Dawn huma ħames passi sempliċi biex jgħinuk tiġġestixxi l-isfidi l-aktar komuni meta tkun qed taħdem jew tistudja mid-dar.
1.Kun ċert li għandek l-apparat xieraq:
Dan jaf jidher bħala punt bażiku, iżda ma tistax tistudja jew taħdem mid-dar jekk ma jkollokx l-apparat xieraq. Jeħtieġ li taħseb dwar x’tuża regolarment u tipprova toħloq ambjent simili d-dar. Dan jaf ifisser li tipprova ssib skrin ieħor jew sett ta’ kuffji għal laqgħat online.
2.Ara li tkun komdu:
Li taħdem mid-dar ifisser li inti responsabbli mill-ambjent ta’ madwarek. Jekk is-siġġu tiegħek mhuwiex komdu, poġġi mħadda warajk biex isserraħ dahrek. Aħseb dwar id-dawl fil-kamra fejn qed taħdem – kamra mudlama jaf iġġiegħlek tħossok għajjien, iżda kamra mdawla se tgħinek tiffoka u ma tqabdekx ngħas.
Żbarazza l-post fejn taħdem qabel ma tipprova taħdem fih. Dan se jgħinek tikkonċentra billi se jelimina d-distrazzjonijiet.
3.Evita storbju li jfixklek:
Għall-kuntrarju ta’ uffiċċju jew librerija normali, jaf ikun hemm ħafna storbju li jfixklek minn dak li tkun qed tagħmel. Il-ġirien tiegħek jaf ma jirrealizzawx li inti qed tipprova tiffoka matul il-ġurnata. Jekk tpoġġi aktar ’il bogħod mit-tieqa jew f’kantuniera kwieta tad-dar jaf inaqqas l-istorbju ta’ barra u jgħinek tikkonċentra.
Jekk il-familja tiegħek jew dawk li jgħixu miegħek ikunu qed jagħmlu wisq storbju, għarrafhom bil-ħinijiet tat-telefonati tiegħek sabiex ikunu jafu meta għandhom joqogħdu kwieti jew poġġi sinjal fuq il-bieb tiegħek biex titlobhom ma jfixklukx waqt li tkun qed taħdem.
4.Uża għodod ta’ komunikazzjoni:
Jekk ma tgħix ma’ persuni oħra, il-fatt li taħdem mid-dar jaf iġiegħlek tħossok waħdek. Billi tuża għodod ta’ komunikazzjoni bħal Microsoft Teams u Skype jista’ jgħinek tagħmel kuntatt ma’ sħabek u tinsa d-distanza ta’ bejnietkom. Jekk tuża dawn l-għodod bis-sħiħ, mhux biss se jagħmel il-komunikazzjoni aktar malajr u aktar faċli, iżda jista’ jġiegħlek tħossok aktar qrib ma’ dawk li qed taħdem magħhom.
Tista’ tuża wkoll dawn l-għodod biex tissoċjalizza. Jekk iċċempel lil kollega bil-vidjo biex titkellmu flimkien waqt li tieħdu tazza kafè, jista’ jkun mod tajjeb biex taqta’ xi ftit mill-ġurnata. Billi tuża dawn l-għodod biex titkellem ma’ sħabek jew mal-familja tiegħek filgħaxija se jgħinek ukoll tissoċjalizza “barra” mix-xogħol.
5.Evita li taħdem iżżejjed:
Li ssib bilanċ tajjeb bejn ix-xogħol u l-ħajja privata qatt mhuwa faċli u jaf ikun aktar diffiċli meta taħdem jew tistudja mid-dar. M’intix se tara lil sħabek jibdew jippakkjaw l-affarijiet tagħhom fl-aħħar tal-ġurnata u m’intix se tkun tista’ titlaq mill-uffiċċju jew mil-librerija kif tagħmel is-soltu. Dan jaf jagħmilha diffiċli biex tkun taf meta għandek tieqaf u titfi l-apparat tiegħek wara li tkun lest. Huwa importanti li timxi ma’ skeda u jkollok ħin fiss kuljum biex titfi kollox u tirrilassa.
Li taħdem jew tistudja mid-dar jidher differenti għal kulħadd, iżda b’dawn il-ħames passi biex tegħleb l-isfidi l-aktar komuni, dan għandu jkun ferm aktar faċli.
Għal aktar suġġerimenti dwar kif taħdem mid-dar, ara l-artiklu tagħna kif tkun produttiv(a) meta tkun qed taħdem mid-dar.
Links relatati:
Kif tkun produttiv(a) meta tkun qed taħdem mid-dar
Aqra aktar:
Kondizzjonijiet tal-ħajja u tax-xogħol fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 1 Mejju 2020
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Ideat u Suġġerimenti
- Aħbarijiet dwar is-suq tax-xogħol/aħbarijiet dwar il-mobilità
- Żgħażagħ
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles