Qabel l-intervista
Ittestja l-apparat tiegħek
L-ewwel, jeħtieġlek tikkonferma mal-impjegatur l-għodda ppreferuta tagħhom. Tkunx Google Hangouts, Microsoft Teams, Skype jew Zoom – kun ċert li taf tuża s-softwer u li huwa kompatibbli mal-apparat tiegħek. Hija idea tajba li tagħmel test ma’ ħabib jew membru tal-familja biex tiċċekkja l-mikrofonu u l-webcam tiegħek, u tara jekk il-konnessjoni tal-internet tiegħek tippermettix kwalità tajba tal-awdjo/vidjo.
Tinsiex tistaqsi lill-impjegatur x’inhu l-format tal-intervista. Jista’ jkun li mhux meħtieġ vidjo.
Qis li jkollok pjan B
Qis li jkollok pjan ta’ riżerva f’każ li tiltaqa’ ma’ kwistjonijiet tekniċi fil-jum tal-intervista. Jista’ jkollok apparat ittestjat ieħor lest ħdejk, jew tistaqsi lill-intervistatur minn qabel għal numru tat-telefon biex iċċempel f’każ li t-teknoloġija ma tirnexxix.
Kun puntwali
L-istess bħal fil-każ ta’ intervisti wiċċ imb wiċċ, huwa tajjeb li tkun 10 minuti kmieni.
Agħżel il-post perfett
Agħżel post tajjeb b’dawl naturali biex tkun żgur li l-intervistatur jista’ jarak tajjeb. L-isfond tiegħek huwa wkoll importanti ħafna – żbarazza u neħħi kwalunkwe oġġett li jkun warajk li jista’ jkun ta’ tfixkil għall-intervistatur.
Neħħi dak kollu li hu ta’ tfixkil
Tinsiex titfi n-notifiki tal-apparat tiegħek. Jekk qed tgħix ma’ xi ħadd ieħor jew għandek annimal domestiku, kun ċert li dawn ma jfixklukx u ma jkunux jistgħu jidhru aċċidentalment fil-frejm tal-kamera.
Kun ippreparat
Ipprepara xi tweġibiet għall-mistoqsijiet l-aktar komuni tal-intervisti. Jista’ jkollok ukoll is-CV u l-ittra ta’ akkumpanjament tiegħek ħdejk għal referenza rapida. Tinsiex pinna u biċċa karta lesti ħdejk f’każ li jkollok bżonn tieħu noti.
Ilbes għal suċċess
Ilbes daqslikieku qed tagħmel intervista wiċċ imb wiċċ. L-ewwel impressjonijiet huma importanti, għalhekk anki jekk qed titkellem mis-salott tiegħek, jeħtieġ li tidher professjonali.
Matul l-intervista
Isma’ b’attenzjoni
Xi kultant l-intervisti online jista’ jkollhom dewmien fl-awdjo, li jfisser li inti tista’ aċċidentalment tinterrompi lil xi ħadd. Biex tevita dan, isma’ b’attenzjoni lill-intervistatur u stenna ftit sekondi qabel titkellem.
Attent għall-ġesti tiegħek
Ftakar li toqgħod bilqiegħda sew, tbissem u tkellem mal-intervistatur. Il-kuntatt bl-għajnejn huwa importanti, għalhekk agħmel l-almu tiegħek biex tħares f’għajnejn l-intervistatur. Dan ifisser li tħares lejn il-webcam minflok lejn l-iskrin.
Wara l-intervista
Ikteb email ta’ ringrazzjament
L-istess bħal fil-każ ta’ kwalunkwe intervista oħra għal impjieg, ikteb email ta’ ringrazzjament lill-intervistatur tiegħek. Dan juri li inti persuna li taħseb u li inti grat għall-opportunità.
Segwi l-progress
Il-kumpaniji l-kbar jista’ jkollhom proċess ta’ reklutaġġ fit-tul u għalhekk kun paċenzjuż. Dan ma jfissirx li xi kultant ma għandekx issegwi biex tesprimi l-interess tiegħek fl-impjieg.
Nittamaw li dawn l-għajnuniet kienu utli u nixtiqulek suċċess fit-tiftix għal impjieg!
Links relatati:
Aqra aktar:
Kondizzjonijiet tal-ħajja u tax-xogħol fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 17 April 2020
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Negozju/IntraprenditorijaIdeat u SuġġerimentiXejriet ta' reklutaġġŻgħażagħ
- Settur
- Accomodation and food service activitiesActivities of extraterritorial organisations and bodiesActivities of households as employers, undifferentiated goods- and servicesAdministrative and support service activitiesAgriculture, forestry and fishingArts, entertainment and recreationConstructionEducationElectricity, gas, steam and air conditioning supplyFinancial and insurance activitiesHuman health and social work activitiesInformation and communicationManufacturingMining and quarryingOther service activitiesProfessional, scientific and technical activitiesPublic administration and defence; compulsory social securityReal estate activitiesTransportation and storageWater supply, sewerage, waste management and remediation activitiesWholesale and retail trade; repair of motor vehicles and motorcycles