Organizza u żbarazza l-ispazju tax-xogħol tiegħek
Ħu ftit minuti kuljum biex torganizza u tiżbarazza l-ispazju tax-xogħol tiegħek. Li jkollok spazju nadif u żbarazzat fejn tista’ taċċessa faċilment dak kollu li teħtieġ inaqqas il-livelli ta’ stress tiegħek u jgħinek tipproduċi riżultati aħjar.
Ippjana minn qabel
Uża pjanifikatur (bil-miktub jew b’mod diġitali) biex torganizza l-kompiti minn qabel. Dan jgħin biex jiġi żgurat li ma timpenjax lilek innifsek b’mod eċċessiv għal xogħol li ma għandekx il-ħin biex twettaq, u jaġixxi wkoll bħala referenza faċli biex tistimula l-memorja tiegħek dwar dak li teħtieġ twettaq kuljum. Filwaqt li xi nies jippreferu jagħmlu dan bil-miktub, l-użu ta’ għodda ta’ ppjanar diġitali, bħal ResourceGuru jew Float, jagħmilha faċli biex taċċessa l-kalendarju tiegħek fuq il-post (u b’hekk ma tinqabadx mingħajr notebook li tkun insejt!).
Issettja kompiti żgħar u konkreti
Li taqsam il-miri ġenerali fuq terminu twil f’kompiti żgħar u konkreti jista’ jgħin biex l-ammont tax-xogħol tiegħek jinħass aktar raġonevoli u li jista’ jintlaħaq. Dan inaqqas ukoll il-probabbiltà ta’ prokrastinazzjoni jew differiment ta’ kompiti minħabba li tħossok inċert minn fejn tibda.
Ħu waqfiet regolari
Filwaqt li x-xogħol ta’ sigħat itwal jinħass daqslikieku qed twettaq aktar xogħol, mingħajr waqfiet regolari l-kwalità tax-xogħol tiegħek tonqos. L-istudji juru li t-teħid ta’ waqfiet regolari jistimula l-konċentrazzjoni u l-burdata tiegħek. Għaldaqstant, bejn kompitu u ieħor mur mixja qasira ħdejn l-uffiċċju biex tiċċaqlaq ftit, jew ħu 15-il minuta biex tagħmel tazza te jew kafè – bis-saħħa ta’ dan ix-xogħol tiegħek ikun aħjar!
Identifika l-aktar perjodi produttivi tiegħek
Persuni differenti jkunu l-aktar produttivi matul ħinijiet differenti tal-ġurnata. Xi wħud jistgħu jħossuhom l-aktar motivati filgħodu, pereżempju, filwaqt li għal oħrajn l-aħjar ħin ikun waranofsinhar jew filgħaxija. Identifika liema sigħat tal-ġurnata tħoss li jkollok l-ogħla konċentrazzjoni, u ddedika dawn għall-kompiti l-aktar importanti u/jew kumplessi.
Itfi n-notifiki mhux meħtieġa
Meta tkun qed tiffoka fuq kompitu, minflok taqra kull messaġġ u email li tirċievi, itfi n-notifiki. In-notifiki kostanti li jitilgħu fuq il-mobile jew id-desktop tiegħek jistgħu jtellfu l-konċentrazzjoni tiegħek, anki jekk ma jkunux urġenti. Jekk tinsab inkwetat li ma tindunax li rċevejt messaġġ jew telefonata importanti, ħafna pjattaformi (bħal Teams u Slack) jippermettulek titfi u tattiva n-notifiki skont il-kanal, it-tim, jew il-persuna involuta.
Għal aktar suġġerimenti biex jgħinuk tirnexxi fid-dinja tax-xogħol moderna, ara l-artiklu tagħna dwarSitt ħiliet personali li teħtieġ fil-post tax-xogħol ta’ wara l-pandemija.
Links relatati:
Sitt ħiliet personali li teħtieġ fil-post tax-xogħol ta’ wara l-pandemija
Aqra aktar:
Sib Konsulenti tal-EURES
Kundizzjonijiet tal-ħajja u tax-xogħol fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Kalendarju tal-Avvenimenti tal-EURES
Avvenimenti Online li ġejjin
EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 15 Lulju 2022
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Negozju/IntraprenditorijaIdeat u Suġġerimenti
- Sezzjoni(jiet) relatati
- Ideat u Suġġerimenti
- Settur
- Accomodation and food service activitiesActivities of extraterritorial organisations and bodiesActivities of households as employers, undifferentiated goods- and servicesAdministrative and support service activitiesAgriculture, forestry and fishingArts, entertainment and recreationConstructionEducationElectricity, gas, steam and air conditioning supplyFinancial and insurance activitiesHuman health and social work activitiesInformation and communicationManufacturingMining and quarryingOther service activitiesProfessional, scientific and technical activitiesPublic administration and defence; compulsory social securityReal estate activitiesTransportation and storageWater supply, sewerage, waste management and remediation activitiesWholesale and retail trade; repair of motor vehicles and motorcycles