Skoðaðu fjórar helstu breytingar á starfsháttum okkar.
1. Upptaka á tækni
Þegar milljónum manna um allan heim var sagt að vinna heiman frá sér vegna COVID-19 heimsfaraldursins notuðu þeir tækni til að aðlaga starfshætti sína. Teymisvinna í fjarvinnu treystir í miklum mæli á nettól. Í stað funda augnliti til auglitis komu myndfundir í gegnum forrit eins og Zoom og Microsoft Teams sem gera starfsfólki kleift að sækja fundi úr stofunni heima hjá sér og spara tíma og fjármagn. Þessir netverkvangar ruddu hindrunum úr vegi fyrir fjarvinnu og héldu fólki í góðu sambandi. Þeir gerðu fjarvinnu frá heimilum þægilegri með því að gera samstarfsmönnum kleift að halda áfram að vinna að verkefnum.
2. Jafnvægi milli vinnu og einkalífs
Þegar fyrirtæki ákváðu að það væri óöruggt að fara á skrifstofuna unnu margir starfsmenn og vinnuveitendur heiman frá sér í fyrsta skipti. Það þýddi að þeir þurftu ekki að eyða mörgum klukkustundum á dag í almenningssamgöngum eða í umferðarteppum á hraðbrautum. Þúsundir sátu uppi með meiri tíma og, í sumum tilvikum, betra jafnvægi á milli vinnu og einkalífs. Með meiri tíma í sólarhringnum gat fólk varið tíma í hluti, sem veitti þeim ánægju, þegar það venjulega hefði verið á leiðinni heim úr vinnunni. Fyrir suma þýddi það lengri svefn og meiri tími í að undirbúa morgunmatinn eða lengri göngutúrar með hundinn áður en þeir kveiktu á tölvunni.
3. Samskipti
Þó að þú haldir kannski að fjarvinna að heiman takmarki samskipti við samstarfsmenn er það ekki alltaf svo. Með því að þvinga fyrirtæki til að skipta yfir í fjarvinnu sýndi heimsfaraldurinn vinnuveitendum og launþegum að góð samskipti geta einnig farið fram utan skrifstofunnar. Fjarvinna frá heimilum veitti mörgum fyrirtækjum tækifæri til að kynna sér mismunandi samstarfstól sem bjóða upp á fundi og umræður á netinu. Þessi tól hafa einnig veitt samstarfsmönnum tækifæri til að umgangast hvern annan. Þeir geta hringt hver í annan til að ræða hluti sem þeir hefðu venjulega rætt á skrifstofunni eða í hádegishléinu svo að þeir missi ekki af því að ræða um einkalíf sitt og vinnuna.
4. Sveigjanleiki
Venjulega hafa vinnuveitendur verið tregir til að hvetja til fjarvinnu frá heimilum og sveigjanlegs vinnutíma. Fjarvinna krefst þess að vinnuveitandinn treysti því að ekki dragi úr afköstum starfsmanna og gæðum vinnu þeirra þegar þeir eru ekki í augnsýn. Með því að prófa fjarvinnu frá heimilum í heimsfaraldrinum eru vinnuveitendur nú mun líklegri til að treysta starfsmönnum sínum til að vinna heiman frá sér í framtíðinni. Það getur leitt til frekari tækifæra fyrir sveigjanlega vinnu. Fjarvinna er ekki fyrir alla en margir hafa nú haft tækifæri til að læra tímastjórnun og laga sig að mismunandi vinnuumhverfi. Það getur meira að segja verið að afköst hafi aukist. COVID-19 heimsfaraldurinn hefur sýnt okkur að það er ekki lengur bara ein leið til að vinna, þær eru margar.
Starfshættir okkar breyttust með mismunandi útgöngureglum um allan heim og hjá sumum fyrirtækjum getur verið að starfshættir hafi breyst til frambúðar.
Frekari ráð um heimavinnu má finna í svona kemurðu hlutunum í verk þegar þú vinnur heiman frá þér.
Tengdir hlekkir:
Svona kemurðu hlutunum í verk þegar þú vinnur heiman frá þér
Nánari upplýsingar:
Finna Eures ráðgjafa
Atvinnu- og búsetuskilyrði í Eures-löndum
Vinnugagnagrunnur Eures
Þjónusta Eures fyrir vinnuveitendur
Viðburðadagatal Eures
Næstu viðburðir á Netinu
Eures á Facebook
Eures á Twitter
Eures á LinkedIn
Upplýsingar
- Útgáfudagsetning
- 18 Júní 2020
- Höfundar
- European Labour Authority | Directorate-General for Employment, Social Affairs and Inclusion
- Viðfangsefni
- Viðskipti /FrumkvöðlastarfÁbendingar og ráðFréttir/skýrslur/tölfræði
- Tengdir hlutar
- Búseta & atvinna
- Geirinn
- Accomodation and food service activitiesActivities of extraterritorial organisations and bodiesActivities of households as employers, undifferentiated goods- and servicesAdministrative and support service activitiesAgriculture, forestry and fishingArts, entertainment and recreationConstructionEducationElectricity, gas, steam and air conditioning supplyFinancial and insurance activitiesHuman health and social work activitiesInformation and communicationManufacturingMining and quarryingOther service activitiesProfessional, scientific and technical activitiesPublic administration and defence; compulsory social securityReal estate activitiesTransportation and storageWater supply, sewerage, waste management and remediation activitiesWholesale and retail trade; repair of motor vehicles and motorcycles