Það er aldrei of seint að endurmennta sig og vinna erlendis: Sagan af Eddy Bomboko

Það er aldrei of seint að fara nýja leið

Eddy Bomboko hóf feril sinn sem söngvari og framleiðandi en eftir að hafa starfað í tónlistargeiranum í nokkur ár ákvað hann að fara á nýja braut. „Þegar ég var 38 ára áttaði ég mig á því að það er ekki auðvelt að starfa sem tónlistarmaður í Belgíu og því ákvað ég að endurmennta mig til og verða kokkur,“ segir Eddy.

Þökk sé Actiris International (alþjóðlegu hreyfanleikadeild opinberu vinnumiðlunarinnar í Brussel, sem einnig er meðlimur EURES), lauk Eddy þjálfun sinni og innan mánaðar fann hann vinnu í Brussel.

Löngun til fá alþjóðlega starfsreynslu

Dag einn fékk ungi kokkurinn tölvupóst frá EURES ráðgjafa frá Actiris International um tækifæri í Frakklandi sem honum fannst forvitnilegt. „Þetta var hálfs árs starfsnám á Club Med dvalarstaðnum í Haute-Savoie. Mig hafði alltaf langað til að vinna erlendis, svo ég sótti strax um. Þetta var líka frábært tækifæri til að læra meira um hvernig vinnan er á frönskum veitingastöðum.“

Eddy segir að EURES hafi gegnt meginhlutverki sem milliliður milli sín og vinnuveitandans. Actiris International sá um að skipuleggja atvinnuviðtalið og velja úr frambjóðendum fyrir vinnuveitandann.

„Án þeirra hefði ég ekki getað fundið þetta tækifæri,“ segir ungi kokkurinn. Þegar hann lítur til baka, segir Eddy að ráðningarferlið hafi gerst mjög hratt.

„EURES ráðgjafinn bauð mér á Actiris í viðtal við Club Med. Þegar ég kom biður þar um 10 aðrir umsækjendur. Í viðtalinu sagði atvinnurekandinn að þeim fyndist ferilskráin mín mjög áhugaverð vegna listræns bakgrunns míns. Þeir sögðu mér að þeir myndu hafa samband við mig mjög fljótlega, en ég ætti nú þegar að undirbúa flutning til Frakklands.“

Gildi alþjóðlegrar reynslu

Eftir að hafa öðlast starfsreynslu í Frakklandi er ungi kokkurinn nú tilbúinn í næsta ævintýri. Hann telur að alþjóðleg starfsreynsla sé nauðsynleg fyrir framvindu starfsframans: „Þessi reynsla opnar manni margar dyr. Ég er til dæmis á lokaúrvalinu fyrir starf í Kongó og ég tel að reynsla mín af Club Med hafi átt stóran þátt í að koma mér þetta langt í umsóknarferlinu.“

Eddy telur að vinna erlendis geti skipt sköpum og taka ætti þannig tækifæri alvarlega. „Maður verður að hafa ákveðinn þroska. Með því meina ég að þú þarft að vera tilbúinn að vera fjarri fjölskyldu þinni í einhvern tíma. Það er líka mikilvægt að hafa fólk sem styður þig og þú þarft svo sannarlega að búa yfir ævintýramennsku. “

Viltu hefja þitt eigið ævintýri erlendis? Þrátt fyrir heimsfaraldurinn halda EURES ráðgjafar okkar áfram að veita ráðgjöf og styðja atvinnuleitendur við að finna tækifæri um alla Evrópu. Hafðu samband við EURES þjónustuverið til að hefjast handa í dag.

Tengdir hlekkir:

Actiris International

Þjónustuver EURES

Nánari upplýsingar:

Evrópskir atvinnudagar

Finna Eures ráðgjafa ​

Atvinnu- og búsetuskilyrði í Eures-löndum

Vinnugagnagrunnur Eures

Þjónusta Eures fyrir vinnuveitendur

Viðburðadagatal Eures

Næstu viðburðir á Netinu

Eures á Facebook

Eures á Twitter

Eures á LinkedIn