Svona kemur þú hlutunum í verk á vinnuferðalagi

Búðu til nákvæman verkefnalista

Það er auðvelt að gleyma mikilvægum verkefnum þegar þú ferðast vegna vinnu, breytir um flug og tekur leigubíla. Búðu til lista yfir allt sem þú þarft að gera fyrir og á meðan á vinnuferðinni stendur. Þannig getur þú verið viss um að gleyma engum verkefnum.

Fáðu hjálp

Það er ekkert athugavert við að biðja samstarfsmann að taka að sér sum af verkefnunum þínum á meðan þú ert á ferðalagi. Gleymdu bara ekki að segja samstarfsmönnum þínum frá öllum smáatriðum, svo þeir viti hvað þeir eigi að gera á meðan þú ert í burtu. Það getur haft mikil áhrif á vinnuálagið að fá einhvern til að sinna einföldum verkefnum á verkefnalistanum þínum.

Nýttu stutt hlé til hins ítrasta

Jafnvel þó að dagskrá vinnuferðarinnar sé pökkuð eru alltaf einhver hlé. Það getur verið á flugstöðinni, í rútunni eða í hádegishléum á milli funda. Notaðu þessar stundir til að skoða tölvupóstinn þinn og fylgjast með verkefnum í gangi. Þú getur komið miklu í verk í þessum 15-30 mínútna hléum og það mun verulega draga úr vinnuálaginu þegar þú snýrð aftur.

Stjórnaðu væntingum

Ekki hika við að láta samstarfsfólk eða viðskiptavini vita að þú verðir á ferðalagi og hafir því takmarkaðan aðgang að tölvupósti. Láttu þá vita að þeir geti ekki búist við svörum um leið á meðan þú ert á ferðinni. Muntu að búa til skilaboð í tölvupóstforritinu þínu þar sem þú tekur fram hvaða daga þú sért ekki á skrifstofunni.

Ekki gleyma vinnutækjum þínum

Gakktu úr skugga um að þú hafir öll tæki, eins og vinnusíma og fartölvur, sem þú þarft til að sinna starfi þínu í fjarri skrifstofunni. Það getur verið að þú þurfir ekki fartölvu í ferðinni en hún á eftir að koma sér vel þegar þú, til dæmis, vilt vinna aðeins á hótelinu.

Settu þér skýr mörk

Ef þú ert að stýra vinnufundum ættir þú að passa þig á því að setja skýr tímamörk og dagskrár fyrir þá. Óskipulagðir vinnufundir geta tekið mun lengri tíma en þörf krefur. Ef þú setur vinnufundunum skýr mörk munu afköst þín aukast og þú færð meira út úr ferðinni.

Taktu frá tíma fyrir hvíld

Þú getur auðvitað ekki sinnt vinnunni allan tímann. Vinnuferðir geta verið þreytandi því þær fela oft í sér ferðalög og flugþreytu. Gakktu úr skugga um að taka frá tíma fyrir hvíld. Þegar allt kemur til alls er skilvirk hvíld besta leiðin til að hámarka afköstin.

Blekkingarheilkennið er tilfinning um vanhæfni sem margir upplifa, jafnvel þegar þeir ná árangri á sínu sviði. Það getur látið fólki líða eins og það eigi ekki skilið árangurinn, sem það hefur náð, og vera ekki eins hæfileikaríkt og aðrir. Svona á að takast á við það.

Tengdir hlekkir:

Fjórar gullnar reglur til að takast á við blekkingarheilkennið á vinnustað

Nánari upplýsingar:

Evrópskir atvinnudagar

Finna Eures ráðgjafa

Atvinnu- og búsetuskilyrði í Eures-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á netinu

EURES á Facebook

EURES á Twitter

EURES á LinkedIn