Árstíðabundinn starfsmaður: Leiðarvísir um réttindi þín

Réttur þinn til jafnrar meðferðar

Vernd árstíðabundinna starfsmanna er forgangsmál hjá Evrópusambandinu. Þegar þú vinnur í öðru aðildarríki ESB átt þú, sem ríkisborgari ESB, rétt á jafnri meðferð án mismununar. Þú mátt gera ráð fyrir því að hljóta sömu aðstoð og vinnuaðstæður og starfsmenn frá viðkomandi stað þegar þú vinnur í öðru aðildarríki og ættir að búa þig undir að spyrja spurninga ef svo er ekki raunin.

Þegar þú ert við vinnu í öðru aðildarríki verður að meðhöndla þig eins og ríkisborgara viðkomandi lands þegar kemur að launum, vinnutíma, uppsögn og heilbrigðis- og öryggismálum. Ef vinnuveitandi þinn býður þér ekki upp á samning skaltu krefjast hans til að gera stöðu þína eins örugga og hægt er. Hann mun standa vörð um réttindi þín þar sem vinnuveitandinn þarf að uppfylla ákvæði samningsins.

Almannatryggingar

Þegar unnið er erlendis hefur þú aðeins aðgang að einu almannatryggingakerfi í einu. Þegar þú ert skráð/ur hefur þú aðgang að heilbrigðisþjónustu, fjölskyldubótum og atvinnuleysisbótum með sama hætti og ríkisborgarar landsins.

Hvert og eitt aðildarríki hefur sín eigin lög um almannatryggingar. En reglur eru til staðar til að tryggja að fólk sem flytur til annars aðildarríkis tapi ekki almannatryggingarréttindum sínum. Þú þarft að greiða fyrir almannatryggingar í landinu þar sem þú vinnur óháð því hvar þú býrð þó að þetta eigi ekki við um þig ef vinnuveitandi þinn hefur beðið þig um að vinna erlendis í minna en tvö ár.

Að missa vinnuna nauðug/ur

Viðmiðunarreglur framkvæmdastjórnar Evrópusambandsins kveða á um að ef þér er sagt upp störfum sem árstíðabundinn starfsmaður erlendis verður þú samt að hljóta sömu meðhöndlun og íbúar á staðnum. Það þýðir að þú viðheldur launþegastöðu þinni í aðildarríkinu í sex mánuði svo lengi sem þú skráir þig hjá vinnumálastofnun landsins.

Að fá aukalega hjálp og upplýsingar

EURES vefgáttin býður upp á upplýsingar og leiðbeiningar um vinnu erlendis auk þess sem EURES-ráðgjafar eru boðnir og búnir til aðstoðar.

Einnig má finna gagnlegar upplýsingar um hvað ætti að hafa í huga þegar leitað er að árstíðabundinni og vinnu og hvað má búast við að finna á vefsíðu Evrópsku vinnumálastofnunarinnar (ELA). Hér má smella á tiltekið aðildarland og fylgja hlekknum á ýmiss konar gagnlegt efni. Tilskipun ESB um gagnsæjar og fyrirsjáanlegar vinnuaðstæður í Evrópusambandinu kveður einnig á um réttindi þín sem launþega í Evrópu.

Til að fylgjast með réttindum árstíðabundinna launþega skal fylgja herferð ELA fyrir árstíðabundna launþega á Facebook og á Twitter með myllumerkinu #Rights4AllSeasons

Í samstarfi við EURES, vefgátt um flæði vinnuafls í Evrópu.

 

Tengdir hlekkir:

Evrópskir atvinnudagar

Leiðbeiningar framkvæmdastjórnar Evrópusambandsins

Eures-gáttin

Upplýsingar fyrir árstíðabundna launþega og vinnuveitendur

Tilskipun ESB um gagnsæjar og fyrirsjáanlegar vinnuaðstæður í Evrópusambandinu

Herferð Vinnumálastofnunar Evrópu á Facebook

 

Nánari upplýsingar:

Evrópskir atvinnudagar

Finna EURES ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn