Id-dinja tat-tiftix għal impjieg mhijiex differenti. Hekk kif xi lockdowns jibdew jonqsu u nistennew bil-ħerqa l-perjodu ta’ wara l-COVID-19, hawnhekk hawn sitt suġġerimenti qosra biex jgħinuk tadatta t-tiftix għal impjieg tiegħek għad-dinja tax-xogħol li qed tinbidel.
Żomm moħħok miftuħ dwar it-tip ta’ rwoli li inti interessat fihom
Filwaqt li l-kriżi tal-COVID-19 waqfet kompletament ħafna kumpaniji milli jimpjegaw, oħrajn (eż. servizzi bl-imnut online, servizzi ta’ kurrier/tqassim tal-posta, supermarkets u spiżeriji) jeħtieġu appoġġ addizzjonali biex jissodisfaw id-domanda akbar bħala riżultat dirett tagħha. Il-fatt li żżomm moħħok miftuħ dwar it-tip ta’ rwol li inti interessat fih se jkun ifisser li għandek probabbiltà ferm akbar li ssib xi ħaġa li tkun adattata għalik.
Żviluppa l-preżenza tiegħek online
Peress li f'bosta pajjiżi r-regoli ta’ tbegħid soċjali għadhom fis-seħħ, bħalissa ftit li xejn qed jitwettqu intervisti wiċċ imb wiċċ u opportunitajiet ta’ netwerking, u barra minn hekk, jaf inkomplu naraw aktar xogħol jitwettaq mill-bogħod wara l-COVID-19. B’riżultat ta’ dan, il-preżenza qawwija u professjonali online hija kruċjali. L-aġġornament tal-profili professjonali tiegħek fuq LinkedIn u midja soċjali oħra b’esperjenza ta’ xogħol, ħiliet u kwalifiki rilevanti se jiżgura li dawk li jirreklutaw ikollhom l-aħjar ċans biex jidentifikawk għal rwol. Abbażi ta’ dan, għandek tiżgura li kwalunkwe kont personali tiegħek ikun protett minn settings ta’ privatezza xierqa.
Uża firxa ta’ siti web u listi
Tibqax tiddependi fuq l-istess siti web u listi fit-tiftix tiegħek għal impjieg, b’mod partikolari jekk dan ma jkunx ta’ suċċess. L-użu ta’ kanali multipli u firxa wiesgħa ta’ siti se jgħin biex ikun żgurat li qed tapplika għal kull rwol li jista’ jkun rilevanti għalik. Il-biċċa l-kbira tas-siti tat-tiftix għal impjieg jippermettulek tfittex impjiegi skont il-post, is-salarju, il-kliem ewlieni u s-sigħat tax-xogħol.
Ipprattika l-intervisti b’vidjo
Peress li l-kuntatt personali qed jonqos u qed isiru disponibbli għadd dejjem akbar ta’ pożizzjonijiet mill-bogħod, hemm ċans tajjeb li t-tiftix tiegħek għal impjieg se jkun jinvolvi intervista b’vidjo. Il-prattika ta’ dan minn qabel ma’ membru tal-familja jew ma' ħabib se jgħinek tevita inċidenti imbarazzanti li forsi ma tkunx antiċipajt. Il-mikrofonu u l-headphones tiegħek qegħdin jaħdmu u l-laptop tiegħek huwa ċċarġjat kompletament, pereżempju? Il-konnessjoni tal-internet tiegħek hija stabbli u sikura? Hemm dewmien sinifikanti fid-diskors? Ftakar li għandek tilbes b’mod professjonali, titkellem direttament mal-kamera, u tagħżel ambjent kwiet, imdawwal sew biex tagħti l-aħjar impressjoni possibbli.
Agħmel resume bil-vidjo
Li ttella’ resume bil-vidjo fuq il-kanali tal-midja soċjali tiegħek (b’mod partikolari LinkedIn) huwa mod tajjeb ħafna ta’ kif tispikka mill-bqija tan-nies u tagħti lill-impjegaturi togħma tal-personalità tiegħek, kif ukoll tas-sett tal-ħiliet tiegħek. Ikkunsidra t-tipi ta’ mistoqsijiet li x’aktarx tiġi mistoqsi waqt intervista u agħmel vidjo qasir li fih twieġeb xi wħud minnhom. L-istess regoli japplikaw hawnhekk bħal fil-każ tal-intervisti bil-vidjo: ilbes b’mod professjonali, tkellem direttament mal-kamera, u agħżel ambjent kwiet u mdawwal sew.
Agħti spinta lill-ħiliet tiegħek
Hemm ħafna korsijiet online, ċertifikazzjonijiet u kwalifiki disponibbli, u l-awtoiżolament jista’ jipprovdilek l-opportunità perfetta biex tagħmel wieħed minnhom. Forsi nnutajt rekwiżit ta’ ħila partikolari f’ħafna reklami ta’ impjiegi li tħoss li jkun ta’ benefiċċju li jkollok? Jekk tqis it-tiftix tiegħek bħala rwol full-time u taħdem biex tiżviluppa b’mod attiv is-sett ta’ ħiliet professjonali tiegħek x’aktarx il-proċess se jkun aktar mgħaġġel, u tkun qed turi wkoll l-impenn u l-motivazzjoni tiegħek lill-impjegaturi.
Nisperaw li dawn is-suġġerimenti jgħinuk tirbaħ is-suq tax-xogħol ta' wara l-COVID-19!
Fi sħubija mal-EURES, il-Portal Ewropew dwar il-Mobilità fix-Xogħol.
Links relatati:
Kif għandek tispikka f’intervista online għal impjieg
L-aqwa 6 pjattaformi bla ħlas għal korsijiet online
Aqra aktar:
Kondizzjonijiet tal-ħajja u tax-xogħol fil-pajjiżi tal-EURES
Il-Bażi ta’ Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 16 Ġunju 2020
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Negozju/Intraprenditorija
- Ideat u Suġġerimenti
- Żgħażagħ
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles