Félagsleg fyrirtæki: Frumkvöðlastarfsemi með félagsleg áhrif

Eins og Framkvæmdastjórn Evrópusambandsins bendir á skapa frumkvöðlastarfsemi og sjálfstæð atvinnustarfsemi störf, byggja upp kunnáttu og gefa atvinnulausu og berskjölduðu fólki tækifæri til að taka fullan þátt í samfélaginu og hagkerfinu.

Sjálfstætt starfandi fólk eru um 14% af heildar vinnumarkaðinum og leikur stórt hlutverk í hagkerfi ESB. Nýjustu tölur Eurostat sýna að 30,6 milljónir manns á aldrinum 15-64 í ESB voru sjálfstætt starfandi árið 2016. Þegar tillit er tekið til þess að SME eru um 99% fyrirtækja í ESB og eru með um tvo þriðju hluta starfsafla Evrópu í vinnu er augljóst af hverju Framkvæmdastjórnin styður þessi fyrirtæki.

Til að stuðla að frumkvöðlastarfsemi og sjálfstæðri atvinnustarfsemi mun Framkvæmdastjórnin:

• Leggja áherslu á sprotafyrirtæki atvinnulausra og fólks úr berskjölduðum hópum;

• Styðja við félagslega frumkvöðla;
• Hjálpa frumkvöðlum að fá aðgang að fjármagni með því að styðja við smálánaveitur í gegnum Atvinnumál og félagsleg nýsköpun(EaSI) áætlunina;
• Styðja örfjármögnun í gegnum Evrópskan félagslegan framtakssjóð

Félagsleg fyrirtæki: Viðskipti með mannlegum tengslum

Á undanförnum árum hefur áhugi á félagslegum fyrirtækjum vaxið um alla Evrópu. Til dæmis eru um 43.000 félagsleg fyrirtæki á Spáni sem bera ábyrgð á meira en 2,2 milljónum beinna og óbeinna starfa, samkvæmt rannsókn sem pöntuð var af Nefnd Evrópuþingsins um innri markaðinn neytendavernd. Sama skýrsla sýnir að velta félagslega hagkerfisins er 10% af vergri landsframleiðslu.

Vöxtur félagslegra fyrirtækja hefur verið knúinn áfram af aukinni viðurkenningu á hlutverkinu sem þau geta gegnt í að takast á við félagslegar og umhverfis áskoranir og örvað vöxt fyrir alla. Með því að einbeita sér að fólki, hlúa þau að tilfinningu fyrir félagslegri samheldni og ýta undir almannaheill.

Grunneinkenni félagslegra fyrirtækja

Félagsleg fyrirtæki:

• Þjóna hagsmunum samfélagsins (félagslegum, samfélagslegum, umhverfismarkmiðum) frekar en hámörkun hagnaðar;
• Eru nýjungagjörn í eðli sínu, í gegnum vörurnar og þjónusturnar sem þau bjóða, og í gegnum stjórnunar eða framleiðsluaðferðirnar sem þau nota;
• Hafa berskjölduðustu einstaklinga samfélagsins í vinnu (fólk sem er félagslega undanskilið), og stuðla þannig að félagslegri samheldni, atvinnu og minnkun ójafnaðar.

Samkvæmt framkvæmdastjórninni þurfa félagsleg fyrirtæki einnig að uppfylla eftirfarandi skilyrði;

• Stunda atvinnustarfssemi;
• Vinna fyrst og fremst að skýru félagslegu markmiði;
• Hafa takmörk á dreifingu hagnaðar og/eða eigna;
• Eru sjálfstæð;
• Eru með stjórnun fyrir alla.

Í sumum aðildarríkjum eru þessi fyrirtæki enn á bernskustigi en þau eru þegar farin að hafa félagsleg áhrif.

Góðar starfsvenjur: Klimax Plus í Grikklandi

Klimax Plus þróar sjálfbæra starfsemi í félagslega og græna hagkerfinu í gegnum sérsniðna starfsaðlögun fólks með geðsjúkdóma og félagslega útilokað fólks (t.d. heimilislausra, Roma-fólks, fyrrverandi fanga, flóttamanna og innflytjenda). Þetta gríska félagslega samvinnufélag sem var stofnsett 2005 hefur tekjur af pappírssöfnun og endurvinnsluþjónustu fyrir fyrirtæki í einkageiranum (t.d. heilbrigðisþjónustufyrirtækjum, sjúkrahúsum, bankastofnunum) og opinberum stofnunum. Það rekur líka veitingaþjónustu og veitingastað. Á menningarmiðstöð fyrirtækisins, Porfyra, getur fólk af mismunandi menningar- og félagslegum bakgrunni hist og deilt reynslu sinni og hugmyndum, og lært um geðsjúkdóma og félagslega útilokun. Miðstöðin er einnig opin þriðju aðilum fyrir menningarlega, þjálfunar og fyrirtækisviðburði.

Klimax Plus er einnig með útvarpsstöð á netinu, sem býr til þætti sem sameina skemmtun og upplýsingar um bágstatt fólk. Starfsfólk getur líka tekið þátt í framleiðslu veggklukkna. Fram að þessu hafa meira en 150 manns unnið hjá félagslega fyrirtækinu.

Tengdir hlekkir:

Frumkvöðlastarfsemi og sjálfstæð atvinnustarfsemi

Framkvæmdastjórn Evrópusambandsins

Eurostat

Atvinnumál og félagsleg nýsköpun

Félagsmálasjóður Evrópu

Rannsókn pöntuð af Nefnd Evrópuþingsins um innri markaðinn og neytendavernd

Félagsleg áhrif

Klimax Plus

Félagslegt samvinnufélag

Nánari upplýsingar:

Evrópskir atvinnudagar

Drop’pin@EURES

Finna EURESráðgjafa

Atvinnu- og búsetuskilyrði í EURES-löndum

Vinnugagnagrunnur Eures

Þjónusta Eures fyrir vinnuveitendur

Viðburðadagatal Eures

Næstu viðburðir á Netinu

Eures á Facebook

Eures á Twitter

Eures á LinkedIn