Anna Chaszczowska hija studenta medika ta’ 25 sena li waslet biex tibda l-aħħar sena ta’ studji tagħha fil-Pomeranian Medical University ġewwa Szczecin, il-Polonja. Il-vjaġġ tal-EUREStagħha beda meta bdiet tfittex opportunitajiet ta’ xogħol barra minn pajjiżha għas-sena sabbatika tagħha.
“L-interess ewlieni tiegħi huwa definittivament l-ivvjaġġar,” spjegat Anna. “Matul iż-żmien tiegħi fl-Università kont qed nipprova nikkombina l-istudju mal-passjoni tiegħi billi nagħmel internships f’pajjiżi differenti. L-għan ewlieni tiegħi kien li nikseb l-esperjenza u ntejjeb il-ħiliet lingwistiċi tiegħi.
Ħabiba tagħha poġġietha f’kuntatt ma’ Anna Uberman, membru tal-Persunal tal-EURES fil-EURES tal-Polonja. “Iltqajt ma’ Anna Chaszczowska fl-uffiċċju tiegħi, f’Jannar 2019,” spjegat Anna Uberman. “Kienet bil-liv mill-università u riedet tuża l-ħin biex titgħallem il-Ġermaniż, tivvjaġġa u taqla’ xi ħaġa tal-flus.”
Anna Uberman bdiet billi esplorat l-opportunitajiet ġewwa l-Polonja stess, qabel ma bdiet tfittex lil hinn minn pajjiżha. Kien meta kkollaborat ma’ Gerhard Bogensberger mill-EURES tal-Awstrija li sabet dak li kienet qed tfittex. “Bdejna nikkooperaw mal-EURES tal-Awstrija s-sena li għaddiet,” stqarret Anna. “Aħna norganizzaw internships għall-istudenti għall-iskejjel. Gerhard kellu offerta għal internship ta’ xahar fi sptar fl-Awstrija u bgħattlu s-CV ta’ Anna Chaszczowska.”
“Bis-saħħa tat-tjubija estrema u l-professjonaliżmu ta’ Anna Uberman, irnexxieli nipprepara s-CV perfetta u ħassejtni preparata għall-proċess kollu ta’ reklutaġġ,” żieded Anna Chaszczowska.
Gerhard kien impressjonat bil-kredenzjali ta’ Anna u kkuntattja l-istudenta medika immedjatament. “Imbagħad bgħatt id-dettalji tagħha lid-direttur mediku tal-isptar tal-istat f’Tamsweg,” qal hu. “Id-direttur ikkuntattja lil Anna direttament u, wara intervista żgħira, offrielha l-internship.”
Anna aċċettat l-offerta u malajr bdiet sejra tajjeb ħafna fl-ambjent il-ġdid tagħha. “Grazzi għall-għajnuna tal-persunal tal-isptar, irnexxieli nsib appartament f’post perfett, xi ftit minuti 'l bogħod mill-isptar. Barra minn hekk, kull intern kien ipprovdut bi tliet ikliet kuljum , u dan apprezzajtu ħafna. Kienet opportunità tajba biex insir naf il-kċina lokali!”
“Kuljum kelli l-opportunità li nkun preżenti għal operazzjonijiet differenti li stajt ngħin fihom,” qalet hi fir-rigward tax-xogħol. “Għent lit-tobba fis-sala tal-operazzjonijiet u fl-ambulanza.”
“L-internship fil-bidu kien għal xahar, iżda malajr sar xahrejn hekk kif Anna eċċellat. “Il-feedback mill-impjegatur kien pożittiv ħafna,” stqarr Gerhard. “Kienu ssodisfati ħafna bix-xogħol ta’ Anna.”
U x’inhuma l-ħsibijiet ta’ Anna dwar iż-żmien tagħha fl-Awstrija? “Issa, ftit xhur wara l-internship tiegħi, ninsab kuntenta ħafna li stajt nieħu sehem fi proġett tajjeb bħal dan,” qalet Anna b’entużjażmu. “Definittivament tejjibt il-ħiliet tiegħi fil-Ġermaniż u ltqajt ma’ xi persuni fantastiċi. Ninsab konvinta li bis-saħħa ta’ dan, wessajt l-orizzonti tiegħi u tgħallimt ħiliet li kieku ma kontx nitgħallem fil-Polonja.”
“In-netwerk tal-EURES jaħdem ta’ veru,” ikkonkludiet bi tbissima Anna Uberman.
Aqra aktar:
Sib il-Persunal tal-EURES..
Kundizzjonijiet tax-xogħol u l-għajxien fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Onlineli ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 7 Ottubru 2019
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- L-aħjar prattika tal-EURES
- Stejjer ta' suċċess
- Żgħażagħ
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles