Hvernig á að þróa samkeppnishæft starfsnám fyrir fyrirtæki þitt

Íhugaðu ástæðurnar fyrir því að fyrirtæki þitt þarfnast starfsnema

Hugsaðu um hvers vegna þú vilt ráða starfsnema – þú gætir viljað prófa færni þeirra áður en þú ræður þá í fullt starf, eða þú vilt létta álagi starfsfólks þíns á annasömu tímabili. Kannski viltu koma með nýtt sjónarhorn inn í teymið þitt. Hver sem ástæðan er, vertu viss um að þú hafir ákveðið markmið í huga sem endurspeglar þarfir fyrirtækisins. Ekki gleyma að upplýsa umsækjendur í viðtalinu hvort eingöngu sé um að ræða tímabundið starf, eða hvort það gæti hugsanlega leitt til þess að þeir fái fastan starfssamning.

Lýstu starfsnáminu í smáatriðum

Gakktu úr skugga um að starfsnámið þitt sé eins ítarlegt og mögulegt er. Hugsaðu um alla þætti starfsnámsins, svo sem tímalengd, valviðmið, deildina/teymið sem nemarnir munu starfa í, hver mun leiðbeina þeim, hvaða verkefni og aðgerðum þeir munu taka þátt í, hversu marga starfsnema þú þarft að ráða , æskileg útkoma (bæði fyrir þá og fyrirtæki þitt), laun, fríðindi o.s.frv. Því ítarlegri sem skipulag þitt á starfsnáminu er, því líklegra er að það passi við þarfir fyrirtækis þíns og starfsnemans.

Gerðu matsáætlun fyrir starfsnámið

Hugsaðu um hvaða færni og þekkingu þú vilt að starfsnemar öðlist í lok starfsnáms og hvernig þú munt fylgjast með framförum þeirra. Ekki gleyma að setja fram umbótaáætlun ef þeir eru í erfiðleikum með verkefni sín. Þú þarft að ganga úr skugga um að sá sem hefur umsjón með starfsnemunum og leiðbeinir þeim geti eytt nægum tíma til að styðja þá og svara spurningum þeirra.

Gerðu áætlun varðandi starfsbyrjun

Fyrir marga starfsnema gæti þetta verið fyrsta reynsla þeirra í atvinnulífinu, svo vertu viss um að kynna þá smám saman fyrir fyrirtækinu þínu og samstarfsfólki. Segðu þeim frá menningu fyrirtækisins þíns, leyfðu þeim að hitta teymið í afslöppuðu umhverfi og gefðu þeim tíma til að kynnast fyrirtækinu þínu sem og verkefnum þeirra.

Bjóddu þeim þóknun ef hægt er

Ef lögin í landi þínu leyfa það, skaltu sjá til þess að starfsnemar þínir fái þóknun fyrir vinnu sína. Þetta getur haft mikla þýðingu fyrir einhvern sem er að hefja starfsferil sinn og getur ekki treyst á einhvern annan til að styðja sig fjárhagslega. Þú getur jafnvel haft samband við opinbera vinnumiðlun á staðnum til að spyrjast fyrir um fjármögnunaráætlanir sem ná yfir laun fyrir starfsnema.

Talaðu við EURES ráðgjafa

Síðast en ekki síst skaltu ræða við EURES ráðgjafa þinn á staðnum um hvernig EURES getur hjálpað þér að ráða starfsnema. Þeir geta ráðlagt þér hvernig þú getur auglýst starfsnámsstöðuna og látið þig vita um komandi vinnuráðstefnur þar sem þú getur fundið kjörinn umsækjanda.

Þegar skrifstofan verður hluti af heimilinu getur munurinn á milli vinnu og einkalífs orðið óljós. Skoðaðu þessar helstu ráðleggingar fyrir vinnuveitendur um það hvernig þeir geti stuðlað að heilbrigði jafnvægi á milli vinnu og einkalífs starfsmanna eftir COVID-19.

Nánari upplýsingar:

Evrópskir atvinnudagar

Finna Eures ráðgjafa

Atvinnu- og búsetuskilyrði í Eures-löndum

Vinnugagnagrunnur Eures

Þjónusta EURES fyrir vinnuveitendur

EURES viðburðadagatal

Næstu viðburðir á Netinu

EURES á Facebook

EURES á Twitter

EURES á LinkedIn