X’inhu eżatt xogħol mhux iddikjarat?
Ix-xogħol mhux iddikjarat huwa kwalunkwe xogħol li huwa legali fin-natura tiegħu iżda mhux iddikjarat lill-awtoritajiet pubbliċi rilevanti. Ħafna drabi huwa magħruf b'mod informali bħala "xogħol fi flus kontanti" u huwa komuni f'setturi bħall-kostruzzjoni, it-tindif, il-kura tat-tfal, u l-ikel u l-ospitalità.
X'tagħmel il-"Pjattaforma Ewropea li tindirizza x-xogħol mhux iddikjarat"?
Il-ġlieda kontra l-kwistjoni tax-xogħol mhux iddikjarat hija prijorità tal-UE, u huwa għalhekk li nediet il-"Pjattaforma Ewropea li tindirizza x-xogħol mhux iddikjarat" lura fl-2016.
Il-pjattaforma tiġbor flimkien organizzazzjonijiet minn madwar l-UE, inklużi l-awtoritajiet tax-xogħol, tat-taxxa u tas-sigurtà soċjali, biex jikkooperaw b’mod transkonfinali u jiskambjaw informazzjoni, għarfien u prattiki tajba.
L-għanijiet ewlenin tagħha huma li x-xogħol mhux iddikjarat jiġi ttrasferit f'xogħol iddikjarat u li s-swieq tax-xogħol u s-sistemi tal-benesseri jkunu ġusti u effiċjenti. Dan ser jippromwovi kundizzjonijiet ta’ għajxien u xogħol aħjar għaċ-ċittadini kollha madwar l-UE.
Għaliex għandna bżonn nindirizzaw ix-xogħol mhux iddikjarat?
Li wieħed jitħallas flus kontanti fl-idejn jew li jagħmel xogħol "fil-ġenb" jista’ jidher li ma jagħmilx ħsara jew jinħass bħala l-unika għażla f'suq tax-xogħol diffiċli. Madankollu, jista’ jkollu implikazzjonijiet u żvantaġġi kbar għall-ħaddiema.
Jekk inti involut/a f'xogħol mhux iddikjarat, tista’ tesperjenza:
- paga baxxa (spiss taħt il-paga minima statutorja);
- sigħat ta’ xogħol eċċessivi jew irregolari;
- kundizzjonijiet tax-xogħol foqra jew mhux siguri u kwalità baxxa ta’ xogħol;
- nuqqas ta’ drittijiet ta' impjieg, bħal vaganzi u ħlas għall-mard;
- nuqqas ta’ aċċess għall-pensjonijiet u l-benefiċċji tal-qgħad;
- inqas sigurtà fuq ix-xogħol u inqas opportunitajiet biex titlaq jew issib xogħol formali.
Jien nista’ nkun involut f'xogħol mhux iddikjarat. X’għandi nagħmel?
Jekk int imħasseb li int involut f'xogħol mhux iddikjarat, tista’ ssib il-liġijiet f'pajjiżek u tivverifika jekk int u min iħaddmek intomx konformi fuq il-websajt tal-pjattaforma.
Jekk taħseb li min iħaddmek jew organizzazzjoni oħra hija involuta f'xogħol mhux iddikjarat, tista’ wkoll issir taf kif tirrapporta dan lill-awtoritajiet rilevanti.
Kulma għandek tagħmel hu li tagħżel il-pajjiż tiegħek mil-lista li tinżel, fejn issib il-websajts u n-numri tat-telefon tal-punti ta’ kuntatt nazzjonali tiegħek.
Hija r-responsabbiltà tiegħi li nieħu azzjoni?
Il-motto tal-UE huwa li "ix-xogħol mhux iddikjarat huwa problema ta’ kulħadd". Dan minħabba li x-xogħol mhux iddikjarat ifisser taxxa mhux imħallsa, li tfisser nuqqas ta’ finanzjament għal servizzi pubbliċi essenzjali bħalma huma s-sistemi tal-qgħad, tas-saħħa u tal-pensjonijiet. Dan għandu effett ta’ riperkussjoni fuq il-membri kollha tas-soċjetà, b'mod partikolari dawk li huma l-aktar vulnerabbli.
Bħala ċittadin, tista’ tgħin biex ittemm ix-xogħol mhux iddikjarat billi tirrapportah. Tista’ wkoll tfittex parir dwar kif tista' tagħmel il-pass minn xogħol mhux iddikjarat f'impjieg formali.
Naturalment, il-prevenzjoni tax-xogħol mhux iddikjarat mhix biss ir-responsabbiltà tal-ħaddiema - teħtieġ sforz komuni. Huwa essenzjali li min iħaddem ikun konformi mar-regolamenti nazzjonali. Sadanittant, l-UE qed tappoġġja lill-Istati Membri individwali biex jieħdu azzjoni fuq livell governattiv.
Fejn nista’ nsib iktar tagħrif?
Biex issir taf aktar dwar il-pjattaforma, ara dan il-vidjo jew żur il-paġna web tal-pjattaforma. Biex issib aktar informazzjoni, abbona għall-bullettin regolari dwar xogħol mhux iddikjarat, jew agħmel użu mil-librerija tal-paġna ta’ riżorsi utli.
Links relatati:
Għodda nazzjonali għar-rappurtar ta’ xogħol mhux iddikjarat
Pjattaforma Ewropea li tindirizza xogħol mhux iddikjarat - Video (YouTube)
Aqra aktar:
Kundizzjonijiet tax-xogħol u l-għajxien fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Onlineli ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 16 Novembru 2018
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Aħbarijiet esterni tal-EURES
- Żgħażagħ
- Sezzjoni(jiet) relatati
- Għajnuna u appoġġ
- L-Għajxien u x-Xogħol
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles