photoshop u Adobe InDesign għaldaqstant se jkollok bżonn tkun taf tuża wkoll software tal-kompjuter.

6. Uffiċjal tal-pulizija

Tixtieq tagħmel xi ħaġa sinifikanti? L-uffiċjali tal-pulizija jagħtu lura lill-komunità billi jinvestigaw reati kriminali, jirreaġixxu għall-emerġenzi u jaċċertaw ruħhom li l-persuni jaderixxu mal-liġijiet. Skont il-pajjiż li jaħdmu fih, iqattgħu ħafna ħin fuq saqajhom, fil-karozzi u saħansitra fuq iż-żwiemel hekk kif jgħassu t-toroq. Jekk ma togħġbokx l-idea li toqgħod bilqiegħda wara skrivanija l-ġurnata kollha, dan ir-rwol jista’ jipprovdilek il-varjetà li qed tfittex.

7. Inġinier ċivili tat-teknoloġija

Id-ditti tal-inġinerija u l-aġenziji tal-gvern jeħtieġu inġiniera ċivili tat-teknoloġija biex jgħinu fid-disinn ta’ proġetti kummerċjali u residenzjali. Dan ir-rwol jinvolvi l-istima tal-ispejjeż, il-ħarsa lejn il-blueprints, l-evalwazzjoni tal-kundizzjonijiet ta’ diversi siti u l-iżgurar li kull proġett jissodisfa l-ispeċifikazzjonijiet u l-kodiċijiet tad-disinn meħtieġa.

8. Evalwatur tal-proprjetà immobbli

Dan l-impjieg jinvolvi l-evalwazzjoni tal-proprjetajiet biex jiġi stmat il-valur tagħhom. L-evalwaturi tal-proprjetà immobbli jeħtieġ li jżommu perspettiva imparzjali huma u jikkalkulaw il-valur tal-binjiet u l-art li jkunu mibnija fuqha. Il-professjoni teħtieġ attenzjoni għad-dettal peress li l-istimi jipprovdu informazzjoni importanti lill-maniġers tal-proprjetà u lill-investituri.

Għaldaqstant, jekk m’intix konvint(a) li l-università hija l-aħjar għażla għalik, ikkunsidra li tistaqsi dwar wieħed minn dawn ir-rwoli. Żomm f’moħħok li dawn l-impjiegi, is-salarji u r-rekwiżiti edukattivi jvarjaw minn pajjiż għall-ieħor. Għal aktar pariri dwar bidu ta’ karriera ġdida, ara ‘L-4 pariri l-aktar utli għal dawk li qed ifittxu impjieg dwar il-bini ta’ preżenza online nadifa u professjonali tagħna.

Żur ESCO, il-klassifikazzjoni Ewropea ta’ ħiliet, kompetenzi u impjiegi tradotta fis-27 ligwa uffiċjali kollha tal-UE. Tiddeskrivi, tidentifika u tikklassifika 2 942 impjieg professjonali u 13 485 ħiliet rilevanti għas-suq tax-xogħol tal-UE u għall-edukazzjoni u t-taħriġ.

Links relatati:

Adobe Photoshop

Adobe InDesign

L-4 pariri l-aktar utli għal dawk li qed ifittxu impjieg dwar il-bini ta’ preżenza online nadifa u professjonali

Aqra aktar:

Il-Jiem Ewropej tal-Impjiegi

Sib Konsulenti tal-EURES

Kundizzjonijiet tal-ħajja u x-xogħol fil-pajjiżi tal-EURES

Il-Bażi tad-Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avvenimenti Online li ġejjin

L-EURES fuq Facebook

L-EURES fuq Twitter

L-EURES fuq LinkedIn