Herferðin „árstíðabundin vinna með EURES“ fer af stað

‘Seasonal work with EURES’ campaign launches — EURES

Af hverju árstíðabundin vinna?

Árstíðabundin vinna er mjög mikilvæg fyrir efnahag Evrópusambandsins, einkum í geirum eins og landbúnaði, ferðamennsku, gisti- og veitingahúsaiðnaðinum og byggingariðnaði. Á hverju ári flytja allt að 850.000 borgarar ESB til annars aðildarlands fyrir árstíðabundin störf en margir atvinnuleitendur og vinnuveitendur eru óvissir um réttindi sín og skyldur.

Þar kemur herferðin okkar til sögunnar – við viljum hjálpa þér að finna nauðsynlegar upplýsingar og skilja hvernig EURES getur hjálpað þér við að finna eða ráða í árstíðabundin störf, einkum í ljósi erfiðleikanna vegna COVID-19.

Herferðin er hluti af stærri herferð „Réttindi á öllum ártímum“ á vegum Evrópsku vinnumálastofnunarinnar (ELA). Horfðu á kynningarmyndbandið hér.

Atvinnuleitendur: Hvað skal hafa í huga?

Ef þú ert atvinnuleitandi eru margar góðar ástæður fyrir því að íhuga árstíðabundna vinnu. Það eru alltaf árstíðabundin atvinnutækifæri í boði í Evrópu og veita slík störf góð tækifæri til að læra nýja færni, vinna sér inn pening og verja tíma erlendis án þess að skuldbinda sig til langframa.

Það sem þú veist kannski ekki er að sem árstíðabundinn starfsmaður, býrðu einnig yfir víðfeðmum réttindum þegar kemur að launum, vinnutíma, heilsuvernd og öryggi. Í herferðinni munum við deila margvíslegum öðrum gagnlegum upplýsingum til að hjálpa þér við að skilja réttindi þín og hvernig eigi að átta sig á falsauglýsingum, upplýsingafölsunum og svikum.

Mundu að þú getur líka haft samband við EURES-ráðgjafa nærri þér til að fá leiðbeiningar og aðstoð til að finna réttu tækifærin. Það getur verið að þú hafir enn tíma til að finna árstíðabundin tækifæri fyrir sumarið svo við hvetjum þig til að hefja leitina í dag.

Vinnuveitendur: Hvað skal hafa í huga?

Sem vinnuveitandi geta erlendar ráðningar hjálpað þér að finna fólk í störf á álagstímum. Það er sérstaklega mikilvægt ef starfsmannafjöldi þinn er mismunandi eftir árstímum eða ef skortur er á viðeigandi umsækjendum í heimalandi þínu.

Í herferðinni mun EURES miðla upplýsingum til að hjálpa þér við að skilja réttindi þín og skyldur sem árstíðabundin vinnuveitandi. Það tryggir að þú nýtir þér alla kosti árstíðabundinna ráðninga og skiljir á sama tíma þær skyldur sem þú hefur gagnvart starfsfólkinu, sem þú ræður, einkum í samhengi við COVID-19.

Ef þú hefur áhuga á því að ráða árstíðabundna starfsmenn getur þú haft sambandi við EURES-ráðgjafa til að fá svör við spurningum og fá hjálp við stjórnsýsluleg atriði.

Fylgstu með herferðinni til að fá frekari upplýsingar

Í allt sumar munum við birta upplýsingar um árstíðabundna vinnu á miðlægum síðum EURES á Facebook, Twitter, LinkedIn og Instagram undir myllumerkjunum #EURESeasonalWorks og #Rights4AllSeasons. Gakktu úr skugga um að fylgjast með síðunum okkar og bregðast við póstunum okkar og deila þeim með öðrum sem kunna að hafa áhuga á þeim eða gagn.

Flestir í EURES-samstarfsnetinu eru líka virkir á eigin samfélagsmiðlum. Við hvetjum þig til að fylgjast með síðum innlendra eða svæðisbundna EURES-skrifstofa til að fá sérhæfðar upplýsingar um árstíðabundna vinnu þar sem þú býrð.

Við munum einnig standa fyrir aðgerðaviku fyrir herferðina 20.-24. september. Margvíslegir viðburðir verða haldnir í Evrópu á þeim tíma svo þú skalt fylgjast með frekari fréttum!

Tengdir hlekkir:

ELA:herferðin „réttindi fyrir alla árstíma“

EURES á Facebook: Herferðarmyndbandið
8 ástæður fyrir því að þú ættir að íhuga árstíðabundin störf

Fjögur atriði sem þú ættir að vita um árstíðabundna vinnu fyrir árið 2021

Leita að EURES ráðgjöfum

Nánari upplýsingar:

Evrópskir atvinnudagar

Finna EURES ráðgjafa