Tella’ ritratt tal-profil tiegħek
Skont LinkedIn, profil b’ritratt jarawh 21 darba iktar minn profil mingħajr ritratt, kif ukoll ikollu 9 darbiet aktar talbiet għal konnessjoni. Aċċerta ruħek li l-profil tiegħek huwa professjonali — żommu aġġornat, ilbes pulit, evita sfond mimli jew ritratti ta’ grupp li jkunu bl-uċuh/bin-nies maqtugħin, u kun ċert li wiċċek ikun l-attrazzjoni ewlenija! Tagħmilx stessi. U fl-aħħar nett, tbissem. Trid tidher professjonali, iżda fl-istess ħin aċċessibbli.
Imla l-profil tiegħek
Imla l-biċċa l-kbira tal-oqsma tal-profil tiegħek kemm tista'. Aktar ma tinkludi informazzjoni rilevanti, ikun eħfef biex min ikun irid jirreklutak isibek. LinkedIn jinkludi aspett, li hu ferm ta’ għajnuna, li jkejjel il-kompletezza tal-profil tiegħek, u jissuġġerixxi oqsma li għandhom jiġu estiżi u mtejba.
Żommu aġġornat
Profil inattiv u skadut fuq LinkedIn jista’ fil-fatt ikun kontroproduttiv. Żomm tiegħek aġġornat b’esperjenza tax-xogħol rilevanti, ir-rwoli professjonali u l-kwalifiki li għandek, kif ukoll ritratt riċenti tiegħek u indikazzjoni tat-tip ta’ rwol li qed tfittex. Qed tbigħ lilek innifsek bħala persuna, mhux biss il-ħiliet tiegħek - immaġinak qed titkellem ma’ xi ħadd, u ikteb fl-ewwel persuna. Dan jgħinek titkellem dwar il-ħiliet personali tiegħek.
Idħol fil-gruppi
LinkedIn mhux talli huwa utli biex toħloq kuntatt ma’ persuni individwali, iżda jippermettilek ukoll tfittex u tingħaqad fi gruppi. Dan jista’ jvarja minn gruppi ta’ alumni tal-iskola u tal-università, għal gruppi ddedikati għal sengħa jew professjoni partikolari. Li tagħmel kuntatti fil-qasam li tkun interessat fih, b’mod partikolari man-nies li tkun taf personalment u li potenzjalment jistgħu jagħmlulek referenza, hija ta’ valur kbir meta tfittex impjieg. Wara kollox, huwa stmat li 70 % tal-impjiegi ma jiġux reklamati! Il-kuntatti personali jistgħu jkunu kruċjali biex isiru jafu bik u tiġi ssuġġerit għal ċerti rwoli.
Inkludi biss l-esperjenza ta’ xogħol rilevanti
Jekk fis-CV għandek żmien twil ta’ esperjenza ta’ xogħol, inkludi biss affarijiet rilevanti għar-rwol li tixtieq. Jekk għandek problema bil-maqlub, u tħoss li għandek nuqqas ta’ esperjenza rilevanti, ipprova u uri kif kwalunkwe esperjenza li GĦANDEK tista’ tgħinek fi rwol ġdid. X’ħiliet ġodda ggwadanjajt? Kien hemm xi esperjenzi b’mod partikolari li għenuk titgħallem ħafna? L-aktar importanti, kif timplimenta l-esperjenza u l-għarfien li ksibt fir-rwol mixtieq tiegħek?
Niżżel il-kliem ewlieni u t-termini tat-tfittxija fit-taqsima “Ħiliet” (skills) tiegħek
Il-kliem li tinkludi fit-taqsima tal-ħiliet tiegħek jaġixxu bħala kliem ewlieni. Meta kumpanija li trid timpjega tfittex għal dawn il-kliem fuq LinkedIn, jitla’ l-profil tiegħek. Tista’ tinkludi sa 50 ħila fuq il-profil tiegħek, għalhekk dan jagħtik opportunità kbira li timmassimizza l-probabbiltà li l-profil tiegħek jidher fir-riżultati. Biex isir użu akbar minn din il-karatteristika, itlob lil dawk li jkunu għamlu kuntatt miegħek biex japprovaw il-ħiliet tiegħek billi sempliċement jaġġornaw l-istatus, u forsi int toffri li tagħmel l-istess għalihom. Dan iżid il-kredibbiltà lill-profil tiegħek.
Agħżel int ma’ min tagħmel kuntatt
Li jkollok eluf ta’ kuntatti, minkejja dak li taħseb, mhux se ttejjeb il-profil tiegħek. Dan inaqqas biss il-kredibbiltà tagħha, u jagħmilha aktar diffiċli għalik biex tiffiltra l-posts u l-opportunitajiet rilevanti minn dawk irrilevanti. Ibda billi tikkuntattja lil dawk li ħdimt magħhom, jew qed taħdem magħhom. Imbagħad, ikkuntattja ħbieb u membri tal-familja li jaħdmu f’oqsma rilevanti għall-perkors magħżul tal-karriera tiegħek. Fl-aħħar nett, sib nies li jinsabu fi rwoli ta’ xogħol li tista’ tfittex fil-futur, u ibgħatilhom talba personalizzata, bl-ispjega għaliex għażilt li tagħmel kuntatt magħhom b’mod partikolari.
Nittamaw li dawn l-ideat jgħinuk tibni profil ta’ LinkedIn mistħoqq li jwasslek biex twettaq il-ħolma tiegħek!
Fi sħubija mal-EURES, il-Portal Ewropew dwar il-Mobilità fix-Xogħol.
Links relatati:
Aqra aktar:
Kundizzjonijiet tax-xogħol u l-għajxien fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Onlineli ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 11 Settembru 2019
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Negozju/Intraprenditorija
- Ideat u Suġġerimenti
- Żgħażagħ
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles