EURES sagan mín: Pedro Miguel

Hver er þín EURES saga?

Þetta er spurningin sem #EURES25 keppnin bað atvinnuleitendendur víðs vegar í Evrópu um að svara. Hægt var að skila inn færslum í formi stutts myndbands eða myndar ásamt samantekt á reynslu þeirra, en verðlaunin voru tungumálanámskeið að verðmæti 500 evrur eða færniþjálfun til að auka atvinnulíkur.

Þátttakendur voru hvattir til að hugsa um hvernig EURES hefði hjálpað þeim við að finna draumastarfið, hvernig EURES-ráðgjafar hefðu hjálpað þeim við að finna tungumálanámskeið og veitt aðstoð við aðlögun í nýja landinu eða hvernig atvinnugátt EURES eða evrópskri atvinnudagar (á netinu) hefðu leitt til einstakra atvinnutækifæra.

Tilkynnt var um verðlaunahafana þrjá við verðlaunaafhendingu á 25 ára afmælishátíð EURES í Brussel 30. janúar. Þriðji og síðasti þeirra var Pedro Miguel og þetta er sagan hans.

Nafn: Pedro Miguel

Þjóðerni: Portúgalskur

Umsóknargerð: Myndband

Lýsing: Ég yfirgaf Portúgal og kom til Santander sem er í Kantabríuhéraðinu á Spáni. Þetta er sögufræg borg með mikið af náttúru, fjöllum, sjó – og skemmtun!

Ég er hjúkrunarfræðingur í Santander. Ég er hluti af frábæru teymi og allt er stórkostlegt! Ég hef eignast marga vini og aðlagast landinu. Ég hef einnig lært fjölmargt og sótt spænskunámskeið.

Takk EURES!

Haldin var systurkeppni fyrir atvinnurekendur þar sem skorað var á þá að skila inn mynd sem táknaði hvað frjáls för þýddi fyrir þá. Úttektarmiðar að verðmæti 500 evrur voru í boði og verðlaunahafarnir þrír voru einnig tilkynntir við verðlaunaafhendinguna.

Til að fræðast meira um vinnuveitendur sem hlutu verðlaun - og vinningshafa meðal atvinnuleitenda - skaltu fylgjast með EURES vefsíðunni.

#EURES25 keppnin var liður í áframhaldandi herferð til að kynna og fagna 25 ára afmæli EURES. EURES var hleypt af stokkunum 1994 og hefur vaxið og er nú starfandi í 32 löndum og hefur yfir 1.000 ráðgjafa. Fram að þessu hafa yfir 3 milljónir atvinnutækifæra og 15.800 atvinnurekendur verið skráðir á atvinnugátt EURES.

Við hlökkum til næstu 25 ára í þjónustu og ætlum okkur að tryggja að væntanlegir atvinnuleitendur og vinnuveitendur viti af EURES, hvað við stöndum fyrir og hvernig við getum hjálpað þeim á vegferð þeirra eða við ráðningar.

Tengdir hlekkir:

EURES Job Mobility Portal

Nánari upplýsingar:

Evrópskir atvinnudagar

Drop’pin@EURES

Finna EURES-ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook