Þýskur safarígarður vinnur með EURES til að ráða ítalska atvinnuleitendur

Ráðningarstjóri Marianne Perrin og samstarfsfélagi hennar Stephanie Diegel skipulögðu viðburði í ítölsku borgunum Ancona og Macerata í samvinnu við Serengeti Park garðinn Þær fengu stuðning frá kollegum sínum frá EURES á Ítalíu, sem höfðu verið í sambandi við ítalska atvinnuleitendur og buðu 27 umsækjendum á viðburðinn sem hluta af forvalsferlinu.

Á viðburðinum var EURES starfsfólkið frá ZAV kynnt og strax þar á eftir voru viðtöl við fulltrúa frá garðinum. Við lok viðburðanna var búið að ráða 14 af umsækjendunum, meira en helming þeirra sem mættu!

Óvænt, en kjörið tækifæri

Serena var ein umsækjendanna á viðburðinum í Macerata sem fékk starf. Hún útskrifaðist með háskólagráðu í hótel- og veitingageiranum en draumur hennar var að vinna með dýrum. Þegar hún heyrði af viðburðinum á Facebook, virtist tækifæri á að vinna í safarígarði kjörið.

„Þegar ég las um þetta verkefni hugsaði ég strax að það væri fullkomið fyrir mig! Þannig gæti ég sameinað háskólagráðu mína í hótel- og veitingageiranum og ástríðu mína fyrir dýrum,“ útskýrir hún. „Viðburðurinn var mjög fallegur,“ sagði hún, og bætti við að „allt var útskýrt fullkomlega, allt frá almennri ræðu um Þýskaland yfir í ítarlegar upplýsingar um laun og skatta.“

Sameiginlegt tungumál byggir upp tafarlaust traust

Annar þátttakandi, Maria, komst einnig að viðburðinum í gegnum Facebook. Maria segir að henni hafi líkað viðburðurinn mjög vel „því andrúmsloftið var ekki of formlegt og þau voru öll áhugasöm um að vinna starf sem passaði fyrir mig.“

Eins og Marianne útskýrir: „vinnuveitandinn gat ráðið umsækjendur með litla eða enga þekkingu á þýsku þar sem eigandi garðsins er ítölsk fjölskylda og sumir af yfirmönnunum tala ítölsku.“

„Einn þeirra var með okkur og hélt kynningu á ítölsku og hún tók líka viðtöl við umsækjendurna sem kunnu ekki þýsku. Þetta var auðvitað mikill kostur við að byggja upp traust.“

Marianne segir að flutningur til Þýskalands sé „dásamlegt tækifæri til að brúa bilið í atvinnuleysi, til að rifja upp þýska tungu og eiga alþjóðlega upplifun með lítilli persónulegri áhættu og mörgum tækifærum.“

Mörg starfanna í garðinum eru árstíðabundin, þó það geti líka verið tækifæri til að vera til lengri tíma. Þetta hentar Serena og Maria sem eru báðar ánægðar með að sjá til hvernig þetta fer áður en þær taka langtíma ákvörðun.

Stuðningur frá „fyrsta EURES-starfið þitt“

Bæði Serena og Maria ætla að flytja til Þýskalands til að hefja störf í apríl. Til að undirbúa sig undir flutninginn hafa þær tekið þátt í launuðu, ákafa-þýskunámskeiði með stuðningi frá fyrsta EURES-starfið þitt verkefninu.

Fyrir Serena kom tækifærið við að vinna í Þýskalandi á óvart, en hún gat ekki látið það fram hjá sér fara: „Í sannleika sagt hafði ég aldrei litið á Þýskaland sem land sem ég myndi vinna í og búa, en ég gat ekki annað en gripið tækifærið. Ég vona að þessi vitnisburður minn geti hjálpað einhverjum að fara þessa leið sem var mér eins og óvænt gjöf.“

Eftir þetta árangursríka frumkvæði eru Marianne og samstarfsfólk hennar hjá ZAV að undirbúa fleiri svipaða viðburði í Ítalíu með þýskum vinnuveitendum í hótel- og veitingageiranum.

Ef þú vilt fá nýjustu fréttirnar af komandi viðburðum skaltu passa að fylgja ZAV á LinkedIn, skrá þig á EURES-gáttina og hafa samband við EURES-starfsfólk á staðnum.

 

Tengdir hlekkir:

Zentrale Auslands- und Fachvermittlung (ZAV)

EURES á Facebook

Fyrsta EURES-starfið þitt, verkefni

ZAV á LinkedIn

EURES-gáttin

 

Nánari upplýsingar:

Evrópskir atvinnudagar

Drop’pin@EURES

Finndu EURES-starfsfólk

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn