Svona á að ráða starfsnema til fyrirtækisins

Taktu höndum saman við háskóla á staðnum

Eftir því um hvernig starfsnám, sem fyrirtækið býður upp á (fullt starf eða hlutastarf), er að ræða getur verið að nýútskrifað háskólafólk og háskólanemar séu fullkomnir umsækjendur. Hafðu samband við framaskrifstofur háskóla á staðnum og kynntu þér hvað þær geta gert til að auglýsa starfsnámið. Sumir háskólar eru líka með töflu með lausum störfum þar sem þú getur auglýst starfsnámið. Önnur hugmynd er að hafa samband við háskólakennara á sviðinu og sjá hvort þeir geti hjálpað til við að auglýsa starfsnámið hjá nemendum sínum. Síðast en ekki síst standa sumir háskólar fyrir atvinnustefnum – frábært tækifæri til að sanka að sér ferilskrám.

Notaðu samfélagsmiðla

Samfélagsmiðlar eru frábær leið til að auglýsa starfsnámið og ná til réttra umsækjenda. Auk þess að auglýsa það á samfélagsmiðlum fyrirtækisins þíns ættir þú að velta fyrir þér að auglýsa það líka í samfélagshópum fyrir atvinnuleitendur á LinkedIn. Ef þú ákveður að fjárfesta aðeins í auglýsingum á samfélagsmiðlum getur þú jafnvel beint póstunum þínum að vissum markhópum svo fólk með rétta bakgrunninn og á réttum aldri.

Auglýstu starfsnámið á EURES

Ein frábær leið til að auglýsa starfsnámið er EURES. Með yfir 800.000 ferilskrár getur EURES hjálpað þér að finna rétta starfsnemann úr stórum hópi fólks án endurgjalds. Frekari upplýsingar um starfsauglýsingar á EURES. Ef þú hefur frekari spurningar um notkun EURES ættir þú að hafa samband við EURES -ráðgjafa í heimalandi þínu.

Komdu á fót meðmælendakerfi

Þetta síðasta ráð á aðeins við ef þú hefur þegar ráðið starfsnema. Hafðu samband við núverandi starfsnema til að sjá hvort þeir geti mælt með einhverjum. Það er líklegt að þeir þekki aðra nemendur eða nýútskrifaða einstaklinga með svipaðan bakgrunn sem hefðu áhuga á að sækja um. Ef þú býður upp á umbun í meðmælendakerfinu ertu líklegri til að fá fleiri meðmæli.

Vel skipulagt starfsnám getur skilað miklum ávinningi, bæði fyrir fyrirtækið þitt og starfsnemann. Skoðaðu ábendingar okkar um hvernig hægt er að skera sig úr sem ákjósanlegur vinnuveitandi meðal keppinauta þinna þegar kemur að ráðningu starfsnema.

Tengdir hlekkir:

Auglýsa starf

Spjallaðu á netinu við EURES ráðgjafa

Hvernig á að þróa samkeppnishæft starfsnám fyrir fyrirtæki þitt

Nánari upplýsingar:

Evrópskir atvinnudagar

Finna Eures ráðgjafa

Atvinnu- og búsetuskilyrði í Eures-löndum

Vinnugagnagrunnur Eures

Þjónusta EURES fyrir vinnuveitendur

EURES viðburðadagatal

Næstu viðburðir á Netinu