Il-EU-UK Trade and Cooperation Agreement (Il-Ftehim ta’ Kummerċ u Kooperazzjoni bejn l-UE u r-Renju Unit) jirrikonoxxi d-drittijiet taċ-ċittadini tal-UE li jgħixu barra mill-UE, kif ukoll taċ-ċittadini tar-Renju Unit li jgħixu fl-UE, u jiddeskrivi l-approċċi miftiehma għall-kummerċ u l-opportunitajiet. Filwaqt li kienet miftiehma l-ewwel darba f’Diċembru 2020, il-leġiżlazzjoni tkopri d-drittijiet taċ-ċittadini, is-saldu finanzjarju bejn ir-Renju Unit u l-UE u l-protokoll għall-Irlanda u l-Irlanda ta’ Fuq.
Minn meta r-Renju Unit għall-ewwel darba għażel li joħroġ mill-UE fl-2016, u ħareġ uffiċjalment mill-UE fl-2020, saru ħafna diskussjonijiet biex jiġi żgurat li l-għażliet tal-ħajja, is-sikurezza u s-sigurtà taċ-ċittadini tal-UE li jgħixu fir-Renju Unit ikunu protetti. In-negozjati formali dwar ir-relazzjoni futura bejn ir-Renju Unit u l-UE bdew f’Marzu 2020, li rriżultaw fil-EU-UK Trade and Cooperation Agreement.
Drittijiet ta’ għixien, xogħol u studju protetti
Il-leġiżlazzjoni ġiet implimentata mill-bidu ta’ din is-sena, hekk kif din taħdem biex tissalvagwardja d-drittijiet ta’ aktar minn 3 miljun ċittadin tal-UE li jgħixu fir-Renju Unit u aktar minn miljun ċittadin tar-Renju Unit fil-pajjiżi tal-UE.
Din hi mfassla biex tiżgura li ċ-ċittadini għadhom jistgħu jgħixu, jaħdmu u jistudjaw kemm ġewwa kif ukoll barra l-UE, u tkopri wkoll aspetti inklużi d-drittijiet fundamentali fuq il-post tax-xogħol, l-istandards tas-saħħa u s-sikurezza, u kundizzjonijiet tax-xogħol ġusti.
Il-ftehim jiddikjara li ċ-ċittadini tal-UE li jgħixu fir-Renju Unit qabel l-1 ta’ Jannar 2021 jistgħu jkomplu jgħixu hemm, dment li jkunu applikaw għall-Iskema għall-Kisba tal-Istatus ta’ Stabbilit għaċ-Ċittadini tal-UE qabel it-30 ta’ Ġunju 2021. Dawk li jkomplu jaħdmu fir-Renju Unit wara l-1 ta’ Jannar 2021, u li applikaw għall-iskema, mhux se jkunu meħtieġa japplikaw għal dokument ta’ ħaddiem fruntalier.
Iċ-ċittadini tar-Renju Unit li jirrisjedu legalment fl-UE qabel l-1 ta’ Jannar 2021 li jkomplu jirrisjedu fl-UE wara jista’ jkollhom bżonn japplikaw għal status ta’ residenza ġdid fl-Istat Membru fejn jgħixu. Huma għandhom ukoll id-dritt li japplikaw għal dokument ta’ ħaddiem fruntalier f’dak l-Istat Membru.
Il-koordinazzjoni tas-sigurtà soċjali għadha tapplika
Iċ-ċittadini tal-UE li ilhom jgħixu u jaħdmu kontinwament fir-Renju Unit (jew viċi versa) sa minn qabel it-tmiem tal-perjodu ta’ tranżizzjoni jibbenefikaw ukoll minn koordinazzjoni sħiħa dwar il-leġiżlazzjoni tas-sigurtà soċjali. Għall-ġejjieni, ir-regoli kollha tal-UE dwar id-drittijiet għas-sigurtà soċjali se jkomplu japplikaw f’każijiet bħal dawn.
Hemm ukoll fis-seħħ koordinazzjoni parzjali għal ċittadini tal-UE li ma kinux qed jgħixu kontinwament fir-Renju Unit, iżda li kienu għadhom soġġetti għal-leġiżlazzjoni tas-sigurtà soċjali tar-Renju Unit qabel it-tmiem tal-perjodu ta’ tranżizzjoni (jew viċi versa). Dan japplika, pereżempju, għar-regoli dwar it-trattament ugwali, il-benefiċċji tal-mard u tal-familja, u l-kombinament ta’ drittijiet u obbligi minn perjodi differenti ta’ residenza.
L-UE u r-Renju Unit ikkonkludew ukoll ftehimiet mal-Iżvizzera u mal-Istati taż-ŻEE-EFTA (l-Iżlanda, il-Liechtenstein, in-Norveġja u l-Iżvizzera) biex jipproteġu lin-nies f’sitwazzjonijiet trijangolari (bħal ċittadin tar-Renju Unit li jgħix jew jaħdem fl-UE fit-tmiem tal-perjodu ta’ tranżizzjoni, iżda t-tfal jgħixu fi Stat Membru differenti tal-UE).
Għal aktar informazzjoni dwar il-Ftehim ta’ Kummerċ u Kooperazzjoni bejn l-UE u r-Renju Unit, żur:
https://ec.europa.eu/info/relations-united-kingdom/eu-uk-trade-and-cooperation-agreement_mt
Links relatati:
https://ec.europa.eu/info/relations-united-kingdom/eu-uk-trade-and-cooperation-agreement_mt
Aqra aktar:
Il-kundizzjonijiet tal-ħajja u x-xogħol fil-pajjiżi tal-EURES
EURES Bażi tad-Data tal-Impjiegi
Is-servizzi tal-EURES għall-impjegaturi
Kalendarju tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 21 Lulju 2021
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Aħbarijiet dwar is-suq tax-xogħol/aħbarijiet dwar il-mobilità
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles