31 árs gamall Ítali frá dreifbýli á Abruzzo svæðinu, Paolo Camaioni er maður sem veit hvað hann vill. Eftir að hafa átt í erfiðleikum við að finna vinnu í heimalandi sínu, og í vísindagrein sinni, líftækni og rannsóknum, fór hann að kíkja í kringum sig eftir öðrum valkostum. Það var þá sem fyrri reynsla hans leiddi til þess að nýtt tækifæri vakti áhuga hans.
„Á meðan ég var við nám í Skotlandi varð ég góður vinur nokkurra Litháa,“ segir hann. „Nokkrum árum seinna, fór ég til Vilnius í heimsókn til þeirra og fannst það æðisleg upplifun. Þá bjóst ég ekki við að flytja þangað á endanum, en á meðan ég leitaði að starfstækifærum í Evrópu sá ég tækifæri á að koma hingað og ákvað að grípa það. Ég þurfti meiri ævintýri í líf mitt og mér fannst að þetta land gæti boðið upp á mörg!“
Á meðan á atvinnuleit hans stóð hafði Paolo samband við ráðgjafa EURES Ítalíu, Anna Bongiovanni. „Hún var nýkomin aftur frá Riga, í Lettlandi, þannig að hún sagði mér aðeins frá persónulegri reynslu sinni af Eystrasaltslöndunum og kynnti mig fyrir Taxify, vinsælu appi hérna til að koma sér á milli. Hún sagði mér einnig frá öðruvísi atvinnutilboðum og -tækifærum í boði hjá Evrópusambandinu.“
Þegar Paolo hafði ákveðið að láta reyna á litháenska tækifærið sem hann fann kom Anna honum í samband við kollega sína í landinu. „EURES Litháen sendi mér eyðublað til að óska eftir fjárhagsaðstoð frá ESB fyrir ferðakostnaði mínum og nokkra hlekki fyrir íbúðir,“ deilir Paolo. „Þau gáfu mér einnig almennar upplýsingar um Vilnius, á heildina litið var þetta mjög gagnlegt.“
„EURES ráðgjafar eru meira en til í að ræða við þig og þeir hafa upp á ýmiskonar tækifæri að bjóða,“ bætir hann við. „Stundum þegar sótt er um starf getur skriffinnskan verið yfirþyrmandi en EURES ráðgjafar hafa mikla reynslu á sviðinu og geta hjálpað þér með hana.“
Í dag vinnur Paolo við viðskiptavinaþjónustu fyrir flugfélag í Vilnius. Þó að starfið sé kannski ekki á vísindasviðinu nýtur hann vinnunnar, afslappaðs og þægilegs andrúmsloftsins og félagsskaps alþjóðlegra samstarfsmanna. Það hentar honum líka að búa í öðru landi. „Í hvert skipti sem ég hef tækifæri á að ferðast um líður mér eins og barni í skemmtigarði. Það er mikið að sjá og ég hlakka virkilega til að kanna allt landið að vori til eða sumri.“
„Ég er hreinlega ekki viss um hver framtíð mín er,“ segir hann þegar hann er spurður um hverjar vonir hans eru. „Kannski ætti ég að fara til baka og leita að vinnu á sviðinu sem ég lærði, en í augnablikinu er ég að skemmta mér of vel í þessu nýja lífi hérna!“
Reynsla Paolo sýnir hvað lífið getur komið þér mikið á óvart ef þú ert til í að prufa eitthvað nýtt. Og hvernig EURES samstarfsnetið er frábær staður sem atvinnuleitendur geta komið til og leitað að stuðningi, upplýsingum og ráðleggingum.
Nánari upplýsingar:
Atvinnu- og búsetuskilyrði í EURES-löndum
Vinnugagnagrunnur EURES
Þjónusta EURES fyrir vinnuveitendur
Viðburðadagatal EURES
Næstu viðburðir á Netinu
EURES á Facebook
EURES á Twitter
EURES á LinkedIn
Upplýsingar
- Útgáfudagsetning
- 5 Apríl 2019
- Höfundar
- European Labour Authority | Directorate-General for Employment, Social Affairs and Inclusion
- Viðfangsefni
- EURES bestu starfsvenjurÁrangurssögur
- Tengdir hlutar
- Búseta & atvinna
- Geirinn
- Accomodation and food service activitiesActivities of extraterritorial organisations and bodiesActivities of households as employers, undifferentiated goods- and servicesAdministrative and support service activitiesAgriculture, forestry and fishingArts, entertainment and recreationConstructionEducationElectricity, gas, steam and air conditioning supplyFinancial and insurance activitiesHuman health and social work activitiesInformation and communicationManufacturingMining and quarryingOther service activitiesProfessional, scientific and technical activitiesPublic administration and defence; compulsory social securityReal estate activitiesTransportation and storageWater supply, sewerage, waste management and remediation activitiesWholesale and retail trade; repair of motor vehicles and motorcycles