Ara l-akbar erba’ bidliet fil-mod kif naħdmu.
1. L-adozzjoni tat-teknoloġija
Meta miljuni ta’ nies fid-dinja kollha ġew mitluba jaħdmu mid-dar minħabba l-pandemija tal-COVID-19, dawn użaw it-teknoloġija biex jadattaw il-mod kif jaħdmu. Il-ħidma bħala tim meta wieħed jaħdem mill-bogħod tiddependi ħafna mill-għodod online. Il-laqgħat wiċċ imb'wiċċ ġew sostitwiti b’konferenzi telefoniċi online permezz ta’ pjattaformi bħal Zoom u Microsoft Teams li jippermettu lill-persunal ikollu aċċess għal laqgħat mis-salott tiegħu, u b’hekk jiffranka l-ħin u l-flus. Dawn il-pjattaformi online għelbu l-ostakoli ta’ xogħol mill-bogħod u żammew lin-nies konnessi. Dawn għamlu x-xogħol mid-dar aktar konvenjenti billi ppermettew lill-kollegi jkomplu jaħdmu flimkien fuq proġetti.
2. Il-bilanċ bejn ix-xogħol u l-ħajja privata
Meta n-negozji ddeċidew li ma kienx sigur li wieħed imur l-uffiċċju, ħafna impjegati u impjegaturi ħadmu mid-dar għall-ewwel darba. Dan kien ifisser li ma kellhomx bżonn iqattgħu sigħat mill-ġurnata tagħhom fit-trasport pubbliku jew imwaħħlin fit-traffiku fl-awtostrada. Eluf ta’ persuni spiċċaw b’aktar ħin f’idejhom u, f’xi każijiet, b'bilanċ aħjar bejn ix-xogħol u l-ħajja privata. B’aktar żmien fil-ġurnata, il-persunal seta’ jqatta’ l-ħin jagħmel dak li jieħu gost jagħmel meta qabel kien ikun qed jivvjaġġa mid-dar għax-xogħol. Għal xi nies dan ifisser li setgħu jorqdu għal żmien itwal u jqattgħu aktar ħin jagħmlu l-kolazzjon jew jimxu bil-kelb tagħhom qabel ma jilloggjaw fuq il-laptop tagħhom.
3. Komunikazzjoni
Filwaqt li tista’ taħseb li x-xogħol mid-dar jillimita l-komunikazzjoni mal-kollegi, dan ma kienx dejjem il-każ. Minħabba li ġiegħlet lin-negozji jaqilbu għax-xogħol mill-bogħod, il-pandemija wriet lill-impjegaturi u lill-impjegati li xorta jista’ jkun hemm komunikazzjoni b’saħħitha lil hinn mill-uffiċċju. Ix-xogħol mid-dar ippermetta lil ħafna negozji jesploraw għodod ta’ kollaborazzjoni differenti, li ppermettew li l-laqgħat u d-diskussjonijiet isiru online. L-għodod ipprovdew ukoll spazju għall-kollegi biex jissoċjalizzaw. Huma jistgħu jċemplu lil xulxin biex ikollhom konverżazzjonijiet li kieku kien ikollhom fl-uffiċċju jew waqt l-ikla ta’ nofsinhar tagħhom sabiex jibqgħu jitkellmu dwar ħajjithom u x-xogħol tagħhom.
4. Flessibbiltà
Tradizzjonalment, l-impjegaturi kienu jsibuha bi tqila biex jaċċettaw ix-xogħol mid-dar u l-ħinijiet flessibbli. Ix-xogħol mill-bogħod jirrikjedi li l-impjegatu ikollu fiduċja li l-persunal tiegħu jkompli jkun produttiv u jipprovdi xogħol ta’ kwalità meta dan ikun ’il bogħod. Billi jippruvaw ix-xogħol mid-dar matul il-pandemija, hemm probabbiltà akbar li l-impjegaturi jafdaw lill-persunal li jaħdem mid-dar fil-futur. Dan jista’ jwassal għal aktar opportunitajiet ta’ xogħol flessibbli. Ix-xogħol mid-dar mhuwiex għal kulħadd, iżda ħafna nies issa kellhom l-opportunità li jitgħallmu jimmaniġġjaw il-ħin tagħhom u jadattaw għal ambjent tax-xogħol differenti. Setgħu kienu saħansitra aktar produttivi. Il-pandemija tal-COVID-19 uriet li ma hemmx mod wieħed biss kif taħdem, iżda hemm ħafna.
Il-mod kif naħdmu nbidel b’miżuri ta’ lockdown differenti jiġu implimentati fid-dinja kollha u, għal xi negozji, jista’ jkun li biddel il-mod kif jaħdmu għal dejjem.
Għal aktar suġġerimenti dwar ix-xogħol mid-dar, ara l-artiklu tagħna kif tkun produttiv(a) meta taħdem mid-dar.
Links relatati:
Kif tkun produttiv(a) meta tkun qed taħdem mid-dar
Aqra aktar:
Il-kundizzjonijiet tal-għajxien u tax-xogħol fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li għadhom se jittellgħu
Il-EURES fuq Facebook
Il-EURES fuq Twitter
Il-EURES fuq LinkedIn
Dettalji
- Data tal-pubblikazzjoni
- 18 Ġunju 2020
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Negozju/Intraprenditorija
- Ideat u Suġġerimenti
- Aħbarijiet/rapporti/statistika
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles