Hawnhekk nagħtu ħarsa lejn erba’ tipi ta’ personalitajiet tipiċi li tista’ tiltaqa’ magħhom u noffru xi suġġerimenti dwar kif tifforma relazzjonijiet tax-xogħol effettivi magħhom.
Il-Mexxej
Min huma? Il-mexxejja normalment huma individwi ambizzjużi ħafna, li għandhom għan u jridu jilħquh u kunfidenti fihom infushom. Huma t-tip ta’ nies li jieħdu l-kontroll ta’ sitwazzjoni, jieħdu deċiżjonijiet ċari u probabbilment issib li qegħdin jaħdmu ħafna sigħat ta’ sahra. Dawn il-karatteristiċi pożittivi huma bbilanċjati mill-fatt li dawn għandhom it-tendenza li jiffavorixxu l-opinjoni tagħhom stess tgħaddi u jistgħu jkunu insensittivi lejn il-ħsibijiet u s-sentimenti tal-oħrajn. U filwaqt li jinqalgħu biex jaraw l-’istampa kollha’, jistgħu jaqbżulhom xi dettalji żgħar.
Kif tista’ taħdem magħhom? Kun ċar, raġonevoli u loġiku fl-approċċ tiegħek mal-mexxejja, b’mod partikolari jekk tridhom jikkunsidraw opinjonjiet oħra minbarra tagħhom stess. Imxi warajhom u agħtihom il-libertà li jeħtieġu biex jeċċellaw. Finalment, ipprova tiħux għalik jew tirrita ruħek jekk jgħidu jew jagħmlu xi ħaġa li toffendik – probabbilment ma kellhomx l-intenzjoni li jaffettwawk b’dan il-mod.
Il-Medjaturi
Min huma? Il-medjaturi huma l-qalba ta’ tim b’saħħtu u ta’ suċċess għax huma paċenzjużi, diplomatiċi u sensibbli. Huwa impossibbli li ma jkollokx grazzja mal-medjaturi minħabba li dawn normalment ikunu simpatiċi, ma joffendu lil ħadd u simpatetiċi. Madankollu, huma għandhom it-tendenza li jevitaw il-konfrontazzjoni kemm jista’ jkun, u b’hekk xi drabi ibatu huma stess, jippruvaw wisq jikkuntentaw lil kulħadd u jħossuhom intimidati faċilment mix-xogħol jew mir-responsabbiltajiet tagħhom.
Kif tista’ taħdem magħhom? Qis li tkun taf fuq xiex qed jaħdmu qabel ma tagħtihom biċċa xogħol, għaliex x’aktarx jgħidu “iva” anke jekk ma jkollhomx il-ħin. Ħeġġiġhom biex joħorġu ‘l barra miż-żona ta’ kumdità tagħhom, biex isemmgħu leħinhom dwar l-opinjonijiet tagħhom u biex iħaddnu esperjenzi ġodda. U ftakar biex tirringrazzjahom għal xogħolhom – il-medjaturi tant huma modesti li xi drabi ma napprezzawhomx.
Dawk li Jħobbu Jissoċjalizzaw
Min huma? Dawk li jħobbu jissoċjalizzaw jagħtuk pjaċir toqgħod magħhom u għandhom it-tendenza li jkunu vivaċi u entużjasti, li jgħajtu u li jparlaw ħafna. Jeċċellaw fin-netwerking u s-soċjalizzazzjoni, u x-xogħol tagħhom ħafna drabi jirrifletti karattru kreattiv. Min-naħa l-oħra, jistgħu jkunu diżorganizzati, jaljenaw rashom faċilment u diffiċli biex taħdem magħhom għaliex jgħaddu minn kompitu għal ieħor malajr.
Kif tista’ taħdem magħhom? Agħti lil dawk li jħobbu jissoċjalizzaw l-libertà li jużaw il-kreattività tagħhom, filwaqt li tagħtihom xogħol u skadenzi definiti sew biex jibqgħu ffukati. Ipparteċipa b’mod pożittiv fil-konverżazzjonijiet tagħhom, iżda turihomx li lest biex tpaċpaċ ħafna – u mexxihom ‘il bogħod minn xi diskors malizzjuż fuq in-nies!
L-Analisti
Min huma? L-analisti għandhom it-tendenza li jkunu serji u li jaħsbu fik, u huma kuntenti biżżejjed li jaħdmu b’mod indipendenti. Jistgħu jiġu fdati biex jagħmlu xogħol ta’ standard għoli, iżda l-ħtieġa tagħhom li jkunu perfetti tista’ twassal għal diżappunt inevitabbli kemm għalihom infushom kif ukoll għall-kollegi tagħhom. Filwaqt li l-analisti huma eċċellenti biex isegwu ordnijiet, jistgħu jkunu wkoll negattivi u jsibuha diffiċli biex ilaħħqu ma’ inċertezzi u sitwazzjonijiet ġodda li jieħduhom barra miż-żona ta’ kumdità tagħhom.
Kif tista’ taħdem magħhom? L-analisti japprezzaw li jkollhom ħin biex jaħsbu u nuqqas ta’ pressjoni meta jiġu biex jieħdu d-deċiżjonijiet. Iħobbu wkoll li jkollhom l-informazzjoni kollha meħtieġa sabiex id-deċiżjoni tkun waħda infurmata. Jiġifieri, jekk tagħtihom il-fatti u ftit spazju, huma se jagħtuk lura xogħol sew.
Naturalment, mhuwiex biss dwar kif inti tista’ tifforma relazzjonijiet ma’ oħrajn – dawn ikunu qed ifittxu li jagħmlu l-istess miegħek. Tista’ saħansitra tagħraf lilek innifsek f’dawn id-deskrizzjonijiet, allura għaliex ma timmassimizzax il-potenzjal tar-relazzjonijiet tax-xogħol tiegħek billi tikkunsidra l-parir min-naħa l-oħra?
Aqra aktar:
Kundizzjonijiet tax-xogħol u l-għajxien fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Onlineli ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 9 Jannar 2019
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Ideat u SuġġerimentiŻgħażagħ
- Sezzjoni(jiet) relatati
- L-Għajxien u x-Xogħol
- Settur
- Accomodation and food service activitiesActivities of extraterritorial organisations and bodiesActivities of households as employers, undifferentiated goods- and servicesAdministrative and support service activitiesAgriculture, forestry and fishingArts, entertainment and recreationConstructionEducationElectricity, gas, steam and air conditioning supplyFinancial and insurance activitiesHuman health and social work activitiesInformation and communicationManufacturingMining and quarryingOther service activitiesProfessional, scientific and technical activitiesPublic administration and defence; compulsory social securityReal estate activitiesTransportation and storageWater supply, sewerage, waste management and remediation activitiesWholesale and retail trade; repair of motor vehicles and motorcycles