Sħubija tal-EURES Ungerija-Awstrija li tgħin lil negozji ġodda

Fl-Ungerija u fl-Awstrija, is-sħubija transkonfinali tal-Pannonia EURES (EURES-T Pannonia) qed tirreaġixxi għal din ir-realtà li qed tinbidel billi qed tfittex soluzzjonijiet ġodda ta' tqabbil ta' impjiegi – inkluż impjieg indipendenti. “Fid-dawl tas-sitwazzjoni attwali, iddeċidejna li nibdew nipprovdu assistenza li tmur lil hinn mit-taħriġ iffukat fuq l-impjegat tradizzjonali tagħna,” qal il-Konsulent tal-EURES Gábor Balabán. “Kemm jekk tkun it-tnedija ta’ negozju ġdid, ħidma bħala freelancer jew il-ftuħ ta’ franchise, l-Eures-T Pannonia tixtieq tipprovdi lill-persuni li qed ifittxu impjieg interessati bil-ħiliet u t-taħriġ neċessarju sabiex jirnexxielhom jiftħu għal rashom.”

L-għodda għall-impjieg indipendenti

Għalkemm għadha biss programm pilota, l-inizjattiva diġà toffri mezzi prattiċi sabiex tgħin lin-nies jilħqu l-għanijiet tagħhom. “Minħabba li għadna kif nedejna l-pilota din is-sena, għad qed isir xogħol fuqha,” qal Balabán. “Iżda diġà fassalna għodda soda ta’ ħiliet u taħriġ sabiex dawk li jixtiequ jaħdmu b’mod indipendenti ma jkollhomx għalfejn jagħmlu l-pass waħedhom.”

It-taħriġ ikopri kollox mill-fundamentali għall-ftuħ ta’ negozju, bħall-konoxxenza tal-ambitu legali u regolatorju, sal-pedamenti ta’ kif tmexxi wieħed, bħas-sopravivenza quddiem ir-rekwiżiti tat-taxxa.

Opportunità li minnha jiggwadanja kulħadd

Ir-reġjun transkonfinali huwa l-post ideali għat-tnedija ta’ programm pilota daqstant ambizzjuż. Grazzi għall-mobbiltà soċjali, negozju ġdid Ungeriż jista’ faċilment jimmanifattura l-prodotti tiegħu fl-Ungerija u jbigħhom fl-Awstrija. Fi kliem ieħor, bil-ħiliet ix-xierqa, negozju ġdid ibbażat fir-reġjun transkonfinali għandu aċċess għal suq internazzjonali mdaqqas.

Għall-ħafna Ungeriżi li attwalment jgħixu u jaħdmu fl-Awstrija, il-programm joffri wkoll opportunità sabiex jiġu lura d-dar. “Bit-taħriġ adatt, dawn il-ħaddiema jistgħu jiġu lura l-Ungerija, jiftħu n-negozju tagħhom stess u possibbilment jibbenefikaw minn livell ta’ għajxien aħjar,” spjega Balabán. “Fl-istess waqt, in-negozji tagħhom ser joħolqu impjiegi ġodda għal Ungeriżi oħra li huma qiegħda – li jagħmilha verament opportunità li minnha jiggwadanja kulħadd.”

Dwar is-sħubiji transkonfinali tal-EURES

Is-sħubiji transkonfinali tal-EURES qegħdin f’żoni li għandhom livell għoli ta’ vjaġġar transkonfinali. L-għan ewlieni tagħhom huwa li jipprovdu pariri u gwida speċifiċi dwar il-mobbiltà tax-xogħol lil ħaddiema li jgħixu f’pajjiż u jaħdmu f’ieħor. Dawn l-isħubiji transkonfinali jilqgħu flimkien l-impjieg pubbliku u s-servizzi ta’ taħriġ vokazzjonali, l-impjegaturi, it-trejdjunjins, l-awtoritajiet lokali u l-istituzzjonijiet li jittrattaw l-impjieg u t-taħriġ vokazzjonali, b’hekk jgħinu lill-organizzazzjonijiet sabiex jiksbu aktar waqt li jaħdmu flimkien.
 

Links relatati:

EURES-T Pannonia

Il-Ħajja u x-Xogħol fl-Ungerija

Il-Ħajja u x-Xogħol fl-Awstrija

Aqra aktar:

Sib Konsulent tal-EURES

Il-kundizzjonijiet tax-xogħol u tal-għajxien fil-pajjiżi tal-EURES

Il-Bażi ta' Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avvenimenti Online li ġejjin

L-EURES fuq Facebook

L-EURES fuq Twitter

L-EURES fuq LinkedIn

L-EURES fuq Google+